Asheninka, Pichis 2008 WBT (NT) Drama

<div class="version vid238 iso6393cpu" data-vid="238" data-iso6393="cpu">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Jatziritake ipaitayeetziri &#8220;&#209;aantsi&#8221;</div><div class="p"> 1Ovakera etantanakari jovetsikantayeetzi pairani, aritake tzimake ipaitayeetziri &#8220;&#209;aantsi.&#8221; Ari itsipatari Pava. Tema Pava jinatzi irirori. 2Iriitake ikaratakeri pairani Pava ovakera etantanakari. 3Iriitake ovetsikajaantakerori maaroni tzimayetatsiri. Tekatsira aparoni okaratzi tzimayetatsiri kaari irovetsikajaante irirori. 4Ikempitakovaitakari kitainkari ikitainkatakotairira atziriite onkantya inka&#241;aanetakaantayetaiyaariri. 5Ikempitakotapaakari kitainkatakotantatsiri otsirenikitzi. Temaita inkitsirinkeri iroitsivakavakeri kempitakotakarori tsirenikiri.</div><div class="p"> 6Pairani jotyaantake Pava aparoni shirampari, ipaita Juan. 7Iriitake &#241;aaventakotapaakeriri ipaitayeetziri &#8220;Kitainkari,&#8221; ari onkantya inkempisantayeetantyaarori maaroni iriyotaanteri. 8Irika Juan kaarira ipaitayeetziri &#8220;Kitainkari.&#8221; A&#241;a iriitake pokaintsiri iri&#241;aaventakoteri.</div><div class="p"> 9Tema aritake pokataike jaka kipatsiki maperotzirori ikempitakotari kitainkari, iriitakera kitainkatakotairiri atziriite. 10Isaikapaintzi kipatsiki. Tema iriitake ovetsikakero kipatsi. Iro kantamaitacha te iriyotavakeri atziriite. 11Isaikimovetapaintari isheninkamirinkaite. Iro kantacha te iraakameethatavakeri. 12Iriima ikaratzi aakameethatataitavakeriri, pairyaapiintanairiri ikempisantairi, iriiyetakera ishinetake Pava itomiyetaari. 13Itomi jovajaantayetairi Pava. Temaita oshiyaro itomitantapiintayeta atziriite, inevetankakiini, ikovi irovaiyantavaite. A&#241;a iri Pava kovashitainchari intomitantya.</div><div class="p"> 14Irika ipaitayeetziri &#8220;&#209;aantsi,&#8221; jatziritake, isaikimoyetapaintai. Kaminthaatziitantaneri inatzi. Kyaaryoori onatzi i&#241;aanetari. (Naakaite &#241;aajaantakero itasorenka, ari okempitajaantakaro itasorenka irapintzite itomi Ashitariri.) 15Iriitake icheraaventapaakeranki Juan, ikantapaake: &#8220;Jirika no&#241;aaventakeri pairani, nokantake: &#8216;Aatsikitake impoyaatapaakyaanane, janaakovaitakena naaka, tema iri etataikaro pairani tekeramintha nontzime naaka.&#8217; &#8221; 16Tema kameethatziivaitake irirori, irootake a&#241;aantayetaarori maaroiteni ikaminthaatziiyetapiintai. 17Pairani, iriira Mois&#233;s-ni josankinatakaaveetakari Ikantakaantaitane. Iriima Jesucristo iriitajaantakera neshinonkayetairi, irijatzi &#241;aavaiyetapaintzirori kyaaryoori. 18Tekatsira materone iri&#241;eeri Pava. Iriima irapintzite itomi Ashitairi, itzimi saikimotajaantziriri, iriitakera kamantairi aakaite ayotantaari tsika ikanta irirori.</div><div class="s">Ikamantantakeri Juan oviinkaataneri</div><div class="r">(Mt. 3.11-12; Mr. 1.7-8; Lc. 3.15-17)</div><div class="p"> 19Ikanta jud&#237;o-payeeni nampitarori Jerusal&#233;n-ki, jotyaantake omperatasorentsitaariite itsipataakeri Lev&#237;-mirinkaite, iriyaate irosampiteri Juan, inkantapaakeri: &#8220;&#191;Niinkama eeroka?&#8221; 20Te iromanakotya Juan, ikamantantake, ikantzi: &#8220;Te naaka Cristo.&#8221; 21Ipo&#241;a japiitaitziri josampiitziri, ikantaitziri: &#8220;&#191;Tsikama pipaitatyaaka? &#191;Eerokama El&#237;as-ni?&#8221; Ikantzi Juan: &#8220;Tera naaka.&#8221; Eekero ishintsitaitatzi josampiitziri: &#8220;&#191;Eerokama Kamantantaneri noyaakoneentari?&#8221; Ikantzi: &#8220;Te.&#8221; 22Ari ikantaitziri: &#8220;&#191;Niinkama eeroka? Pinkamantena, inkene nonkamantapairi naaka otyaantanari. Intsityaa pinkamantakotya.&#8221; 23Japiitanakero Juan, ikantzi: &#8220;Naakatakera cheraacheraatapaintsine tsika te inampiitaro, inkantante: &#8216;Povameethataineri Avinkatharite tsika inkenapaake, pinkempitakaantero itampatzikaitziro avotsi.&#8217; Irootajaantake i&#241;aaventzitakari pairani kamantantaneri Isa&#237;as-ni.&#8221;</div><div class="p"> 24Ikanta irika irotyaantaneete Fariseo-payeeni, 25eekero josampitanakitziiri, ikantziri: &#8220;Te Cristo pinatye eeroka, te eeroka El&#237;as, te Kamantaneri pinatye eejatzi. &#191;Opaitama poviinkaatantantari?&#8221; 26Ari ikantzi Juan: &#8220;Intaani noviinkaatantamatsitaro naaka ji&#241;aa. Iro kantamaitacha tzimatsi aparoni jaka pikarataiyakeri, kaari piyotaiyeni, 27iriitakera impoyaatapaakyaanane. Te aritaajate naaka inkempitakaantyaana iromperatane onkantya no-zapato-ryaantyaariri.&#8221; 28Maaroni iroka, iro avisaintsiri pairani janta ipaitayeetziro Bet&#225;bara, intatsikeronta ji&#241;aa Jord&#225;n tsika joviinkaatantziranki Juan.</div><div class="s">Iroishate Pava</div><div class="p"> 29Okanta okitaitamanai ji&#241;aavairi Juan ikenapai Jes&#250;s, ikantzi: &#8220;Jirika iroishate Pava, iriira peyakotzirori iyaariperonka atziriite. 30Iriitake no&#241;aaventzitaka nokantake: &#8216;Aatsikitake shirampari impoyaatyaanane, janaakovaitakena naaka, tema iri etataikaro pairani tekeramintha nontzime naaka.&#8217; 31Te niyovetari naaka. A&#241;a iro nopokantakari noviinkaatante, onkantya iriyotantyaariri Israel-mirinkaite.&#8221; 32Jiroka ikantanake eejatzi Juan: &#8220;No&#241;aataikeri Tasorentsinkantsi ikenapaake jenoki ikempitakari shiro. Jookantapaakari. 33Tera niyovetari naaka. Iro kantacha irika otyaantakenari noviinkaatante, ikantakena: &#8216;Aririka pi&#241;aake intzime iroshaaviinkatashitakeri Tasorentsinkantsi irookantapaakyaari iitoki, iriitakera kempitakaantyaarone iroviinkantantyaarimi Tasorentsinkantsi.&#8217; 34Naakajaantake &#241;aakeri, iro no&#241;aaventakotantariri tema Itomi Pava jinatzi.&#8221;</div><div class="s">Etanakarori jiyotaanetari Jes&#250;s</div><div class="p"> 35Okanta okitaitamanai ari isaiki Juan itsipatakari apite iriyotaane. 36Ikanta ji&#241;aavairi Jes&#250;s ikenapai, ikantzi Juan: &#8220;Jirinta iroishate Pava.&#8221; 37Ikemavakera apiteka iriyotaane Juan, joyaatanakeri Jes&#250;s. 38Ari ipithokanaka Jes&#250;s, ji&#241;aatziiri joyaataiyakeri, ari ikantziri: &#8220;&#191;Tsikama piyaateka?&#8221; Ikantaiyini irirori: &#8220;Rab&#237; (Iro ikantayeetziri &#8216;Iyotaaner&#237;&#8217;), &#191;tsika pinampitaroka?&#8221; 39Ikantzi Jes&#250;s: &#8220;Pimpoke pi&#241;eero.&#8221; Ikanta joyaataiyanakeri, ji&#241;aakero tsika jinampitaro. Ari jimayimotapaintziri tema aritake sheetyaake.#1.39 Kantakotachari jaka &#8220;sheetyaake,&#8221; irootake oshiyarori ikantaitziri pairani &#8220;joveraaka ooryaatsiri 10.&#8221; 40Irika kemakeriri Juan, oyaatanakeriri Jes&#250;s, iriitake Andr&#233;s irirentzi Sim&#243;n Pedro. 41Ikanta Andr&#233;s, apatziro jiyaatashitanakeri irirentzi, irika Sim&#243;n, ikantapaakeri: &#8220;No&#241;aataikeri Mes&#237;as (iro ikantaitziri eejatzi, &#8216;Cristo.&#8217;)&#8221; 42Ipo&#241;a Andr&#233;s jaanakeri Sim&#243;n isaikira Jes&#250;s. Ikanta Jes&#250;s ji&#241;aavakeri irirentzi Andr&#233;s, ikantavakeri: &#8220;Eeroka Sim&#243;n, itomi Jon&#225;s. Iro&#241;aaka pimpaitaiya &#8216;Cefas.&#8217; &#8221; (Iro ikantaitziri eejatzi, Pedro.)#1.42 Ikantaitziri &#8220;Cefas&#8221; i&#241;aaneki arameo, irootake &#8220;Mapi.&#8221;</div><div class="s">Ikaimaitakeri Felipe ipo&#241;a Natanael</div><div class="p"> 43Okanta okitaitamanai, jatake Jes&#250;s Galilea-ki. Ari ji&#241;aakeriri Felipe, ikantapaakeri: &#8220;Poyaatena.&#8221; 44Irika Felipe, Betsaida-satzi jinatzi, irojatzi inampi Andr&#233;s eejatzi Pedro. 45Ikanta Felipe, jiyaatashitanakeri Natanael, ikantapaakeri: &#8220;No&#241;aataikeri josankinatakotakeri Mois&#233;s-ni janta Ikantakaantaitaneki, itzimi josankinatakotzitakari eejatzi kamantantaneriite. Iriitake itomi Jos&#233;, Nazaret-satzi.&#8221; 46Ari ikantzi Natanael: &#8220;&#191;Tzimatsima kameethashireri janta Nazaret-ki?&#8221; Ikantzi Felipe: &#8220;Pimpoke, pi&#241;eeri.&#8221; 47Ikanta Jes&#250;s ji&#241;aavakeri ipokake Natanael, ikantanake: &#8220;Kaakitataike irika Israel-mirinkajanori, tera inthaiyanetya.&#8221; 48Ari ikantzi Natanael: &#8220;&#191;Tsikama janta pi&#241;aanaka piyotantanari?&#8221; Ikantzi Jes&#250;s: &#8220;No&#241;aakemitya tekeramintha inkaimemi Felipe pisaiki pankirentsitapeshiki.&#8221;#1.48 Paitachari jaka &#8220;pankirentsitapeshi,&#8221; irootake ikantayeetziri &#8220;higuera.&#8221; 49Ikantanake Natanael: &#8220;Rab&#237;, &#161;Eerokatake Itomi Pava, eerokatake Ivinkatharite Israel-mirinkaite!&#8221; 50Ikantzi Jes&#250;s: &#8220;Iro pikempisantantamatsitanakari nokantakemi &#8216;no&#241;aakemi pisaiki pankirentsitapeshiki.&#8217; Iro kantacha, arimaitaka pi&#241;aake pashine anayerone iroka.&#8221; 51Eekero ikantanakitzi Jes&#250;s: &#8220;Ari pi&#241;aakero ashitaryeeya inkite. Ari impipiyataiyeni maninkariite iraniiryaashiteri Itomi Atziri.&#8221;#1.51 Oshiyakaaventachari jaka &#8220;ashitaryeeya inkite,&#8221; tema aritake onkantake iri&#241;aayeetairi inkiteveri, kaari kantavetachari iri&#241;eetapiintaiteri.</div>
 </div>
 </div>
</div>

Ovakera etantanakari jovetsikantayeetzi pairani, aritake tzimake ipaitayeetziri “Ñaantsi.” Ari itsipatari Pava. Tema Pava jinatzi irirori. Iriitake ikaratakeri pairani Pava ovakera etantanakari. Iriitake ovetsikajaantakerori maaroni tzimayetatsiri. Tekatsira aparoni okaratzi tzimayetatsiri kaari irovetsikajaante irirori. Ikempitakovaitakari kitainkari ikitainkatakotairira atziriite onkantya inkañaanetakaantayetaiyaariri. Ikempitakotapaakari kitainkatakotantatsiri otsirenikitzi. Temaita inkitsirinkeri iroitsivakavakeri kempitakotakarori tsirenikiri.
Pairani jotyaantake Pava aparoni shirampari, ipaita Juan. Iriitake ñaaventakotapaakeriri ipaitayeetziri “Kitainkari,” ari onkantya inkempisantayeetantyaarori maaroni iriyotaanteri. Irika Juan kaarira ipaitayeetziri “Kitainkari.” Aña iriitake pokaintsiri iriñaaventakoteri.
Tema aritake pokataike jaka kipatsiki maperotzirori ikempitakotari kitainkari, iriitakera kitainkatakotairiri atziriite. Isaikapaintzi kipatsiki. Tema iriitake ovetsikakero kipatsi. Iro kantamaitacha te iriyotavakeri atziriite. Isaikimovetapaintari isheninkamirinkaite. Iro kantacha te iraakameethatavakeri. Iriima ikaratzi aakameethatataitavakeriri, pairyaapiintanairiri ikempisantairi, iriiyetakera ishinetake Pava itomiyetaari. Itomi jovajaantayetairi Pava. Temaita oshiyaro itomitantapiintayeta atziriite, inevetankakiini, ikovi irovaiyantavaite. Aña iri Pava kovashitainchari intomitantya.
Irika ipaitayeetziri “Ñaantsi,” jatziritake, isaikimoyetapaintai. Kaminthaatziitantaneri inatzi. Kyaaryoori onatzi iñaanetari. (Naakaite ñaajaantakero itasorenka, ari okempitajaantakaro itasorenka irapintzite itomi Ashitariri.) Iriitake icheraaventapaakeranki Juan, ikantapaake: “Jirika noñaaventakeri pairani, nokantake: ‘Aatsikitake impoyaatapaakyaanane, janaakovaitakena naaka, tema iri etataikaro pairani tekeramintha nontzime naaka.’ ” Tema kameethatziivaitake irirori, irootake añaantayetaarori maaroiteni ikaminthaatziiyetapiintai. Pairani, iriira Moisés-ni josankinatakaaveetakari Ikantakaantaitane. Iriima Jesucristo iriitajaantakera neshinonkayetairi, irijatzi ñaavaiyetapaintzirori kyaaryoori. Tekatsira materone iriñeeri Pava. Iriima irapintzite itomi Ashitairi, itzimi saikimotajaantziriri, iriitakera kamantairi aakaite ayotantaari tsika ikanta irirori.


Ikanta judío-payeeni nampitarori Jerusalén-ki, jotyaantake omperatasorentsitaariite itsipataakeri Leví-mirinkaite, iriyaate irosampiteri Juan, inkantapaakeri: “¿Niinkama eeroka?” Te iromanakotya Juan, ikamantantake, ikantzi: “Te naaka Cristo.” Ipoña japiitaitziri josampiitziri, ikantaitziri: “¿Tsikama pipaitatyaaka? ¿Eerokama Elías-ni?” Ikantzi Juan: “Tera naaka.” Eekero ishintsitaitatzi josampiitziri: “¿Eerokama Kamantantaneri noyaakoneentari?” Ikantzi: “Te.” Ari ikantaitziri: “¿Niinkama eeroka? Pinkamantena, inkene nonkamantapairi naaka otyaantanari. Intsityaa pinkamantakotya.” Japiitanakero Juan, ikantzi: “Naakatakera cheraacheraatapaintsine tsika te inampiitaro, inkantante: ‘Povameethataineri Avinkatharite tsika inkenapaake, pinkempitakaantero itampatzikaitziro avotsi.’ Irootajaantake iñaaventzitakari pairani kamantantaneri Isaías-ni.”
Ikanta irika irotyaantaneete Fariseo-payeeni, eekero josampitanakitziiri, ikantziri: “Te Cristo pinatye eeroka, te eeroka Elías, te Kamantaneri pinatye eejatzi. ¿Opaitama poviinkaatantantari?” Ari ikantzi Juan: “Intaani noviinkaatantamatsitaro naaka jiñaa. Iro kantamaitacha tzimatsi aparoni jaka pikarataiyakeri, kaari piyotaiyeni, iriitakera impoyaatapaakyaanane. Te aritaajate naaka inkempitakaantyaana iromperatane onkantya no-zapato-ryaantyaariri.” Maaroni iroka, iro avisaintsiri pairani janta ipaitayeetziro Betábara, intatsikeronta jiñaa Jordán tsika joviinkaatantziranki Juan.

Okanta okitaitamanai jiñaavairi Juan ikenapai Jesús, ikantzi: “Jirika iroishate Pava, iriira peyakotzirori iyaariperonka atziriite. Iriitake noñaaventzitaka nokantake: ‘Aatsikitake shirampari impoyaatyaanane, janaakovaitakena naaka, tema iri etataikaro pairani tekeramintha nontzime naaka.’ Te niyovetari naaka. Aña iro nopokantakari noviinkaatante, onkantya iriyotantyaariri Israel-mirinkaite.” Jiroka ikantanake eejatzi Juan: “Noñaataikeri Tasorentsinkantsi ikenapaake jenoki ikempitakari shiro. Jookantapaakari. Tera niyovetari naaka. Iro kantacha irika otyaantakenari noviinkaatante, ikantakena: ‘Aririka piñaake intzime iroshaaviinkatashitakeri Tasorentsinkantsi irookantapaakyaari iitoki, iriitakera kempitakaantyaarone iroviinkantantyaarimi Tasorentsinkantsi.’ Naakajaantake ñaakeri, iro noñaaventakotantariri tema Itomi Pava jinatzi.”

Okanta okitaitamanai ari isaiki Juan itsipatakari apite iriyotaane. Ikanta jiñaavairi Jesús ikenapai, ikantzi Juan: “Jirinta iroishate Pava.” Ikemavakera apiteka iriyotaane Juan, joyaatanakeri Jesús. Ari ipithokanaka Jesús, jiñaatziiri joyaataiyakeri, ari ikantziri: “¿Tsikama piyaateka?” Ikantaiyini irirori: “Rabí (Iro ikantayeetziri ‘Iyotaanerí’), ¿tsika pinampitaroka?” Ikantzi Jesús: “Pimpoke piñeero.” Ikanta joyaataiyanakeri, jiñaakero tsika jinampitaro. Ari jimayimotapaintziri tema aritake sheetyaake. Irika kemakeriri Juan, oyaatanakeriri Jesús, iriitake Andrés irirentzi Simón Pedro. Ikanta Andrés, apatziro jiyaatashitanakeri irirentzi, irika Simón, ikantapaakeri: “Noñaataikeri Mesías (iro ikantaitziri eejatzi, ‘Cristo.’)” Ipoña Andrés jaanakeri Simón isaikira Jesús. Ikanta Jesús jiñaavakeri irirentzi Andrés, ikantavakeri: “Eeroka Simón, itomi Jonás. Iroñaaka pimpaitaiya ‘Cefas.’ ” (Iro ikantaitziri eejatzi, Pedro.)

Okanta okitaitamanai, jatake Jesús Galilea-ki. Ari jiñaakeriri Felipe, ikantapaakeri: “Poyaatena.” Irika Felipe, Betsaida-satzi jinatzi, irojatzi inampi Andrés eejatzi Pedro. Ikanta Felipe, jiyaatashitanakeri Natanael, ikantapaakeri: “Noñaataikeri josankinatakotakeri Moisés-ni janta Ikantakaantaitaneki, itzimi josankinatakotzitakari eejatzi kamantantaneriite. Iriitake itomi José, Nazaret-satzi.” Ari ikantzi Natanael: “¿Tzimatsima kameethashireri janta Nazaret-ki?” Ikantzi Felipe: “Pimpoke, piñeeri.” Ikanta Jesús jiñaavakeri ipokake Natanael, ikantanake: “Kaakitataike irika Israel-mirinkajanori, tera inthaiyanetya.” Ari ikantzi Natanael: “¿Tsikama janta piñaanaka piyotantanari?” Ikantzi Jesús: “Noñaakemitya tekeramintha inkaimemi Felipe pisaiki pankirentsitapeshiki.” Ikantanake Natanael: “Rabí, ¡Eerokatake Itomi Pava, eerokatake Ivinkatharite Israel-mirinkaite!” Ikantzi Jesús: “Iro pikempisantantamatsitanakari nokantakemi ‘noñaakemi pisaiki pankirentsitapeshiki.’ Iro kantacha, arimaitaka piñaake pashine anayerone iroka.” Eekero ikantanakitzi Jesús: “Ari piñaakero ashitaryeeya inkite. Ari impipiyataiyeni maninkariite iraniiryaashiteri Itomi Atziri.”

Ascolta Juan 1