Popular Bible Verses from Mateo 1

Deildu

Kalax k'u jun ralab' y Jesús rub'i' kakojo, ma Rire keb'ukolob'ej rutinamit che ri kimak» xcha'.

Chitanape': Jun chomilaj q'apoj ali kakanaj yewa' ixoq y kalax jun ralab'. Ek'u rub'i' kab'i'xik: Emanuel xcha'. Wa' ke'elawi “Dios xo'ljeqel quk'”.

Ek'uchiri' kuch'ob' raqan puwi wa', xaqik'ate't jun ángel re ri Dios xuk'ut rib' pa uwachik' y xub'i'ij che: «José, at ralk'o'al kan ri David, maxi'ij awib' che kak'am ri María re ku'an awixoqil, ma rumatzem rire, uk'ulum ruma ri Santowilaj Ruxlab'ixel ri Dios.

Jewa' xu'an ri ralaxib'al ri Qanimajawal Jesucristo: Ri María, ruchu ri Jesús, unimam chik kak'uli' ruk' ri José. Ek'uchiri' k'amaja' kakijunimaj kib', ri María xkanaj yewa' ixoq ruma ruchuq'ab' ri Santowilaj Ruxlab'ixel ri Dios. Ri José, ri rachijil ri María, ruma lik jusuk' rub'inik y ruma na karaj taj kuya uk'ix ri María chikiwach ri winaq, xraj k'ut kuya kanoq e la' na jinta k'o kena'b'en re.