The Dholuo Old Testament

<div class="version vid1810 iso6393luo" data-vid="1810" data-iso6393="luo">
   <div class="book bkGEN">
      <div class="chapter ch3" data-usfm="GEN.3">
         <div class="label">3</div><div class="s"><span class="heading">Dhano odonjo e richo</span></div><div class="p"><span class="content">  </span><span class="verse v1" data-usfm="GEN.3.1"><span class="label">1</span><span class="content">  </span><span class="note x"><span class="label">#</span><span class=" body">    
        Fweny 12.9; 20.2.  </span></span><span class="content">Thuol ne riek moloyo le duto mane Ruoth Nyasaye osechueyo. Nopenjo dhako niya, &#8220;Bende en adieri ni Nyasaye nowacho ni kik ucham olemb yath moro amora manie puodhoni?&#8221; </span></span><span class="verse v2" data-usfm="GEN.3.2"><span class="label">2</span><span class="content">Dhako nodwoke niya, &#8220;Wanyalo chamo olemb yien duto manie puodho, </span></span><span class="verse v3" data-usfm="GEN.3.3"><span class="label">3</span><span class="content">to mak mana olemb yath manie dier puodho ema ok wanyal chamo. Nyasaye nokwerowa ni kik wacham olemb yadhno, kendo kik wamule, nimar kwatimo kamano, to wanatho.&#8221; </span></span><span class="verse v4" data-usfm="GEN.3.4"><span class="label">4</span><span class="content">Thuol nodwoke niya, &#8220;Ngang&#8217;! Ok unutho. </span></span><span class="verse v5" data-usfm="GEN.3.5"><span class="label">5</span><span class="content">Nyasaye nowacho kamano nikech ong&#8217;eyo ni ka uchame to wang&#8217;u noyepi, mi unubed machal kode, kendo unung&#8217;e ber gi rach.&#8221;</span></span></div><div class="p"><span class="verse v5" data-usfm="GEN.3.5"><span class="content">  </span></span><span class="verse v6" data-usfm="GEN.3.6"><span class="label">6</span><span class="content">Dhako noneno ni olemb yadhno ber chamo, kendo lombo wang&#8217;, mi noparo kaka onyalo miyo ng&#8217;ato doko mariek. Kuom mano, nopono olembe moko mochamo. Chwore bende nomiyo moko, mochamo. </span></span><span class="verse v7" data-usfm="GEN.3.7"><span class="label">7</span><span class="content">Kane gisechamo olembego wengegi noyepo mi ne gifwenyo ni gin duge. Omiyo ne gitwang&#8217;o oboke, mi gigeng&#8217;orego.</span></span></div><div class="p"><span class="verse v7" data-usfm="GEN.3.7"><span class="content">  </span></span><span class="verse v8" data-usfm="GEN.3.8"><span class="label">8</span><span class="content">Adam gi chiege nowinjo Ruoth Nyasaye kawuotho e puodho kar ang&#8217;ich welo, mi ne gipondone e yien manie puodho. </span></span><span class="verse v9" data-usfm="GEN.3.9"><span class="label">9</span><span class="content">To Ruoth Nyasaye noluongo Adam, mopenje niya, &#8220;In kanye?&#8221; </span></span><span class="verse v10" data-usfm="GEN.3.10"><span class="label">10</span><span class="content">Adam nodwoke niya, &#8220;Aye awinjo kiwuotho e puodho, to luoro nomaka, mi apondo, nikech an duk.&#8221; </span></span><span class="verse v11" data-usfm="GEN.3.11"><span class="label">11</span><span class="content">Nyasaye nopenje niya, &#8220;Ng&#8217;a monyisi ni in duk? Koso isechamo olemo mane akweri ni kik icham?&#8221; </span></span><span class="verse v12" data-usfm="GEN.3.12"><span class="label">12</span><span class="content">To Adam nodwoke niya, &#8220;Dhako mane imiya mondo okonya, ema nomiya olemo mondo acham, mi nachamo.&#8221; </span></span><span class="verse v13" data-usfm="GEN.3.13"><span class="label">13</span><span class="note x"><span class="label">#</span><span class=" body">2 Kor 11.3; 1 Timo 2.14.</span></span><span class="content">Eka Ruoth Nyasaye nopenjo dhako ni, &#8220;Ang&#8217;o momiyo nitimo kamano?&#8221; Nodwoke niya, &#8220;Thuol ema nowuonda, machamo olemono.&#8221;</span></span></div><div class="p"><span class="verse v13" data-usfm="GEN.3.13"><span class="content">  </span></span><span class="verse v14" data-usfm="GEN.3.14"><span class="label">14</span><span class="content">Eka Ruoth Nyasaye nowacho ni thuol niya,</span></span></div><div class="q"><span class="verse v14" data-usfm="GEN.3.14"><span class="content">&#8220;Gima isetimoni,</span></span></div><div class="q"><span class="verse v14" data-usfm="GEN.3.14"><span class="content">omiyo okuong&#8217;i moloyo jamni duto,</span></span></div><div class="q"><span class="verse v14" data-usfm="GEN.3.14"><span class="content">kendo moloyo le duto.</span></span></div><div class="q"><span class="verse v14" data-usfm="GEN.3.14"><span class="content">Inilag gi bund iyi,</span></span></div><div class="q"><span class="verse v14" data-usfm="GEN.3.14"><span class="content">kendo inicham lowo,</span></span></div><div class="q"><span class="verse v14" data-usfm="GEN.3.14"><span class="content">ndalo duto mag ngimani.</span></span></div><div class="q"><span class="verse v14" data-usfm="GEN.3.14"><span class="content">  </span></span><span class="verse v15" data-usfm="GEN.3.15"><span class="label">15</span><span class="content">  </span><span class="note x"><span class="label">#</span><span class=" body">    
        Fweny 12.17.  </span></span><span class="content">Anaket sigu e kindi gi dhako,</span></span></div><div class="q"><span class="verse v15" data-usfm="GEN.3.15"><span class="content">kendo e kind kothi gi kothe.</span></span></div><div class="q"><span class="verse v15" data-usfm="GEN.3.15"><span class="content">Nyikwaye noto wiyi,</span></span></div><div class="q"><span class="verse v15" data-usfm="GEN.3.15"><span class="content">to in nika ofunj tiendgi.&#8221;</span></span></div><div class="p"><span class="verse v15" data-usfm="GEN.3.15"><span class="content">  </span></span><span class="verse v16" data-usfm="GEN.3.16"><span class="label">16</span><span class="content">Eka nowacho ni dhako niya,</span></span></div><div class="q"><span class="verse v16" data-usfm="GEN.3.16"><span class="content">&#8220;Anamedni chandruok ka in gi ich,</span></span></div><div class="q"><span class="verse v16" data-usfm="GEN.3.16"><span class="content">kendo muoch nokayi kinyuol.</span></span></div><div class="q"><span class="verse v16" data-usfm="GEN.3.16"><span class="content">Kata kamano inigomb mondo ibed gi chwori,</span></span></div><div class="q"><span class="verse v16" data-usfm="GEN.3.16"><span class="content">to enobed ng&#8217;ama chiki.&#8221;</span></span></div><div class="p"><span class="verse v16" data-usfm="GEN.3.16"><span class="content">  </span></span><span class="verse v17" data-usfm="GEN.3.17"><span class="label">17</span><span class="content">  </span><span class="note x"><span class="label">#</span><span class=" body">    
        Hib 6.8.  </span></span><span class="content">Eka Nyasaye nowacho ni Adam niya,</span></span></div><div class="q"><span class="verse v17" data-usfm="GEN.3.17"><span class="content">&#8220;Okuong&#8217; lowo nikech in,</span></span></div><div class="q"><span class="verse v17" data-usfm="GEN.3.17"><span class="content">nimar niwinjo gima chiegi nowachoni,</span></span></div><div class="q"><span class="verse v17" data-usfm="GEN.3.17"><span class="content">michamo olemo mane akweri ni kik icham.</span></span></div><div class="q"><span class="verse v17" data-usfm="GEN.3.17"><span class="content">Koro inibed kitiyo matek,</span></span></div><div class="q"><span class="verse v17" data-usfm="GEN.3.17"><span class="content">kuom ngimani duto,</span></span></div><div class="q"><span class="verse v17" data-usfm="GEN.3.17"><span class="content">mondo lowo onyagni chiemo.</span></span></div><div class="q"><span class="verse v17" data-usfm="GEN.3.17"><span class="content">  </span></span><span class="verse v18" data-usfm="GEN.3.18"><span class="label">18</span><span class="content">Enonyagni kuthe gi riegni kod buya,</span></span></div><div class="q"><span class="verse v18" data-usfm="GEN.3.18"><span class="content">kendo inicham mana alote mae thim.</span></span></div><div class="q"><span class="verse v18" data-usfm="GEN.3.18"><span class="content">  </span></span><span class="verse v19" data-usfm="GEN.3.19"><span class="label">19</span><span class="content">Inicham kuon gi luya, nyaka idog e lowo,</span></span></div><div class="q"><span class="verse v19" data-usfm="GEN.3.19"><span class="content">nikech kanyo ema ne ogolie.</span></span></div><div class="q"><span class="verse v19" data-usfm="GEN.3.19"><span class="content">In lowo,</span></span></div><div class="q"><span class="verse v19" data-usfm="GEN.3.19"><span class="content">kendo lowo ema nidogie.&#8221;</span></span></div><div class="p"><span class="verse v19" data-usfm="GEN.3.19"><span class="content">  </span></span><span class="verse v20" data-usfm="GEN.3.20"><span class="label">20</span><span class="content">Adam nochako chiege ni Hawa, nikech ne en min ji duto. </span></span><span class="verse v21" data-usfm="GEN.3.21"><span class="label">21</span><span class="content">Ruoth Nyasaye noloso ni Adam gi chiege lewni mag pien, morwakogigo.</span></span></div><div class="p"><span class="verse v21" data-usfm="GEN.3.21"><span class="content">  </span></span><span class="verse v22" data-usfm="GEN.3.22"><span class="label">22</span><span class="content">  </span><span class="note x"><span class="label">#</span><span class=" body">    
        Fweny 22.14.  </span></span><span class="content">Eka Ruoth Nyasaye nowacho niya, &#8220;Koro dhano osedoko machal kodwa, nikech oseng&#8217;eyo ber gi rach. Kik yiene mondo ocham olemb yadh ngima, nimar dipo kobet mangima nyaka chieng&#8217;.&#8221; </span></span><span class="verse v23" data-usfm="GEN.3.23"><span class="label">23</span><span class="content">Kuom mano, Ruoth Nyasaye noriembe e puoth Eden, motere mondo odhi opur lowo mane osechweyego.</span></span></div><div class="p"><span class="verse v23" data-usfm="GEN.3.23"><span class="content">  </span></span><span class="verse v24" data-usfm="GEN.3.24"><span class="label">24</span><span class="content">Kamano noriembo dhano, mi noketo gik moko machalo gi malaika miluongo ni kerubi kaachiel gi ligangla mamil kendo rundore koni gi koni, yo wuokchieng&#8217; mar puoth Eden, mondo ogeng&#8217; ni ji madwaro dhi but yath mar ngima.</span></span></div>
      </div>
   </div>
</div>

Dholuo DC Bible © Bible Society of Kenya and Bible Society of Tanzania, 1976.

Thuol ne riek moloyo le duto mane Ruoth Nyasaye osechueyo. Nopenjo dhako niya, “Bende en adieri ni Nyasaye nowacho ni kik ucham olemb yath moro amora manie puodhoni?” Dhako nodwoke niya, “Wanyalo chamo olemb yien duto manie puodho, to mak mana olemb yath manie dier puodho ema ok wanyal chamo. Nyasaye nokwerowa ni kik wacham olemb yadhno, kendo kik wamule, nimar kwatimo kamano, to wanatho.” Thuol nodwoke niya, “Ngang’! Ok unutho. Nyasaye nowacho kamano nikech ong’eyo ni ka uchame to wang’u noyepi, mi unubed machal kode, kendo unung’e ber gi rach.”
Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo. Kane gisechamo olembego wengegi noyepo mi ne gifwenyo ni gin duge. Omiyo ne gitwang’o oboke, mi gigeng’orego.
Adam gi chiege nowinjo Ruoth Nyasaye kawuotho e puodho kar ang’ich welo, mi ne gipondone e yien manie puodho. To Ruoth Nyasaye noluongo Adam, mopenje niya, “In kanye?” Adam nodwoke niya, “Aye awinjo kiwuotho e puodho, to luoro nomaka, mi apondo, nikech an duk.” Nyasaye nopenje niya, “Ng’a monyisi ni in duk? Koso isechamo olemo mane akweri ni kik icham?” To Adam nodwoke niya, “Dhako mane imiya mondo okonya, ema nomiya olemo mondo acham, mi nachamo.” Eka Ruoth Nyasaye nopenjo dhako ni, “Ang’o momiyo nitimo kamano?” Nodwoke niya, “Thuol ema nowuonda, machamo olemono.”
Eka Ruoth Nyasaye nowacho ni thuol niya,
“Gima isetimoni,
omiyo okuong’i moloyo jamni duto,
kendo moloyo le duto.
Inilag gi bund iyi,
kendo inicham lowo,
ndalo duto mag ngimani.
Anaket sigu e kindi gi dhako,
kendo e kind kothi gi kothe.
Nyikwaye noto wiyi,
to in nika ofunj tiendgi.”
Eka nowacho ni dhako niya,
“Anamedni chandruok ka in gi ich,
kendo muoch nokayi kinyuol.
Kata kamano inigomb mondo ibed gi chwori,
to enobed ng’ama chiki.”
Eka Nyasaye nowacho ni Adam niya,
“Okuong’ lowo nikech in,
nimar niwinjo gima chiegi nowachoni,
michamo olemo mane akweri ni kik icham.
Koro inibed kitiyo matek,
kuom ngimani duto,
mondo lowo onyagni chiemo.
Enonyagni kuthe gi riegni kod buya,
kendo inicham mana alote mae thim.
Inicham kuon gi luya, nyaka idog e lowo,
nikech kanyo ema ne ogolie.
In lowo,
kendo lowo ema nidogie.”
Adam nochako chiege ni Hawa, nikech ne en min ji duto. Ruoth Nyasaye noloso ni Adam gi chiege lewni mag pien, morwakogigo.
Eka Ruoth Nyasaye nowacho niya, “Koro dhano osedoko machal kodwa, nikech oseng’eyo ber gi rach. Kik yiene mondo ocham olemb yadh ngima, nimar dipo kobet mangima nyaka chieng’.” Kuom mano, Ruoth Nyasaye noriembe e puoth Eden, motere mondo odhi opur lowo mane osechweyego.
Kamano noriembo dhano, mi noketo gik moko machalo gi malaika miluongo ni kerubi kaachiel gi ligangla mamil kendo rundore koni gi koni, yo wuokchieng’ mar puoth Eden, mondo ogeng’ ni ji madwaro dhi but yath mar ngima.

Ascolta Chakruok 3