I Versetti Biblici più popolari da Matayo 24

Condividi

Na kwa dzambo ḍya kwamba mazuka yanawa yenjipfa kula pfantu, wantu wenji wadzawa kwamba ntawa matsako. Ela huyuḍe adzeit̯isa hat̯a mwiso, kadzapfonywa.

Na haya *Maagu Mema dzuu ya Uhaju wa Mbinguni yanasumwiijwa lumwengu yuzima ili kula kyeet̯i kiyasikie, ndipfo rhefu, mwiso wa lumwengu unakudza.

Kudzajumuka viha hapfa na hapfaḍe. Vingine vidzajwanigwa hafufi nanywi na vingine mudzavisikia maagu ḅasi. Ela namutsehuka, koro haya haya ni had̯i yahendeke, kenge si maana ya kwamba mwiso umaafika.

Nsi zidzanuka kujwana na nsi zingine, na uhaju udzajwana na uhaju ungine. Kudzawa nzaa na mihehemo ya nsi kuntu garagara. Ela haya haya yonse ni dza ḍabvu t̯u ya tsungu wa kuvyaa.

Mbingu na nsi vinasia, ela vyuuwo vyangu ntavinasia meshi.”

Koro wenji wadzadzifwariza kudza kwa sari ḍyangu wakyamba, ‘Mimi ndimi huyu *Masiya.’ Nao wadzawaarya wantu wenji muno.

Makisa mudzagijwa na kukuntiswa d̯ina na kuyagwa. Lumwengu yuzima judzamukeva kwa dzambo ḍyangu. Na wenji wadzaziyekeza faro zao na wadzakevana na kuḍawanyana ḅasi ḅasi. Hizo hizo ngera kudzat̯upuka manabii wa nsuwe wenji na wenji, na wadzawaarya wantu wenji.

Yesu kawambukuya kawamba, “Manyani muntu atsekudzamwaarya.

Ndookomu nanywi pia ni had̯i muwe t̯ayari, koro Mwana jwa Ad̯amu anakudza saa musiyoit̯aria.

Ndookomu nyakumwambiani mumire, koro ntamuidzi hi nsiku ya huyu Ḅwana jwenu adzeyokudza.

Yesu kagija kunena kamba, “Ela ntaku muntu yuḍejwonse aimanyiye hiyo hiyo nsiku wala saa. Hat̯a hawa malaika na huyu Mwana, nao pia ntawaidzi. Koro aimanyiye hiyo hiyo nsiku ni Baba jeje heket̯u.

Koro kudzat̯upuka manabii wa nsuwe na wantu wadzeodzihana Kirist̯o. Wadzahenda mafara ya kumakisa na kuyanga vihambwiizo garagara, ili t̯ambere indewezekana waweze kuwaarya hat̯a hawa watsanwa wa Muungu.

Ngera ya kudza kwa Mwana jwa Ad̯amu, wantu wadzahendeka dza hiviḍe wevyohendeka ngera ye zuruwa ya Nuhu. Koro hizihiziḍe ngera wantu wambijwa, ela wakaiya raha ya lumwengu: Kuḍya na kunwa, kuhwaa wake na kuyoza wanawake wao, mumpaka hiḍe nsiku ya Nuhu anjiiyeyo humuḍe Safinani. Na wantu ntawakuhambuya kwamba kujwakuhendekani, mumpaka hi zuruwa idzepfoikiwayaga madzi tswee. Ndookomu hat̯a kudza kwa Mwana jwa Ad̯amu kudzawa dzevihivi.