I Versetti Biblici più popolari da Luku 22

Condividi

na “Fandaŋ, mɛnɛ mamɛyi makɛnda mɛna, gbɔnina kɔɔpu hu ka thɔrɔ haŋ haŋ kuwaŋ kukiyaŋ. Kɛrɛ wu bɛiŋ niyɔ ka mamɛyi makiyaŋ nde, kɛrɛ bɛyi yo bɛyi ba thimo yi bɛ be niyɔ, ba niyɔyŋ.”

Kɛrɛ yaŋ thanki yina niyiyɛ kuraminɛ Saimɔŋ, ba haliko lanɛya bakɛnda baŋ ba be tha thamɔ. Awa naa yi sikiyɔkɔy hɛlɛŋ kiyaŋ, kahina mbɛnda thathukuma.”

Awa wundɛ sekithe hɛlɛŋ kutoŋ koŋ e thiya Masaala na maamo, e kuŋ thinkinande e bindɛ kuŋ dunkune e tɛpa, na “Wuŋ, kɔtɔ niŋ koŋ kuna, ku dunkuŋ yaŋ koŋ ba beŋ. Niyaŋ wuŋ ba yama kɔ siyuwe.”

Ka gboŋa banthe babɛina hɛlɛŋ, naa thanki bindɛ thɔma, wundɛ dunkune bindɛ kɔɔpu haŋ, e tɛpa, na “Kɔɔpu haŋ haŋ mayuku maŋama ma ka Masaala maŋ mɛna, ma kahitino wasi bakiyaŋ baŋ, ba toŋe yaŋ baŋ ba beŋ.

Thukuma nama haŋ see ni thɔrɔ. Kɛna ni wundɛ kuraminɛ wukahɛ-kahɛ haaŋ mamuheyani nama maŋ thonda nɔŋ wasi bɛna thondi ka kuyɛkɛŋ koŋ.

Kɛrɛ beŋ, wuŋ ka ba nɛŋ niyɔ, wo bayaha woŋ kɔŋ ba simɔkɔ yɛthɛ nama nɔŋ wothahuwɔy woŋ nthɔŋ nda fooma, awa wo bakɔtɔkɔ woŋ, wundɛ kɔŋ ba niyɔ nɔŋ bawali.

Huna tepe Yisɔs, na “Pita, koki woŋ sa niye kokire huyɛ bahɛ baŋ, yi kɔŋ yama buuhu dɔŋɔ kataati ba dɔma na yi kɔyta yama.”