I Versetti Biblici più popolari da Matthew 3

Condividi

Masapuɏʼn koonyu cha losan un mangipaila un tuttuwaʼn lambyabyawi kayu kan cha byasbyasuɏyu.

Ot ladngeɏ ginga un lampeɏpuʼd langit un kalala, “Liya Alakkuʼn tagtagopok ya masmas-omak kan siya.”

Lagamput pun labunyagen si Jesus, ummopwas siya si chelum, ot liwalit ud langit ot intullongla Ispiritun Apudyus un isun chi kalapati un lan-osog ot lansap-oy kan siya.

“Bunyagek chikayu si chelum un mangipaila un lambyabyawi kayu kan cha byasbyasuɏyu. Ngim ha misagsagulud kan sakon, bunyagela chikayu si Ispiritun Apudyus ya apuy. Langatngatu siya si achayu lu sakon ked achipulak lumbong un mamigging si sancheɏla.

Si Apudyus isun chi taguʼn iyaallala wasaylaʼn mamokpok si puun chi kayu. Losan un kayuʼn achipun mamunga si bibiɏu ked mapokpok ya mitungu si apuy.

Si John chi hachiʼn ibyegbyegan propeta Isaiah un kalala, “Awed chi osaʼn tagu un inggew si lugeɏʼn lappun ummili un ip-ipkawla un, ‘Pabiɏuwonyu somsomokyu ya mansagala kayu un isun chi ileɏamyu chaɏan un ayon chi Ari.’ ”