I Versetti Biblici più popolari da YOHANES 2

Condividi

Eteudde al᷊aṛṛindu'a paarorone apan niola'u Mawu Yesus. I Tou na'ola'a udde su wanua Kana su Galilea. Ringannu tanda udde i Tou mapaal᷊iatta'u awawantu-Ge. Ne mallal᷊aṛṛenggen-Ne nangimante si Tou.

Mawu Yesus sinumimbakka, “Inangnga, arie mandolo-U. Taambe tempone i Ya'u mapaal᷊iatta'u riri-U.”

Mawu Yesus nabbisara su mangangimbe udde, “Loṛṛoiteng kua'e manga wensada udde.” I mangitou nalloṛṛote na'oman sara napene-pene. See Mawu Yesus nabbisara si mangitou, “Orassa indi pangabbate ua'e adio'a wuṛṛu apira'e su piaṛṛa'u andeangnga.” I mangitou nangapiddu ua'e udde su piaṛṛa'u andeangnga

Mawu Yesus sinumimbakka, “Hohaṛṛa'a Wal᷊e indi, wuṛṛu sulal᷊ummu tallu allo i Ya'u sarun mapararisikka apia.”

Mawu Yesus na'ola'a sambokka wuassu tal᷊i wua'udde nallimbuakka anambon winatangnga udde, mawae domba ara'e sapi, wuassu lal᷊ummu Wal᷊e Mawu. Manga medda mananu'addu roitta niwal᷊insuang-Nge na'oman sara roitti mangitou nassal᷊iawukka. See i Tou nabbisara su mabawal᷊u'u manu'a merpati, “Pangingkatta wua isindi. Arie Wal᷊en Iamang-Ku maola'a tampam pabawal᷊u'anna!”