I Versetti Biblici più popolari da Mark 14

Condividi

kɔ pa Aba, Pa, ro rɔmu mȧtȧy bɛ mə selɔnɛ. Tɔŋa ampɔthi ŋa ȧŋsɔmpanɛŋ aŋe ro mi, kɛrɛ ta pə te yi ka mayema ma mi, ta pə yi mɔ mə munɔ mə yema.

Kəlȧnɛ nu ɔwa nə ramnɛ kȧmȧ nə te wɔŋ rə tȧy təgbɔns. Tɛntɛnɛ ȧŋmerȧ aŋ selɔ kɛrɛ aŋdɛr a rant.

Tɛntɛnɛ i kanɛ nu, Dɛr o dɛr ro mə a taməs ȧkɛra kəfinɔ ka Kuru ka ȧdȧru bɛ-e, ȧte ɔya ɔ po yɔ-e, a ba kəfɔf ti sɔ tə kənanɛ kɔ.

kɔ pa ro ŋaŋ, Ȧŋmerȧ a mi aŋ ba ɔnɔsinɛ ɔbana haŋ ka rəfi. Bȧkər nu nɔ, ɔwa kəlɛnɛ nu.

Mɔ mə aŋ di-e, ɔ gbasi kabo, ɔwa ma ɔ po ruba ki-e, ɔ siməth ki, kɔ sɔŋ ki ro rɔŋaŋ, ɔ pa, Gbasi nu ake, nə di. Ake kə yi aŋdɛr a mi.

kɔ gbasi ampɔthi, ɔwa ma ɔ po sɔŋ məmə-e, ɔ sɔŋ ŋi ro ŋaŋ, ka ŋa bɛ aŋ muna ri. kɔ pa ro ŋaŋ, Ame mə yi mȧtir ma mi ma aŋlemranɛ afu ama a loŋ ta afəm alai.

Ka Yisɔsȧŋ ɔ pa ro ŋaŋ, Naŋ bɛ nə tə pənthbəla salata mi rȧfɔy are; kotȧy-e a gbal ti kəpa, I ti gbantha ɔtɔl, ɔwa talɔmɛ aŋ tə sakanɛ.

Yokanɛ nu kȧmȧ sə kɔnɛ. Kəli, ɔwe mə sɔnd mi ɔ bek.

Ka Yisɔs ɔ pa ro ŋɔŋ, I kanɛ mu tə tɛntɛnɛ, thonɔŋ, hali ka rȧtȧtȧk are-e, munɔ mə tə pɛnsanɛ mi məsas, yeŋka katəpi ɔ tam mȧrəŋ.