Popular Bible Verses from Ezekela 37

Deildu

Haú hkûn, Yhang gi, ngo lé, “Showui haú pé eq séng luî myìqhtoi htoi mù, yhángmòq lé, ‘Kyuq huî é showui pé ê, haû Yhûmsîng Garaî é dang lé gyo keq! Showui shí pé lé haû Ahko Ahkáng lhúnglháng wó Sû Yhûmsîng Garai shî su ga taî ri; Ngò gi, núngmòq chyáng kângsoq wàng nhâng râ nghut mù, núngmòq gi, chyungxe duî kôrâ nghut lhê.

Ngò gi, núngmòq chyáng shogyi gyan nhâng mù, sho toq nhâng luî, sho-kuq yùp byi râ nghut lhê. Ngò gi, núngmòq chyáng kângsoq kat byi râ nghut mù, núngmòq gi, chyungxe duì kôrâ nghut lhê. Haú hkûn, Ngò gi, haû Yhûmsîng Garai nghut é lé, núngmòq sé kôrâ nghut lhê.’ nghû taí aq.” ga taî ri.

Yhang gi, ngo lé, “Byù zo ê, showui shí pé wó dui lò râ lhú?” ga myî ri. Haú hkûn, ngò gi, “Ahko Ahkáng lhúnglháng wó Sû Yhûmsîng Garai ê, Nàng za ru sê lhê.” nghû tû taî é nghut lhê.

Haû Yhûmsîng Garaî é lòq gi, ngá é ahtoq má jòq nyì mù, Yhûmsîng Garaî é So èq ngo lé shuî htoq yû luî, langhkaû agùng má ngo lé nyhi tô ri; langhkaû haú má showui pé byíng zan tô ri. Yhang gi, ngo lé showui bùm haú má ê ê lò lò kut nhang é nghut mù, ngò gi, langhkaû haú má showui pé myo myo jòq tô é lé myang ri; haú pé gi, gyai yhang kyuq huî tô é chyat nghut ri.

Haû mù, Ngò gi, ngo lé hkunmó hkyô é eq rajung za, myìqhtoi htoi bê nghut lhê. Ngò myìqhtoi htoî nyi é u, htê htoq lo ri; haû gi, layàng nún htê nghut ri; haú hkûn, showui pé gi, dui lû lò mù, rahkat eq rahkat xoq lhûm lo bum ri. Ngò wú tô le, shogyi pé gyân lò mù, haú pé má sho toq lô luî, sho-kuq pé yùp tô bum é lé myang ri; nghut kôlhang, haú pé má kângsoq a bò shi nghut ri.