I Versetti Biblici più popolari da Luku 18

Condividi

Kɛna tepe Yisɔs bindɛ mbɔrɔ kɔŋ kɔŋ ba bindɛ thaninuwa ba dɔma na bi kɔŋ ba niya kuraminɛ timo tima awa bindɛ ka ba yɔntuwa hali.

E Masaala sa kɔnsɔŋɔŋ wuthumbɛ biya nama beŋ bi niŋ berinteke gbɛɛŋ iŋ piripiri beŋ? E wundɛ kɔŋ kɔɔkɔ ba bindɛ mase? Yaŋ tepe bena, wundɛ kɔŋ bindɛ mase ka kɔnsiŋina haŋ, awa ndɛ kɔŋ ntiŋ wuŋ ni yako. Kɛrɛ, e Hati ka Wɔ woŋ kɔŋ pɛnki biya bi niyɛ lanɛya ka dunia baŋ naa wundɛ see?”

Yisɔs tepe, na “Ba sa wɔmɛti punku niya, Masaala kɔŋ bɛŋ ni.”

Bakɔnsɔŋɔŋ woŋ tha mɛyi ba wuŋ niya yako, kɛrɛ naa nambe wuŋ haaŋ wundɛ tepe ka yɛthɛ nama, na ‘Hali na niyɔy wuŋ na yaŋ payeta Masaala na, yaŋ niyeta wɔmɛti yiki, halisa bagbokora woŋ kɔŋ yama ni thɔrɔ. Yaŋ kɔŋ kɔnsɔŋɔŋ kithi nama baŋ. Mɛnɛ huŋ kutɛ, saa nama haŋ yako-yako hu kɔŋ yama thamaŋ.’”

Yaathi, yaŋ tepe bena, yɔkɔŋ wɔ yɛrɔkɔy Hugbakine hu ka Masaala haŋ nɔŋ na huŋ hatiyɛ yɛreke na, mɛnɛ huŋ kutɛ, wundɛ sa kɛndɛ punku biyande.”

Kɛrɛ Yisɔs thiyi ba bi be sisa, wundɛ tepe, na “Mpati beŋ saaɛŋ kiyaŋ do; baŋ bindɛ pindi, baa na mpati beŋ na, nɛna biya bi biyande ka Hugbakine hu ka Masaala haŋ ba niyɔ.

Yisɔs tepe kɛnama, na “Awa kuta; kulanɛya kukɛnda petheŋ yina.”

Huna thonthiŋine niŋ Yisɔs, na “Mbɛ ba yama yi thiye karimɔkɔ woyɔhɔy? Wɔ yo wɔ ka woyɔhɔy yɔkɔŋ Masaala pe.