I Versetti Biblici più popolari da Litanga 7

Condividi

Kandi Yahova ya volera Nuhu, Hamba, wingire mu liatu, ive navenyumba yoyo vosi; kigira ndoli ive u veye mulungi imbiri wange mu likula yili.

Na amadzi ga li netsingulu ku lirova madiku mia na makumi gatano.

Ku muhiga gwa kola tsimia tsitano na indala gwelimenya lya Nuhu, ku mweli gwegyiviri, lidiku lyelikumi na gatano na gaviri lyomweli, ku lidiku yilyo visenukiru vyosi vya madzi manene vya huduka, na madirisha gegulu ga kunulwa.

Na vyosi vya li nelivamwoyo ku lirova vya gotidzwa, avandu, nemitugu, nevimolanga, na manyonyi gombwerefu; vyosi vya gotidzwa ku lirova. Na Nuhu yeng'ine ya tigala, navo va li halala naye mu liatu.

Na imbula ya li ku lirova madiku makumi gane, nobudiku makumi gane.