Hadiyya - 1992 BSE Non-Drama (NT)

Hadiyya - 1992 BSE Drama (NT)

<div class="version vid3498 iso6393hdy" data-vid="3498" data-iso6393="hdy">
 <div class="book bkLUK">
 <div class="chapter ch13" data-usfm="LUK.13">
 <div class="label">13</div><div class="s">Baaxiiliinsi Biira Yita'a Daba'llitambee'i Keen Bi'llamisa</div><div class="p"> 1Ee ammane mat qax manni Yesuus beyyo waatta'a &#171;Galii'l manni Waa'ina kitima hincaa'llonam Philaaxoos ee manna shukko. Ee manni xiigim ee kitiminne maqirem hamaaramukko&#187; yita'a kutto'o. 2Yesuus ixxuwwina dabaraa &#171;Ee Galii'l uulli mannanne eehido'i leh afukkok mulli Galii'l uulli manni hundiinsim lonsita'a jora baxxo'i bikkina labissakka'atennihe? 3Ee'isayyo; an ki'nnuwwina kuroommo; baaxiilo biira yitakka'a daba'llitakkobeelas ki'nnuwwim ixxuwwisam bi'llakkamo. 4Te'im Saalooma yakkam beyyonne kininne baxamu qeeraa'l min hanenne ubaa shu tomminaa sadeenti manchi bikkinaa maha sawwitakkamuulla? Oo manni Yerusaaleemanne hee'llam manni hundiinsim lonsita'a jora baxxo'oka labissakka'atennihe? 5Ee'isayyo, an ki'nnuwwina kuroommo; baaxiilo biira yitakka'a daba'llitakkobeelas ki'nnuwwim ixxuwwisam bi'llakkamo&#187; yukko.</div><div class="s">Mish Bee'i Oda'i Kobi'llishsha</div><div class="p"> 6Odim Yesuus mat kobi'llishshinne &#171;Mat manchina woyi'n kaashshi woronne kaasaakkoo mat odakkichchi hee'ukko. Oo manchim ee odakkichchika misha hasaa waaraa maham siidukkoyyo. 7Ee bikkina oo woyi'n kaashshi annichchi woyi'n kaashshi beyyo baxaanchina &#8249;Oono'o! An ka odakkichchiinsi misha hasaa sas hiinchi hundoomam daba'llamummo. Ihukkaarem maham siidummoyyo. Ku oda'i mahina kora'am uulla gokkisoolla? Ee bikkina mure&#8250; yukko. 8Ihukkaarem oo woyi'n kaashshi beyyo baxaanchi &#8249;Moollanna, ixxeka lugumo shuqunaa fiindaa oreetaa issoommo. Ka maaragoomina ure; 9waaroo hiinchina mishukkaare danaamo; mishubeelas muramookko&#8250; yukko&#187; yaa kurukko.</div><div class="s">Quut Meentichcho Yesuus Fayyiisukkisa</div><div class="p"> 10Usheexxaxxi Ayyaamonne Ayihuxxi manni wixxixxi minenne Yesuus losisam hee'ukko. 11Ee beyyonnem jor ayyaan jabbisaa amadukkaanniinsi tommoo sadeenti hiinchoo ihaakkoo mat meentichcho hee'llo'o. Isem quutatte hee'llo'i bikkina xabbita'a uulliteena hore'em xantam hee'llo'oyyo. 12-13Yesuus ee meentichcho moo'u ammanenne weeshaa ixxi anga isenne issaa &#171;Meentichche, at ki jabbiinsi fayye'llaatto!&#187; yukko. Ee ammanchom oo meentichcho xabbita'a uullito'o. Waa'am galaxxito'o.</div><div class="p"> 14 # 
 Doy 20:9
 Ihukkaarem ee wixxixxi mi'n awwonsaanchi Yesuus ee meentichcho Usheexxaxxi Ayyaamonne fayyiisu bikkina quuqaa minaadabina &#171;Baxo baximmina hasisoo loh balli yookko. Ee lohem ballannem waattakka'a fayye'llehe bagaan Usheexxaxxi Ayyaamonne waattakkotte&#187; yukko. 15Moollanni Yesuus ixxena dabaraa &#171;Ki'nnuwwi ka labisaano! Ki'nnuwwiinsi ayyim Usheexxaxxi Ayyaamonne ixxeka mirgo'o te'im hallichcho gaadiriinsi tiraa wo'o agiseena massooyyonnihe? 16Tu meentichcho Abrihaam landichchotte ikka'a hee'llu'uuyyi tommoo sadeenti hiinchoo Sheexaanchi karaa hee'llo'ookkote Usheexxaxxi Ayyaamonne fayye'immi labooyyonnihe?&#187; yukko. 17Yesuus eekka wocukkaare ixxi maso'i hundim tuutto'o. Manni hundim Yesuus baxu maalalsiisoo luwwi hundannem liiramukko.</div><div class="s">Shaa'n Sire'i'nnoo'i Sire'i Kobi'llishsha</div><div class="r">(Mat 13:31-32; Mar 4:30-32)</div><div class="p"> 18Yesuusim ixxuwwina &#171;Waa'i adillan maha labookko? Mahindu akeekisoommo? 19Waa'i adillan mat manchi ixxi uullanne massaa wixu shaa'n sire'i'nnoo'i gootto'i sire'e labookko. Oo sire'i li'aa haqqichchi ihoohaare cii'i ixxi caafanne do'nna baxookko.</div><div class="s">Ursho'i Kobi'llishsha</div><div class="r">(Mat 13:33)</div><div class="p"> 20Odim Yesuus &#171;Waa'i adillano mahinne akeekisoommo? 21Waa'i adillan mat meentichcho sas qunni qamanne edda'a qufisso'i ursho'o labookko. Oo ursho'i qufisso'i qama hundoomam hufaa'ookko&#187; yukko.</div><div class="s">Xuqqi Gooc Bikkina</div><div class="r">(Mat 7:13-14,21-23)</div><div class="p"> 22Yerusaaleema Yesuus marukkuuyyi beero'uwwannee gattuwwannee losisukkuuyyi higam hee'ukko. 23Mat manchi Yesuusina &#171;Moollanna! Gatoo keen hofqaxannihe?&#187; yaa xa'mmukko. Yesuusim ixxuwwina 24&#171;Xuqqi goocinne aaggakkeena yaki'llehe. An ki'nnuwwina kuroommo; dut keen aaggeena mixxamo; ihukkaarem xantamoyyo. 25Mi'n annichchi iimaa gooca xufaa lasage u'llummanne uullitakka'a gooca qoccitakku'uuyyi &#8249;Moollanna! Niina fooqaa'e&#8250; yitakkamo. Mi'n annichchim dabaraa &#8249;Hanniinsi waattakko'ookeenda'e an la'oommoyyo&#8250; yookko. 26Ee ammane ki'nnuwwi &#8249;Neese kiinninne maqirem intaammoo angaammoo. Ni gatti googguwwannem losissaatto&#8250; yitakkamo.</div><div class="p"> 27 # 
 Maz 6:8
 Ihukkaarem oo mi'n annichchi &#8249;An ki'nnuwwina kuroommo; hanniinsi waattakko'ookeenda'e an la'oommoyyo. Ki'nnuwwi ku jora baxxakkam keen hundim iinniinsi qee'llehe&#8250; yookko. 28#Mat 22:13; 25:30 Abrihaama, Yisaaqa, Yaaqoobaa hiraagaan hundaa Waa'i adillanonne moo'llakkamo. Ihukkaarem ki'nnuwwi ee ammane biiranne gattakkamaare ee beyyonne ki'nnuwwina wi'llimmii inqe iicimmii ihookko. 29Odim uulli hundiinsim waatto'i lobakat minaadab Waa'i adillanonne maaddanne afuuttamo. 30#Mat 19:30; 20:16; Mar 10:31 Oono'o! Illag lasag ihookko. Lasagim illag ihookko&#187; yukko.</div><div class="s">Yerusaaleemina Yesuus Wi'llukkisa</div><div class="r">(Mat 23:37-39)</div><div class="p"> 31Ee ammanem Farisaawe'uwwiinsi mat mat keen Yesuus beyyo waatta'a &#171;Heeroodis keese sheena hasu bikkina ka beyyiinsi fittaa mare&#187; yito'o. 32Yesuusim ixxuwwina dabaraa &#171;Mattakka'a ee hantaaraanchina#13:32 &#171;Hantaaraancho&#187; yamamu sagar mulli tirattuwwanne &#171;Wengereellichcho&#187; yamamaakko. &#8249; &#171;Oono'o! Kaballaa soodoo Sheexaana fissoommo; jabbaanom fayyiisoommo; Saxxi ballannem i baxo guulloommo&#187; yoolla&#8250; yitakka'a kullehe. 33Ihona bagaan kaballa, soodoo insoodoo an Yerusaaleema marimmi hasisookko. Mashka'oomim hiraagaanchi Yerusaaleemanne lehimmi hasisookko bagaan mulli beyyonne hannonnem lehimmi hasisooyyo.</div><div class="p"> 34Yerusaaleemaa! Yerusaaleemaa! Hiraagaano shitoohaanno. Waa'i beyyiinsi ki beyyo asse'anto'i asse'amaanom kininne aphphissaa shitoohaanno; antabaakkichchi ixxi ciicoolla laxxi woronne wixxaa'oo'isam anim ki'nnuwwa wixxaa'eena hasummo. Ihukkaarem at sabbitto. 35#Maz 118:26 Ee bikkina ki'nnuwwik min diihookko. An ki'nnuwwina kuroommo; &#8249;Moollanni summinne waarookkok maasse'amaakkoohane&#8250; yitakkeebe'e eese moo'llakkamoyyo&#187; yukko.</div>
 </div>
 </div>
</div>

Ee ammane mat qax manni Yesuus beyyo waatta'a «Galii'l manni Waa'ina kitima hincaa'llonam Philaaxoos ee manna shukko. Ee manni xiigim ee kitiminne maqirem hamaaramukko» yita'a kutto'o. Yesuus ixxuwwina dabaraa «Ee Galii'l uulli mannanne eehido'i leh afukkok mulli Galii'l uulli manni hundiinsim lonsita'a jora baxxo'i bikkina labissakka'atennihe? Ee'isayyo; an ki'nnuwwina kuroommo; baaxiilo biira yitakka'a daba'llitakkobeelas ki'nnuwwim ixxuwwisam bi'llakkamo. Te'im Saalooma yakkam beyyonne kininne baxamu qeeraa'l min hanenne ubaa shu tomminaa sadeenti manchi bikkinaa maha sawwitakkamuulla? Oo manni Yerusaaleemanne hee'llam manni hundiinsim lonsita'a jora baxxo'oka labissakka'atennihe? Ee'isayyo, an ki'nnuwwina kuroommo; baaxiilo biira yitakka'a daba'llitakkobeelas ki'nnuwwim ixxuwwisam bi'llakkamo» yukko.

Odim Yesuus mat kobi'llishshinne «Mat manchina woyi'n kaashshi woronne kaasaakkoo mat odakkichchi hee'ukko. Oo manchim ee odakkichchika misha hasaa waaraa maham siidukkoyyo. Ee bikkina oo woyi'n kaashshi annichchi woyi'n kaashshi beyyo baxaanchina ‹Oono'o! An ka odakkichchiinsi misha hasaa sas hiinchi hundoomam daba'llamummo. Ihukkaarem maham siidummoyyo. Ku oda'i mahina kora'am uulla gokkisoolla? Ee bikkina mure› yukko. Ihukkaarem oo woyi'n kaashshi beyyo baxaanchi ‹Moollanna, ixxeka lugumo shuqunaa fiindaa oreetaa issoommo. Ka maaragoomina ure; waaroo hiinchina mishukkaare danaamo; mishubeelas muramookko› yukko» yaa kurukko.

Usheexxaxxi Ayyaamonne Ayihuxxi manni wixxixxi minenne Yesuus losisam hee'ukko. Ee beyyonnem jor ayyaan jabbisaa amadukkaanniinsi tommoo sadeenti hiinchoo ihaakkoo mat meentichcho hee'llo'o. Isem quutatte hee'llo'i bikkina xabbita'a uulliteena hore'em xantam hee'llo'oyyo. Yesuus ee meentichcho moo'u ammanenne weeshaa ixxi anga isenne issaa «Meentichche, at ki jabbiinsi fayye'llaatto!» yukko. Ee ammanchom oo meentichcho xabbita'a uullito'o. Waa'am galaxxito'o.
Ihukkaarem ee wixxixxi mi'n awwonsaanchi Yesuus ee meentichcho Usheexxaxxi Ayyaamonne fayyiisu bikkina quuqaa minaadabina «Baxo baximmina hasisoo loh balli yookko. Ee lohem ballannem waattakka'a fayye'llehe bagaan Usheexxaxxi Ayyaamonne waattakkotte» yukko. Moollanni Yesuus ixxena dabaraa «Ki'nnuwwi ka labisaano! Ki'nnuwwiinsi ayyim Usheexxaxxi Ayyaamonne ixxeka mirgo'o te'im hallichcho gaadiriinsi tiraa wo'o agiseena massooyyonnihe? Tu meentichcho Abrihaam landichchotte ikka'a hee'llu'uuyyi tommoo sadeenti hiinchoo Sheexaanchi karaa hee'llo'ookkote Usheexxaxxi Ayyaamonne fayye'immi labooyyonnihe?» yukko. Yesuus eekka wocukkaare ixxi maso'i hundim tuutto'o. Manni hundim Yesuus baxu maalalsiisoo luwwi hundannem liiramukko.


Yesuusim ixxuwwina «Waa'i adillan maha labookko? Mahindu akeekisoommo? Waa'i adillan mat manchi ixxi uullanne massaa wixu shaa'n sire'i'nnoo'i gootto'i sire'e labookko. Oo sire'i li'aa haqqichchi ihoohaare cii'i ixxi caafanne do'nna baxookko.


Odim Yesuus «Waa'i adillano mahinne akeekisoommo? Waa'i adillan mat meentichcho sas qunni qamanne edda'a qufisso'i ursho'o labookko. Oo ursho'i qufisso'i qama hundoomam hufaa'ookko» yukko.


Yerusaaleema Yesuus marukkuuyyi beero'uwwannee gattuwwannee losisukkuuyyi higam hee'ukko. Mat manchi Yesuusina «Moollanna! Gatoo keen hofqaxannihe?» yaa xa'mmukko. Yesuusim ixxuwwina «Xuqqi goocinne aaggakkeena yaki'llehe. An ki'nnuwwina kuroommo; dut keen aaggeena mixxamo; ihukkaarem xantamoyyo. Mi'n annichchi iimaa gooca xufaa lasage u'llummanne uullitakka'a gooca qoccitakku'uuyyi ‹Moollanna! Niina fooqaa'e› yitakkamo. Mi'n annichchim dabaraa ‹Hanniinsi waattakko'ookeenda'e an la'oommoyyo› yookko. Ee ammane ki'nnuwwi ‹Neese kiinninne maqirem intaammoo angaammoo. Ni gatti googguwwannem losissaatto› yitakkamo.
Ihukkaarem oo mi'n annichchi ‹An ki'nnuwwina kuroommo; hanniinsi waattakko'ookeenda'e an la'oommoyyo. Ki'nnuwwi ku jora baxxakkam keen hundim iinniinsi qee'llehe› yookko. Abrihaama, Yisaaqa, Yaaqoobaa hiraagaan hundaa Waa'i adillanonne moo'llakkamo. Ihukkaarem ki'nnuwwi ee ammane biiranne gattakkamaare ee beyyonne ki'nnuwwina wi'llimmii inqe iicimmii ihookko. Odim uulli hundiinsim waatto'i lobakat minaadab Waa'i adillanonne maaddanne afuuttamo. Oono'o! Illag lasag ihookko. Lasagim illag ihookko» yukko.


Ee ammanem Farisaawe'uwwiinsi mat mat keen Yesuus beyyo waatta'a «Heeroodis keese sheena hasu bikkina ka beyyiinsi fittaa mare» yito'o. Yesuusim ixxuwwina dabaraa «Mattakka'a ee hantaaraanchina ‹ «Oono'o! Kaballaa soodoo Sheexaana fissoommo; jabbaanom fayyiisoommo; Saxxi ballannem i baxo guulloommo» yoolla› yitakka'a kullehe. Ihona bagaan kaballa, soodoo insoodoo an Yerusaaleema marimmi hasisookko. Mashka'oomim hiraagaanchi Yerusaaleemanne lehimmi hasisookko bagaan mulli beyyonne hannonnem lehimmi hasisooyyo.
Yerusaaleemaa! Yerusaaleemaa! Hiraagaano shitoohaanno. Waa'i beyyiinsi ki beyyo asse'anto'i asse'amaanom kininne aphphissaa shitoohaanno; antabaakkichchi ixxi ciicoolla laxxi woronne wixxaa'oo'isam anim ki'nnuwwa wixxaa'eena hasummo. Ihukkaarem at sabbitto. Ee bikkina ki'nnuwwik min diihookko. An ki'nnuwwina kuroommo; ‹Moollanni summinne waarookkok maasse'amaakkoohane› yitakkeebe'e eese moo'llakkamoyyo» yukko.

Ascolta Luqaas Mishiraachcha 13