I Versetti Biblici più popolari da Genesis 11

Condividi

ngan nagsiring hiya, “Yana usa la nga katawhan ini hira ngatanan ngan nagyayakan hira hin usa la nga pinulongan; tinikangan pa la ini han ira nahuhunahunaan hin pagbuhat. Diri maiha mahihimo nira an bisan ano nga ira karuyag! Lusad kita ngan guponga ta an ira pinulongan basi diri hira magkasarabot.”

Nagsiring hira, “Yana pagtindog kita hin usa nga syudad nga may-ada lantawan nga maabot ha langit, basi makaangkon kita hin ngaran para ha aton kalugaringon ngan diri kita magsarang ha bug-os nga tuna.”

Gintawag nga Babilon an syudad, kay didto gingupong han GINOO an pinulongan han ngatanan nga mga tawo, ngan ginpasarang hira ha bug-os nga tuna.

Ha syahan may-ada usa la nga pinulongan an mga tawo ha bug-os nga kalibutan ngan waray kalainan an mga pulong nga ira ginagamit.

Niyan linmusad an GINOO hin pagkita han syudad ngan han lantawan nga gintindog hito nga mga tawo

Sanglit ginpasarang han GINOO hira ngatanan ha bug-os nga tuna ngan ginpaukoy nira an pagtindog han syudad.