I Versetti Biblici più popolari da Noo Luke 22

Condividi

Gra, Ayr, my she dty aigney eh, scugh yn cappan shoh voym: ny‐yeih cha nee my aigney’s, agh dt’aigney’s dy row jeant.

Agh ta mish er ghuee er dty hon’s, nagh jean dty chredjue failleil; as tra vees oo er jyndaa, niartee dty vraaraghyn.

As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean‐jee ayns cooinaghtyn jeem’s.

As er yn aght cheddin yn cappan lurg shibber, gra, Yn cappan shoh yn conaant noa ayns my uill’s, t’er ny gheayrtey er ny son eu.

As v’eh ayns angaish vooar, as ghow eh padjer ny s’jeeaney: as va’n ollish echey myr bineyn mooarey folley tuittym gys y thalloo.

Agh cha bee shiuish myr shen: agh quoi‐erbee shinney ta nyn mast’ eu, lhig da ve myr y fer saa; as eshyn syrjey ta, myr y fer ta shirveish.

As dooyrt eh, Ta mee ginsh dhyt, Pheddyr, roish gerrym y chellee jiu dy jean uss gobbal three keayrtyn dy nhione dhyt mee.