Vinsæl biblíuvers úr Luka 8

Deildu

Vba shvlá taq vjáá:mì rì mv̀ng nø, shvla we nøt nv̀ng døngnø:tní mòngkà táò nø̀ kǿng vtøp mvnvtshì sórí tøn zánnø:tní àngshí shí rì íe.

Bv̀nghǿ póng vdòngø vjáá:mì rì nø, mòngkà tá bǿà kvt, àngmaq lvpat tvrà taq gónggilv́m rì, pø̀ vdálv́m rì nv̀ng góngsha dvbùlv́m rìí àngmaq sv̀ng shø̀rkéò rvtnø̀, àngshí mvgong rì íe.

Lóngheq mvdv̀mø vjáá:mì rì nø, mòngkà sv̀ng tá bǿà kvt, dvbùnø:tní vtoshì rì íe. Íwe àngrø mvcaqshì weí, àngmaq nø tiqdvgvp wa kv́m nø̀, vløt we vhǿm bǿò kvt lángshìvm rì íe.

Yesuí, “Nàmaq kv́mnøt kayv́ng íá:mì má?” a:lòe. Àngmaq svre nø̀ dàá:mì sórí, “Yapè nø kagǿ íe má? Nv̀mbø̀ng nv̀ng tì sv̀ng gø À:ngí dvká:mò nìnø, Àng kà tae,” wa vrùnge.

Tvrà mvdv̀m vjáá:mì rì nø mòngkà tá bǿà nìgø, àngmaq kv́m nø̀ chutchv́ng we mvlúnlv́m dvpvt, Satan di ráì nø̀ àngmaq nøt vdòng kèní mòngkà lùv́m bǿà rì íe.

Kadø íe wani vmáshaq pà í nìgø, Gvrayí dvtan lú:ngòe. Vrá, vwvmshaq pà ínìgø, shvngbeí sháò dø gá yv́ng dvtan lú:ngòe.

Svmaré wemè nø, ma mvlúnshì we sháshì bǿì rvt, vdv̀n sórí dì ráì nø̀, Àng mv́rdv̀ngø kǿng kupshìe. Àng sv̀ng pàwálv́m shup bǿà we nv̀ng àng kadø chàng baná:mì we bashàrì shvngbe mv́rdv̀ngø shǿnshìe. Wekvt Yesuí, “Ngàcèmèá, nà kv́mnø:tní nà sv̀ng dèban bǿì. Pàmvrà èlovm,” a:lòe.

Àngmaq di ráì weí Yesu sv̀ng dvsha:tnò nø̀, “Kàngpèá, Kàngpèá, vmv́nglv́m wàì lé!” wa vkiqe. Wekvt Àng kungshì nø̀ nv̀mbø̀ng nv̀ng pvlòng we tima sv̀ng ngvn bǿà nìnø, nv̀mbø̀ng mvrù shø̀má:mì nø̀ zø̀lá:mì.