Vinsæl biblíuvers úr Luka 6

Deildu

Èzínø̀ng, wekvt nàmaq sv̀ng gø èzívtnø̀nge. Zìdvng shvlá taq tø:ngò nø̀ yølyøl a:lò dá:ngí, nàmaq pé taq limlimwa èshóravtnø̀nge. Kadø íe wani nàmaqí ètínganø̀ng zìdvng dø, nàmaq sv̀ng wedø ètíngavtnø̀nge,” a:lòe.

Vsv̀ng shvlá nø, àng nøt vdòngø shvla lòng shø:pmò yv́ngkèní shvla pv̀n vjáng lú:ngòe. Vsv̀ng mvgv́m nø àng nøt vdòngø mvgvm lòng shø:pmò yv́ngkèní mvgvm pv̀n vjáng lú:ngòe. Kadø íe wani nøt vdòngø dv̀n vshøt pv̀n kèní nònggø:pmí shø̀n lú:ngòe.

Íwe nàmaq nø ngv̀nshàrì sv̀ng èshóngshìnø̀ng, shvla we èwáanø̀ng. Vtv́nga ra we sv̀ng màlǿmshìshaq èrumnø̀ng. Wekvt nàmaq zìbè nø ring nø̀, Vháng Vtvngpè àngcèrì gø èí lóngnø̀nge. Pawá wani Àng nø oqà wá mvsháò rì nv̀ng vsv̀ng mvgv́m rì sv̀ng gø nøt shvlae.

Nàmaq Nvpèí mvré èzanø̀ng dø, nàmaq gø mvré nàzakénø̀ng.

Vsv̀ng kaq mèshèrànø̀ngni, wekvt Gvrayí nàmaq sv̀ng gø mèshèràvtnø̀ng. Vsv̀ng kaq mvrà mèshèrinø̀ngni, wekvt Gvrayí nàmaq sv̀ng gø mvrà mèshèrivtnø̀ng. Mvrà èchutnanø̀ng, wekvt Gvrayí nàmaq mvrà gø èchutnavtnø̀nge.

Íwe Ngà kà ètashìnø̀ng rì nàmaq sv̀ng vla:tnìni, nàmaq ngv̀nshàrì sv̀ng èshóngshìnø̀ng. Nàmaq kaq shvngoshì rì sv̀ng shvla we èwáanø̀ng. Nàmaq kaq mètv́nvtnø̀ng rì sv̀ng shèmánanø̀ng. Nàmaq sv̀ng mèyvmkévtnø̀ng rì dvpvt vjú èrøtnanø̀ng.

Vsa:ngí nàmaq sv̀ng wáa ra we èshòngnø̀ng dø, nàmaqí gø àngmaq sv̀ng wedø èwáanø̀ng.

Mvwa tiqpa nàpaqvtnø̀ng gǿ sv̀ng wápa gø shènáshìnø̀ng. Mvdv̀m bèlaq dùng ètølv́mvtnø̀ng gǿ sv̀ng vdòng bèlaq dùng gø mènàgv́rnø̀ngni. Røt ra we kagǿ sv̀ng gø èzínø̀ng. Vrá, nàmaq dvrèrì èlv́ngav́mnø̀ng gǿ kèní mègùnnø̀ngni.

Shǿngtø̀ng shvlá kèní àngshí mvgv́m mvshí. Vrá, shǿngtø̀ng mvgv́m kèní nø àngshí shvlá mvshí.

Àngshí kèní kapv̀n shǿngtø̀ng í we sháshìe. Bv̀nghǿ tø̀ng kèní nv̀mgwè shí røpmv́m mvlúnshì. Bv̀nghǿ póng kèní bìmshí røpmv́m mvlúnshì.