Popular Bible Verses from Matiyu, echî 7

Deildu

“Bhə̂p, tîk o fôn. Nôt, tîk o tî. Sûm itə̂m, tîk á rə́bhe wâ.

Ka kpe énê nnyo á bhəp, á kí karé yê; á not, a kí ti; á sum fə́ne itə̂m, á kí rəbhé yê.

“Nne mân nnyo á yuk achot amámé mmá, a yîm ka ekpak nji a yúghi, nne ányo a ri noŋ nne nnyo a fonê aron, a kí gbe njû, a jî gbê ka eránám.

“Nâ yim ên na atem-ane ekpak o kí wom ábho á yîm na ên. Ḿfa nâ echî ebhín í Mosis na okpígha-ejûm akará-otîp Obhasi.”

Nnyi a chébhe ochép, ejen é yuŋi é chiŋ. Ane á ká ti mba á chíŋa ka ńnyə́ne. Ńnyi nâ á jak ka ekpin.”

“Deê ó chíŋ ên ka mbá nnyi a chébhe ochép, ka chíŋ ka mbá nnyi a faŋê ofaŋ, ka ane á ti mba á kóra sê á chíŋ ka ńnyə́ne. Ejen é bhó yuŋi ka mbá nnyi faŋám nnyí, kən á jâk ka oseŋe.

Ájoé ên, ka ane abhí, ó riŋi ên ekpak o kí karé ên iyîm ino mbâ abhon abhə́né, ó kere ên mân sê Ńsé owəné nnyo a ri ka ósô á bhó karé onono mbi ó chíŋi obhô mbâ ane mba á bhə́bhe yê a?

“O kâ bhíbhi ntem, Obhasi fə́ne á bhó bhibhi wâ. Echî aŋ? Obhasi a kí bhibhi wâ ekpak nji ó bhibha atem. Ekpak o gaê o káre ntem, nâ noŋ Obhasi a kí gaé fə́ne a káre wâ.

“Kən nne nnyo á yuk achot mmá chénchén á ka yim ka ekpak nji a yúghi, nne ányo a ri noŋ énə́mé nne nnyo a kí gbe njû, a jî gbê ka ésébhe.

Nan kən o kí kep ńtép nnyi a ri ka eyə̂t í ntem, ńga nnyi a ri wâ ka eyə̂t a ri nkoghe? O kí yim nan ó sə́ré ntem se a tóŋé eyə̂t, ó yíghi yê ńtép nji nkoghe a ri ka ejâ eyə̂t?

“Kô ên ebhú na akará-otîp Obhasi mba áfúbhí. Á bha mbâ eyəné, ó yen se anyen-ane kən ka etím á bhip á chiŋi ochíŋ. O kí məŋé ábho ka oyima-ejûm ábho. Nne á bhó bhoŋ ńchít ka étí ajoŋe. Nne á bhó bhoŋ mbaŋ ka íríghí egóm.

Nnyen étí é kábha nkap nnyi no. Kən étí ebhí é kábha nkap nnyi bhí.

Nnyen étí é bhó kap nkap nnyi bhí, étí ebhí fə́ne nkap nnyi no, é bhó kap.

Kpe njə́n étí mân nji é ká kap nnyen i nkap, á kí gbut á túp ka erəmta-ngûn.