I Versetti Biblici più popolari da Matiye 24

Condividi

Majang a kaw kə kete kete, ndiki naan lə dəwje nya a təl kə guku. A dəw kə̂ uwa arə ngəng ndərəng tee kɔnyɛ̂ tə̂ a, a kinga kaji.

Dâ kila mbər Tar kə̂ Maji kə̂ dɔ Bbe-kɔn tə̂ kə̂ darâ duninya tə̂ tɔyn karə gəl-dəwje tɔyn ooje. Goe tə̂ ngaa bba, a to dɔbɔyn nɛ̂n.»

A kooje tar ddɔje kə̂ aw ddee ngɔsi kə tar ddɔje kə̂ nayn ddəw əw. A arəje bbəəl uta dɔse ang. Maji karə nɛ̂njeenn le toje bba. A, a to ddutu ndɔ ang bbay.

Marə gəl-dəwje a kin ta dda ddɔ kə marə gəl-dəwje. Marə Bbe-kɔn a kin ta dda ddɔ kə marə Bbe-kɔn. Nangə a yəkə loje tə̂ dang dang, tɔkə bbo a koso. A nɛ̂njeenn tɔyn a toje tokə lə kunn-kutu nduru-ndo lə dɛnɛ̂n.

«Dara kə nangə a ndayje, a tarje ləm a ndayje ang.»

Mba dəwje nya a ddeeje kə rim ngaâ dâ paje nan: ‹Əman â m-to Kristə le› ngaâ dâ kərəje dəwje nya.

«Yeenn ngaâ dâ kuwase karə dəwje ulaje kəmse ndoo tə̂ ngaâ dâ tɔlse. Gəl-dəwje tɔyn a mbətəse mbam. Mə-kunn lə dəwje nya a koso. Dâ kunn dɔ naan ngaâ dâ mbətəje naan. Njê-kilaje mbər tar kə̂ tɔkɔrɔ ang tokə banya a kundaje lo teeje ngaâ dâ kərəje dəwje nya nya.

Jeju ilade tə̂ nan: «Aaje rɔse, arəje dəw ərəse ang.

Mba yeenn bba, sese kara arje dɔ gɔlse tə̂, mba Ngonn lə dəw a ddee kə kar kə̂ aw əjəje to nâ ddee nɛ̂n le ang.»

«Yeenn a, arje dɔ gɔlse tə̂, mba ə-gərəje ndɔ kə̂ Əbbəsese a ddee nɛ̂n ang.

«Dəw kâra gərə ndɔ wase kar kə̂ nɛ̂njeenn le a toje nɛ̂n ang. Anjəje kə̂ darâ wase Ngonn le kara gərə ang. Bɔ kə karɛ̂ baa â gərə.

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Ndɔ ddee lə Ngonn lə dəw le, nɛ̂nje a toje tokə dɔ ndɔ tə̂ lə Nowe. Mba kar tə̂ənn le, kete bba karə maann ndi taa lo, kula lə dəwje njaa to kusa kə kay. Daw taaje naan, daw darəje ngaw wase dɛnɛ̂n ngannde ndərəng ndɔ tə̂ kə̂ Nowe andə nɛ̂n mə tɔkə to tə̂. Dəjəje marə nɛ̂n kâra ang ndərəng ndɔ tə̂ kə̂ maann ndi taa lo ngaâ uwade tɔyn aw kə de. Ndɔ ddee lə Ngonn lə dəw a to tokə baann tɔ.