I Versetti Biblici più popolari da YOHANES 14

Condividi

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

“Arie naungngu suminggawangnga,” wisara Mawu Yesus si mangitou. “Pangimante Ruata, wuṛṛu pangimante si Ya'u lai.

Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

I Ya'u sarun madorongnga su Iamangnga, wuṛṛu i Tou sarun manganggilla si yamiu Mattatul᷊ungnga waine, apan sarun matana'a ringanni yamiu saran mal᷊annu-l᷊annu. I Tou udde Ghaṛṛahon Ruata apan sarun mapaal᷊iatta'u atatul᷊iddu Ruata. Runia maddirin Tou, ana waugu tawe maasilo wuṛṛu tawe maaillal᷊a si Tou. Arawe i yamiu ma'aillal᷊a si Tou, ana waugu i Tou uatana'a su sambau ringanni yamiu wuṛṛu uaaukka ringanni yamiu.

Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a. Al᷊awo'u apa apan raddoronganni yamiu sulal᷊ummu arang-Ku, sarun olaang-Ku.”

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

Su wal᷊en Iamang-Ku manambo tampa atatanaanna. I Ya'u inai watukku tampa udde manaddia tampang kamiu. I Ya'u tawe mabbisara aroddi si yamiu amungkangngu udde tawe mariaddi.

Napawe i Ya'u suete nanaddia tampang kamiu, i Ya'u sarun mabelengnga wuṛṛu manal᷊oho si yamiu, tadea'u suapa i Ya'u isudde, isudde lai yamiu.

See i Tomas nabbisara Mawu Yesus, “Mawu, i yami wagga suapa Mawu inai, ereapa i yami maasingkattu lal᷊anne?”