I Versetti Biblici più popolari da Johanni 2

Condividi

Kowa his o ersto kopo, kai kras o Jesus i baro koowa an o Debleskri soor. Kowa kras lo an o gab Kana an o them Galilea. Kote sikras job peskro railepen un peskri soor. Un leskre mala patsan ap leste.

“Romnija,” penas o Jesus, “hoi me hunte krap, hi miro koowa un gar tiro koowa. O tsiro hi mange kanna gar koi.”

O Jesus penas ap lende: “Tchorenn pani an kol khore!” Un jon kran len jaake pherdo, kai djas buder tchi dren. Un job penas pale ap lende: “Lenn dran kol khore un anenn kowa o rajeske pral o pipen!” Un jon anan les pash leste.

Penas o Jesus ap lende: “Phagenn kau Debleskro kheer tele! Me krau an triin diwessa i newo kheer.”

Koi kras job dran shelle i tchupni, un tradas len lengre bakrentsa un grumjentsa dran o Debleskro baro kheer win. Un kolenge, kai parenn i lowe trujel, witsras lo lengre lowe ap i phub. Un lengre stamja tchiwras lo trujel. Ap kolende, kai bikrenn parne tchirklen, penas job: “Hidjenn len win un krenn dran miro dadeskro kheer kek bikepaskro kheer!”