I Versetti Biblici più popolari da Yɔni 6

Condividi

Kɛna ni Yisɔs bindɛ yaabi, na “Yama kutoŋ ku dunkuŋ sii baŋ koŋ, awa wɔ yo wɔ wo see kiyaŋ do, ndɛ sa nɔŋ nda kaho kɔnthɔ, awa wɔ yo wɔ wo yama piiteke, ndɛ sa nɔŋ nda kaho kumbɛ.

Yina wo ka Masaala woŋ na dunkuŋ sii, kɛrɛ wɔmɛti sa punku niya bɛy yo bɛy. Yina wo ka Masaala wo bena dunkune sii woŋ wundɛ kɔŋ see ka mathanani ma yaŋ bena thanani maŋ.

Baŋ hɔkɔŋ ni wali ba muthɔma mu daŋande muŋ, kɛrɛ niyaŋ wali ba muthɔma mu bena dunkune sii ba kɔy o kɔy, mu Hati ka Wɔ woŋ bena dunkune muŋ, baa ndɛ na thanki Masaala wo Fanda ntuŋ woŋ yɛtha ba wuŋ niya.”

Mathimo ma ka Fandaŋ woŋ maŋ mɛna maŋ maŋ baŋ, ba wɔ yo wɔ wo kutu Hati woŋ e ndɛ niŋ piiteke wɔ bɛina be kutu sii ba kɔy yo kɔy, awa yaŋ kɔŋ nɔŋ niŋ ŋayaŋ ka tuka haŋ ba niyɔ iŋ sii ka lɔkɔ bamankɛ baŋ.”

Yisɔs ni bindɛ yaabi ba dɔma, na “Bɛy ba yeheŋ Masaala na thukuma bɛna baŋ baŋ: piitekeŋ wo ŋindi ndɛ woŋ.”

Bi dunkune yama Fandaŋ woŋ beŋ fooma bi kɔŋ see kiyaŋ do, awa womo woma wo see kiyaŋ do yaŋ sa niŋ kanthi

Saimɔŋ Pita ni niŋ yaabi ba dɔma, na “Mariki, ka nkaana miŋ key? Yɔkɔŋ yi nagbɛti yina iŋ mathanani ma dunkuŋ sii baŋ maŋ

Yama kutoŋ ku iŋ sii baŋ koŋ ku ŋaye ka ariana koŋ. Mɛnɛ wɔ thɔŋ kutoŋ koŋ koŋ baŋ, wɔ bɛina kɔŋ niyɔ kɔy yo kɔy, awa kutoŋ ku yaŋ dunkuŋ ba biya bi kafaydo beŋ bi be niyɔ iŋ sii kuna kɔtɔ kukiyaŋ koŋ.”

Wɔ yo wɔ sa punku saa kiyaŋ do yɔkɔŋ Fandaŋ wo ŋindɛ yama woŋ na niŋ yɔɔsi kiyaŋ do, awa wo nɛnɛ see kiyaŋ do, yaŋ kɔŋ nɔŋ niŋ ŋayaŋ ka tuka haŋ ba niyɔ iŋ sii ka lɔkɔ bamankɛ baŋ.

Kutoŋ ku ka Masaala koŋ kuna ku ŋaye ka ariana koŋ, ku sɛɛ ba dunkuna sii kafaydo.”

Yama kutoŋ ku dunkuŋ sii baŋ koŋ.

Yisɔs sekithe ŋatoŋ ŋaŋ e ndɛ thiya Masaala na maamo, awa e ndɛ niya ba ŋɛŋ hano ka bi dɔɔnkɔy beŋ fooma. Nɛna ni hɛlɛŋ ndɛ muheni muŋ, awa biya muŋ thɔŋ haaŋ e bindɛ thimbuwɔ. Naa thɔŋ bindɛ fooma e bindɛ thimbuwɔ, huna dome Yisɔs ka bakarandeni nama beŋ, na “Kɔminandeŋ magbanthi ma pɛyɛtɔy maŋ ka tha banthe, haliko ntha ki be tha teetuwɔ.”

Naa ŋɛŋ bindɛ gbe baŋ bɛrɛ ba ŋaragba ŋataati maa ŋanaŋ, bindɛ kute Yisɔs si kaande ka mankɔ maŋ ka thinthi e ndɛ kɔ thuriye gbe baŋ. Kɛna see payɔ humandiŋ bindɛ thɔɔ. Huna dome Yisɔs kɛnamɛŋ, na “Yama. Baŋ payɔ.”