Karimojong - 1996 BSU (NT) Drama

<div class="version vid2803 iso6393kdj" data-vid="2803" data-iso6393="kdj">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Akirot &#331;ina ka akiyar</div><div class="p"> 1Anakisyakinet, ayai Akirot; arukito Akirot ka Akuj, arae Akirot Akuj. 2&#330;inapei anakisyakinet arukito i&#331;es ka Akuj. 3Abu Akuj tosub &#331;iboro daada&#331; aneni ke&#331;; kerae tomam i&#331;es, pa kesubunitae idiobore. 4Ayai akiyar daada&#331; neni ke&#331;, arae akiyar &#331;in akica a&#331;una a &#331;itu&#331;a. 5Ecai akica &#331;in anakiryonut, nai nyilouna akiryonut akica.</div><div class="p"> 6Ayai ekile &#331;olo eyakuunitae aneni ka Akuj, &#331;olo anyaritae Yoana. 7Abunit i&#331;es akiteyenun &#331;itu&#331;a &#331;akiro &#331;una ka akica, ikotere tonupyata daada&#331; aneni ke&#331;. 8Pa arae Yoana akica, nai abunit i&#331;es akiteyenun &#331;akiro &#331;una ka akica. 9Akirot i&#331;es arae akica &#331;ina a kire, &#331;ina abuni nakwap acaikin &#331;itu&#331;a daada&#331;.</div><div class="p"> 10Ayai Akirot nakwap, tosub Akuj akwap aneni ke&#331;, nai nyeyenuna akwap i&#331;es. 11Abu i&#331;es bu lore ke&#331;, nai apotu &#331;itu&#331;a ke&#331; nyijaut i&#331;es. 12Nai &#331;ulu daada&#331; apotu kijaut i&#331;es, tonupa ekiro ke&#331;, abu i&#331;es inak ikes apedor &#331;ina ruworet &#331;idwe &#331;ulu ka Akuj. 13Pa aruworosi ikes &#331;idwe &#331;ulu ka Akuj alopite a &#331;olo sek euriyere &#331;itu&#331;a, anagogo&#331;u ka anacamit a itu&#331;anan, nai Akuj alope i&#331;es abu kituruwo ikes &#331;idwe ke&#331;.</div><div class="p"> 14Bu Akirot toruwor itu&#331;anan, oruko ka isua. Aanyun isua apolou ke&#331;, apolou &#331;ina aryamuni i&#331;es aneni ka Akuj Papa ikwapei Lokoku ke&#331; &#331;olo donupei ka eleleba neni ke&#331; ajokis ka &#331;una a kire.</div><div class="p"> 15Kiteyenu nai Yoana i&#331;es tocelu tema, &#8220;I&#331;es lo &#331;olo abala ayo&#331; erworo ebe, &#8216;Ebunit alokaku ka&#331;, nai epol i&#331;es akilo ayo&#331;, anerae ayai i&#331;es eri&#331;a tari nyeuruuna ayo&#331;.&#8217;&#8221;</div><div class="p"> 16Analalau a &#331;ina ka ajokis ke&#331;, ikiterere&#331; i&#331;es iwon daada&#331;, ikitoropikinit i&#331;es iwon &#331;arere&#331;isyo. 17Abu Akuj ikiinak iwon &#330;ikisila kisitoru neni a Moses, nai ajokis ke&#331; ka &#331;una a kire, isitorunit neni a Yesu Kristo. 18Emam itu&#331;anan eanyunit Akuj; nai Lokoku &#331;olo donupei &#331;olo erae epei ka Papa, i&#331;es ikitaanyu iwon Akuj. </div><div class="s">&#330;ae erae Yoana Ekebatisan?</div><div class="r">(Mat. 3:1-12; Mar. 1:1-8; Luk. 3:1-18)</div><div class="p"> 19Erae na akiteyenunet a Yoana &#331;ina a kire apaki &#331;ina eyakiyaryata &#331;ikarikok a &#330;iyudayan &#331;isacaradotin ka &#330;ilepei neni ke&#331; aki&#331;it i&#331;es atemar, &#8220;&#330;ae iyo&#331;?&#8221; 20Nyewou Yoana abo&#331;okin ikes &#331;akiro. Kirwor pa iwuait, nai ileereete tema, &#8220;Meere ayo&#331; Kristo.&#8221; 21Ki&#331;ita nai ikes i&#331;es temasi, &#8220;&#330;ae nai iyo&#331;? Eliya a?&#8221; Tobo&#331;ok Yoana ikes tema, &#8220;Meere.&#8221; Ki&#331;ita nabo temasi, &#8220;Irae iyo&#331; ekadwaran a?&#8221; Tobo&#331;ok i&#331;es tema, &#8220;Meere.&#8221; 22Ki&#331;ita nai ikes i&#331;es temasi, &#8220;&#330;ae iyo&#331;? Itemokino isua oyaa abo&#331;okinet kon neni a &#331;ulu ikiyakuunito isua. Anu ikilimokini iyo&#331; isua a&#331;una kon?&#8221; 23Tobo&#331;ok Yoana ikes a&#331;akiro a &#331;una kolo&#331; kirworit ekadwaran Isaya ebala,</div><div class="q">&#8220;Ayo&#331; etoil a itu&#331;anan a &#331;ini ecela analo&#331;isat ebala,</div><div class="q">&#8216;Kisidiiryata erot &#331;olo ke Ekapolon!&#8217; &#8221;</div><div class="m"> 24Ki&#331;ita &#331;ulu eyakito &#330;iparisayon i&#331;es temasi, 25&#8220;Kaanukiro nai ibatisaa iyo&#331; &#331;itu&#331;a, erae pa kirae iyo&#331; Kristo, Eliya kori ekadwaran?&#8221; 26Tobo&#331;ok Yoana ikes tema, &#8220;Ebatisae ayo&#331; a &#331;akipi, nai alokidi&#331; kus eyai ipeitu&#331;anan &#331;ini eri&#331;a iyes nyeyenuna. 27I&#331;es ebuni alokaku ka&#331; ka nyitemokino ayo&#331; tari alacakin &#331;arukanes &#331;una a &#331;amuk ke&#331;.&#8221;</div><div class="p"> 28Etiyasi &#331;un daada&#331; alotaun a Betania, alo Kide a&#331;olol Yorodan, neni ebatisaa Yoana &#331;itu&#331;a.</div><div class="s">Erae Yesu Imesek &#331;ini ka Akuj</div><div class="p"> 29Akolo&#331;it &#331;ina atupakini &#331;in, ki&#331;olik Yoana ebunit Yesu neni ke&#331;, ido tolimu tema, &#8220;Ki&#331;olikisi Imesek &#331;ini ka Akuj, &#331;ini elemari asecit &#331;ina ka akwap. 30I&#331;es lo &#331;olo abala ayo&#331; erworo ebe, &#8216;Ebunit alokaku ka&#331;, nai epol i&#331;es akilo ayo&#331;, anerae ayai i&#331;es eri&#331;a tari nyeuruuna ayo&#331;.&#8217; 31Pa ayeni ayo&#331; apaki &#331;in atemar arae i&#331;es &#331;ae; nai abu ayo&#331; ebatisa a &#331;akipi, ikotere itoodikinor i&#331;es &#331;itu&#331;a &#331;ulu a Isirael.&#8221;</div><div class="p"> 32Kiteyenu Yoana &#331;una abu i&#331;es ki&#331;olik tema, &#8220;Abu ayo&#331; e&#331;olik Etau &#331;olo ka Akuj ebuni anakuj ikoni akuri, min neni ke&#331;. 33Ari&#331;a jik ayo&#331; pa ayeni i&#331;es, nai abu Akuj, &#331;ina ekeyakuunit ayo&#331; akibatis a &#331;akipi, okolimok tema, &#8216;Itu&#331;anan &#331;ini i&#331;olikini iyo&#331; Etau &#331;olo ka Akuj ebuni anakuj, min neni ke&#331;, i&#331;es &#331;olo ebuni akibatis a Etau a &#331;olo Asegan.&#8217; 34Adau tokona ayo&#331; aki&#331;olikin ka eketeyenik iyes atemar erae i&#331;es Lokoku ka Akuj.&#8221;</div><div class="s">&#330;ikiyakia a Yesu &#331;ulu esyaunak</div><div class="p"> 35Akolo&#331;it &#331;ina atupakini &#331;in, awuasi nabo Yoana ka &#331;ikasyomak ke&#331; &#331;iarei anenipei. 36Ki&#331;olik i&#331;es Yesu elosi, tolimok &#331;ikasyomak ke&#331; tema, &#8220;Ki&#331;olikisi Imesek &#331;ini ka Akuj.&#8221;</div><div class="p"> 37Ani iirarete &#331;ikasyomak &#331;uluarei &#331;akiro &#331;un, kiwuapakis ikes Yesu. 38Ki&#331;oliya Yesu kaku, ki&#331;olik ikes iwuapito i&#331;es, ki&#331;it tema, &#8220;Nyo iwarito iyes?&#8221; Tobo&#331;okis ikes temasi, &#8220;Rabbi (i&#331;es atemar Eketataman)! Ai eyai ekonire?&#8221;</div><div class="p"> 39Tobo&#331;ok Yesu ikes tema, &#8220;Potu, ido ianyunete.&#8221; Toloto nai ikes, toanyut neni eboiyo i&#331;es, toruko ka i&#331;es akolo&#331;it &#331;in. Aapiyarit apaki &#331;in &#331;isaae &#331;itomon &#331;ulu ka apaaran.</div><div class="p"> 40Epei a &#331;uluarei a &#331;ulu aris kiirasi &#331;akiro a Yoana ka kiwuapakis Yesu, arae Anderia lokaato a Simoni Petero. 41Abu Anderia kisyau aryamun Simoni lokaato ke&#331;, tolimok tema, &#8220;Ikiryamu isua Messia&#8221; (i&#331;es atemar Kristo). 42Yau i&#331;es Simoni neni a Yesu. Kitek Yesu Simoni, tolimok tema, &#8220;Ikwa irae iyo&#331; Simoni, lokoku a Yoana a? Ikinyarao iyo&#331; tokona Kepa&#8221; (i&#331;es atemar ataaba kori Petero a &#330;agirik).</div><div class="s">Tonyarau Yesu Pilipo ka Nasaniel</div><div class="p"> 43Akolo&#331;it &#331;ina atupakini &#331;in, totyaku Yesu alosit nakwap a Galileya. Kiryamun i&#331;es ka Pilipo, tolimok tema, &#8220;Kiwuapakinae ayo&#331;.&#8221; 44Arae Pilipo ka Anderia ta Petero &#331;ulu alo Betesaida. 45Kiryamunos nai Pilipo ka Nasaniel, tolimok Pilipo i&#331;es tema, &#8220;Ikiryamu isua i&#331;es &#331;olo egirit Moses &#331;akiro ke&#331; Lokisila, &#331;olo da&#331; igirito &#331;ikadwarak &#331;akiro ke&#331;. Erae i&#331;es Yesu &#331;olo a Nasaret, lokoku a Yosepu.&#8221;</div><div class="p"> 46Tolimu Nasaniel tema, &#8220;Epedori mono idiobore &#331;ini ajokan alomun alo Nasaret a?&#8221; Tolimok nai Pilipo i&#331;es tema, &#8220;Bua, ido toanyu!&#8221;</div><div class="p"> 47Ani i&#331;olikini Yesu Nasaniel ebunit neni ke&#331;, tolimok &#331;ikasyomak ke&#331; tema, &#8220;Erae lo Esiraelit &#331;olo a kire! Emam amodiyo aneni ke&#331;!&#8221; 48Ki&#331;it Nasaniel Yesu tema, &#8220;Ikiyenuni iyo&#331; ayo&#331; ikwaani?&#8221; Tobo&#331;ok Yesu i&#331;es tema, &#8220;Eri&#331;a tari Pilipo nyenyarauna iyo&#331;, aris ayo&#331; kakaanyuwa iyo&#331; alokwap ebobore.&#8221; 49Tobo&#331;ok Nasaniel tema, &#8220;Eketataman, irae iyo&#331; Lokoku ka Akuj ka irae Erwosit &#331;olo a Isirael.&#8221;</div><div class="p"> 50Tema Yesu, &#8220;Inup iyo&#331; tokona a&#331;una alimunio ayo&#331; atemar akaanyuwarit iyo&#331; alokwap ebobore a? Ibuni iyo&#331; aanyun &#331;akiro &#331;una apolok nooi akilo &#331;un.&#8221; 51Kiyatak i&#331;es tema, &#8220;Akalimokini ayo&#331; iyes kire atemar, i&#331;olikinete iyes nakuj e&#331;aara ka &#331;imalaikan elosete kidiama ka eponito kwap neni a Lokoku a Itu&#331;anan.&#8221;</div>
 </div>
 </div>
</div>

Ngakarimojong Interconfessional Bible © Bible Society of Uganda, 2008.

Anakisyakinet, ayai Akirot; arukito Akirot ka Akuj, arae Akirot Akuj. Ŋinapei anakisyakinet arukito iŋes ka Akuj. Abu Akuj tosub ŋiboro daadaŋ aneni keŋ; kerae tomam iŋes, pa kesubunitae idiobore. Ayai akiyar daadaŋ neni keŋ, arae akiyar ŋin akica aŋuna a ŋituŋa. Ecai akica ŋin anakiryonut, nai nyilouna akiryonut akica.
Ayai ekile ŋolo eyakuunitae aneni ka Akuj, ŋolo anyaritae Yoana. Abunit iŋes akiteyenun ŋituŋa ŋakiro ŋuna ka akica, ikotere tonupyata daadaŋ aneni keŋ. Pa arae Yoana akica, nai abunit iŋes akiteyenun ŋakiro ŋuna ka akica. Akirot iŋes arae akica ŋina a kire, ŋina abuni nakwap acaikin ŋituŋa daadaŋ.
Ayai Akirot nakwap, tosub Akuj akwap aneni keŋ, nai nyeyenuna akwap iŋes. Abu iŋes bu lore keŋ, nai apotu ŋituŋa keŋ nyijaut iŋes. Nai ŋulu daadaŋ apotu kijaut iŋes, tonupa ekiro keŋ, abu iŋes inak ikes apedor ŋina ruworet ŋidwe ŋulu ka Akuj. Pa aruworosi ikes ŋidwe ŋulu ka Akuj alopite a ŋolo sek euriyere ŋituŋa, anagogoŋu ka anacamit a ituŋanan, nai Akuj alope iŋes abu kituruwo ikes ŋidwe keŋ.
Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.
Kiteyenu nai Yoana iŋes tocelu tema, “Iŋes lo ŋolo abala ayoŋ erworo ebe, ‘Ebunit alokaku kaŋ, nai epol iŋes akilo ayoŋ, anerae ayai iŋes eriŋa tari nyeuruuna ayoŋ.’”
Analalau a ŋina ka ajokis keŋ, ikiterereŋ iŋes iwon daadaŋ, ikitoropikinit iŋes iwon ŋarereŋisyo. Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo. Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.


Erae na akiteyenunet a Yoana ŋina a kire apaki ŋina eyakiyaryata ŋikarikok a Ŋiyudayan ŋisacaradotin ka Ŋilepei neni keŋ akiŋit iŋes atemar, “Ŋae iyoŋ?” Nyewou Yoana aboŋokin ikes ŋakiro. Kirwor pa iwuait, nai ileereete tema, “Meere ayoŋ Kristo.” Kiŋita nai ikes iŋes temasi, “Ŋae nai iyoŋ? Eliya a?” Toboŋok Yoana ikes tema, “Meere.” Kiŋita nabo temasi, “Irae iyoŋ ekadwaran a?” Toboŋok iŋes tema, “Meere.” Kiŋita nai ikes iŋes temasi, “Ŋae iyoŋ? Itemokino isua oyaa aboŋokinet kon neni a ŋulu ikiyakuunito isua. Anu ikilimokini iyoŋ isua aŋuna kon?” Toboŋok Yoana ikes aŋakiro a ŋuna koloŋ kirworit ekadwaran Isaya ebala,
“Ayoŋ etoil a ituŋanan a ŋini ecela analoŋisat ebala,
‘Kisidiiryata erot ŋolo ke Ekapolon!’ ”
Kiŋita ŋulu eyakito Ŋiparisayon iŋes temasi, “Kaanukiro nai ibatisaa iyoŋ ŋituŋa, erae pa kirae iyoŋ Kristo, Eliya kori ekadwaran?” Toboŋok Yoana ikes tema, “Ebatisae ayoŋ a ŋakipi, nai alokidiŋ kus eyai ipeituŋanan ŋini eriŋa iyes nyeyenuna. Iŋes ebuni alokaku kaŋ ka nyitemokino ayoŋ tari alacakin ŋarukanes ŋuna a ŋamuk keŋ.”
Etiyasi ŋun daadaŋ alotaun a Betania, alo Kide aŋolol Yorodan, neni ebatisaa Yoana ŋituŋa.

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap. Iŋes lo ŋolo abala ayoŋ erworo ebe, ‘Ebunit alokaku kaŋ, nai epol iŋes akilo ayoŋ, anerae ayai iŋes eriŋa tari nyeuruuna ayoŋ.’ Pa ayeni ayoŋ apaki ŋin atemar arae iŋes ŋae; nai abu ayoŋ ebatisa a ŋakipi, ikotere itoodikinor iŋes ŋituŋa ŋulu a Isirael.”
Kiteyenu Yoana ŋuna abu iŋes kiŋolik tema, “Abu ayoŋ eŋolik Etau ŋolo ka Akuj ebuni anakuj ikoni akuri, min neni keŋ. Ariŋa jik ayoŋ pa ayeni iŋes, nai abu Akuj, ŋina ekeyakuunit ayoŋ akibatis a ŋakipi, okolimok tema, ‘Ituŋanan ŋini iŋolikini iyoŋ Etau ŋolo ka Akuj ebuni anakuj, min neni keŋ, iŋes ŋolo ebuni akibatis a Etau a ŋolo Asegan.’ Adau tokona ayoŋ akiŋolikin ka eketeyenik iyes atemar erae iŋes Lokoku ka Akuj.”

Akoloŋit ŋina atupakini ŋin, awuasi nabo Yoana ka ŋikasyomak keŋ ŋiarei anenipei. Kiŋolik iŋes Yesu elosi, tolimok ŋikasyomak keŋ tema, “Kiŋolikisi Imesek ŋini ka Akuj.”
Ani iirarete ŋikasyomak ŋuluarei ŋakiro ŋun, kiwuapakis ikes Yesu. Kiŋoliya Yesu kaku, kiŋolik ikes iwuapito iŋes, kiŋit tema, “Nyo iwarito iyes?” Toboŋokis ikes temasi, “Rabbi (iŋes atemar Eketataman)! Ai eyai ekonire?”
Toboŋok Yesu ikes tema, “Potu, ido ianyunete.” Toloto nai ikes, toanyut neni eboiyo iŋes, toruko ka iŋes akoloŋit ŋin. Aapiyarit apaki ŋin ŋisaae ŋitomon ŋulu ka apaaran.
Epei a ŋuluarei a ŋulu aris kiirasi ŋakiro a Yoana ka kiwuapakis Yesu, arae Anderia lokaato a Simoni Petero. Abu Anderia kisyau aryamun Simoni lokaato keŋ, tolimok tema, “Ikiryamu isua Messia” (iŋes atemar Kristo). Yau iŋes Simoni neni a Yesu. Kitek Yesu Simoni, tolimok tema, “Ikwa irae iyoŋ Simoni, lokoku a Yoana a? Ikinyarao iyoŋ tokona Kepa” (iŋes atemar ataaba kori Petero a Ŋagirik).

Akoloŋit ŋina atupakini ŋin, totyaku Yesu alosit nakwap a Galileya. Kiryamun iŋes ka Pilipo, tolimok tema, “Kiwuapakinae ayoŋ.” Arae Pilipo ka Anderia ta Petero ŋulu alo Betesaida. Kiryamunos nai Pilipo ka Nasaniel, tolimok Pilipo iŋes tema, “Ikiryamu isua iŋes ŋolo egirit Moses ŋakiro keŋ Lokisila, ŋolo daŋ igirito ŋikadwarak ŋakiro keŋ. Erae iŋes Yesu ŋolo a Nasaret, lokoku a Yosepu.”
Tolimu Nasaniel tema, “Epedori mono idiobore ŋini ajokan alomun alo Nasaret a?” Tolimok nai Pilipo iŋes tema, “Bua, ido toanyu!”
Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!” Kiŋit Nasaniel Yesu tema, “Ikiyenuni iyoŋ ayoŋ ikwaani?” Toboŋok Yesu iŋes tema, “Eriŋa tari Pilipo nyenyarauna iyoŋ, aris ayoŋ kakaanyuwa iyoŋ alokwap ebobore.” Toboŋok Nasaniel tema, “Eketataman, irae iyoŋ Lokoku ka Akuj ka irae Erwosit ŋolo a Isirael.”
Tema Yesu, “Inup iyoŋ tokona aŋuna alimunio ayoŋ atemar akaanyuwarit iyoŋ alokwap ebobore a? Ibuni iyoŋ aanyun ŋakiro ŋuna apolok nooi akilo ŋun.” Kiyatak iŋes tema, “Akalimokini ayoŋ iyes kire atemar, iŋolikinete iyes nakuj eŋaara ka ŋimalaikan elosete kidiama ka eponito kwap neni a Lokoku a Ituŋanan.”

Ascolta Yoa. 1