I Versetti Biblici più popolari da Luka 6

Condividi

Ejanagani, nabwi bũkaewa nĩ Ngai nyingĩ, irĩ nkindĩre nkinya igetĩka. Nĩũntũ rĩ, kĩthimi kĩrĩa bũthĩmanagĩra nakĩo nĩkĩo bũkathimĩrwa nakĩo.”

Muntũ mwega aaragia ũtonga bwa wega bũrĩa bũrĩ nkoroni yae, na muntũ mũthũku aaragia ũtonga bwa ũthũku bũrĩa bũrĩ nkoroni yae. Nĩ kwĩthĩrwa kanyua karutaga kĩrĩa kĩjũrĩte nkoroni.

Ĩndĩ bwiũ endagani anthũ benu, na bũbarũthage maũntũ marĩa mega. Kobithanagiani bũtĩkwĩrĩgĩĩra kũrĩwa, na bũkagwata kĩewa kĩnene na bũtwĩke jiana jia Ngai ũrĩa ũrĩ Ĩgũrũ Mũno. Tontũ rĩ, Ngai nĩegujagĩra kĩao o na barĩa batĩ nkatho na eendi.

Kwogu ĩgujanagĩrani kĩao o ta bũrĩa Baba wenu egujanagĩra kĩao.

“Bũtĩgatujagĩre antũ barĩa bangĩ, nabwi bũtĩgatuĩrwa nĩ Ngai. Bũtikengagĩĩre antũ barĩa bangĩ, nabi bũtĩkengĩĩrwa nĩ Ngai. Rekagirani antũ barĩa bangĩ, nabi bũkarekerwa nĩ Ngai.

“Ĩndĩ bwiũ bũndikĩrĩtie ndĩbwĩra atĩrĩ, endagani anthũ benu na barĩa babũthwĩre bũbarũthage wega. Tharimagani barĩa babũrumaga na bũrombagĩre barĩa babũcambagia.

Na o bũrĩa bũnkĩenda antũ barĩa bangĩ babũrũthage, barũthageni bu.

Muntũ akeja gũkũringa rũĩ rwa rũthĩa mũgarũkĩrie o na rũu rũngĩ. Na muntũ angĩgũtunya ĩgoti o na sati mũnenkere. Muntũ angĩkũromba gĩntũ mũnenkere; na ũrĩa ũgagũtunya into jiaku ũtĩkamwĩtie jio.

“Gũtĩ mũtĩ mwega ũjiaraga matunda mathũku, na gũti mũtĩ mũthũku ũjiaraga matunda mega.

O mũtĩ ũmenyekaga na matunda marĩa ũjiaraga. Nkũũ itĩkethagwa kuuma mĩguani, kana ndabibũ ikethwa kuuma mũtareni.