I Versetti Biblici più popolari da Génesis 2

Condividi

Mãgá Tachi Akꞌõrepa wẽra ɨmɨkꞌĩradeepa ooda perã, ɨmɨkꞌĩrapa atabëiitꞌee chi akꞌõre chi nawe ome, ichi wẽra ome araa pꞌanadaitꞌee. Mãgá eperã omeeweda eperã apai pɨkꞌa pꞌaneedaitꞌee.

Maapꞌeda Tachi Akꞌõre Waibɨapa jaraji: —Pia–e bɨda aji, ɨmɨkꞌĩra ituaba bamerã. Iru–itꞌee kꞌõpꞌãyo ooteeitꞌeeda aji.

Maapai Tachi Akꞌõre Waibɨapa eperã yooro pꞌoradee ooji. Yooro pꞌoradee oopꞌeda, ma eperã kꞌɨ̃de jãrapꞌuaji. Aramata chokꞌai beeji. Tachi Akꞌõrepa ma eperã tꞌɨ̃ bɨji Adán.

Adanpa unukꞌãri, mãgaji: —Na mɨkꞌa bɨda aji, mɨ kꞌapꞌɨakꞌa bairã mãikꞌaapa mɨ bɨɨrɨdeepa ooda perã. Tꞌɨ̃jaradaitꞌeeda aji, wẽra, wẽra ɨmɨkꞌĩradeepa ooda perã.

Ma ewate iru mimia jõma aupapꞌeda, ɨ̃ida perã, ma ewaridé jaraji: —Pia bɨda aji. Ma ewari awara bɨji tomia chaa eperãarã ɨ̃idamerã ichi ɨ̃idakꞌa.

Adán chi wẽra ome ãkꞌadaa pꞌanapachida. Mamĩda kꞌĩra nejasia kꞌawadakꞌaa paji.