Popular Bible Verses from Ta Kəla gír yá̰a̰ gə̄ 39

Deildu

Kɔ́ɔ̄ɓē i naā tə́ kə Jəjepé adə̄ yá̰a̰ rāān gə̄ i kə́ majə malang. Ni-ndi i kem kújə yā kɔ́ɔ̄n tə́.

Loo ń noō tə́ Potipar əya̰ yá̰a̰ yān malang jī Jəjep tə́. Yá̰á̰ ń ni a rāā ní i kun yá̰a̰ kəsa kaw̄ń tan tə́ ngóy. Jəjep balsáá ngá̰ý ō, majə deē ngá̰ý ō.

əndān dɔ dəngáy gə̄ tə́ malang kadə̄ ngɔ̄m̄də́, adə̄ Jəjep i nge kɔjədə́ kəla kadə̄ rāān̄.

adə̄ əhɔ Jəjep ənīn dəngáyá, loo ń dəngáy yā mban̄g gə̄ a ton̄ tū tə́ ní tə́. Dan ń Jəjep to dəngáyá ní, Kɔ́ɔ̄ɓē i naā tə́ seneé. Ni əndā kumən gōn tə́ adə̄ ngol ngé ngɔ̄m̄ dəngáy gə̄ rāā majə seneé

Gō yá̰a̰ gə̄ ń toō tə́ nə̄yá̰ Potipar əndā kumən rɔ̄ Jəjep tə́, adə̄ ədan na kə to seneé. Jəjep mbātə́, ədan na kɔ́ɔ̄n na ənī kemən adə̄n, na əndā kumən gíŕ yá̰á̰ kə́ kem kújú tə́ alé, na əya̰ yá̰a̰ yān malang na i gír jīn tə́. Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa.

Ndɔ̄ kógə̄ḿ tə́ Jəjep udə kújú yā rāā kəla yān, ba ngé rāā kəla kə́ kem kújú gə̄ tá gətóon̄. Anī dəyá̰ ngeé láā ta kūbə̄ yā Jəjep əhɔ, ba ədan na kə to seneé, na i mbée a Jəjep əya̰ kūbə̄ yān jīn tə́ ba teē kújú kə ngɔ̄dɔ̄ɔ́.