I Versetti Biblici più popolari da Genesis 13

Condividi

Ighahatag ko ha imo ngan han imo mga tulin an ngatanan nga tuna nga matatan-aw han imo mga mata, ngan pagtatag-iyahon ini niyo ha kadayonan.

Han pagbaya na ni Lot, nagsiring an GINOO ngadto Abram, “Tikang han imo hinmumutangan tan-aw hin maupay ngadto han ngatanan nga dapit.

Tatagan ko ikaw hin damo hin duro nga mga tulin nga waray tawo nga makakaihap ha ira ngatanan; masusugad ini hin pag-ihap han tagsa nga tapotapo han tuna.

Niyan nagsiring hi Abram kan Lot, “Mag-uropod la kita ngan diri angay mag-aruaraway an imo mga tawo kontra han akon mga tawo.

Sanglit ginbalhin ni Abram an iya kampo ngan nag-ukoy hiya ha hirani han baraan nga kakahoyan han Mamre didto ha Hebron, ngan didto nagtindog hiya hin usa nga altar ngadto han GINOO.

Sanglit sinmiplat hi Lot ngan hinkit-an niya nga damo an tubig han bug-os nga Kahamub-an han Jordan, tubtob gud ngadto ha Zoar, nga sugad han Tanaman han GINOO, o sugad han tuna han Ehipto. (Waray pa hini nga panahon pagbungkaga han GINOO an mga syudad han Sodoma ug Gomora.)