I Versetti Biblici più popolari da Johnga 14

Condividi

Rashgunira hakishu nint’utawina, rashguni harnira hornik’uwina. Inke managre woga hikisge wagiunina, Ne‐hornik’uwina. Inke najge wojiwinine, inke warnakawawinine.

Jesus wagena: Nagura Newinena, wogisogra egi wankshighoira. Inke hisha Hianjihiwira hirahininana, eshi Neshana eegi huwegishana herenana.

Inke najge wojiwinine, Maura harnaxguwine, nishge harnaixguwine.

Egi Warukhegra, Naxirag Wakanjangra erena, Hianjihiwira huhikjanena rash harnira hawau, E washara harnaj ningigus‐hikjanihawina, egi washara harnaj wakewewinikjanihawina jagu hinigarnihera.

Hisha u‐washi harnira harnigi, egi waigiungishi, she‐e herena woigixetejanana, egi hisha woigixetegi, Jajiga wogixetekjanena, egi wagixetekjanena, egi hagikikawahakjanena.

Egi Hianjihiwira hagikarajikjanena, egi Warukheg hijanera hisha hornikunkjanihawina, E manegus harnikishu unkjanihawina. Naxirag wogisogra, E maneginagre inke rus ruxurug hiranina, inke hajarninanke shige inke hiperesninanke esge. De‐eshi hirapereswina harnikishu jhiajena egi hornijhikjanihawige esge.

Egi jagura hisha hinagitawigi rash harnira sharajwigi, haunkjanena Hianjihiwira Wankshig‐hinigra gloriahikjanege esge. Washanisha ratawigi rash harnira sharajwigi, haunkjanena.

Woiragixetewigishi u‐washi harnira hingiuwine.

Jajiga hojhira jhiakohira rohana. Inke shesgarnigishi, hornigitagwinana. Jhi hirushja ningigitekjanihawina.

Egi jhi hirushja ningigitawigishi, shige hajikjanena, egi nikurus‐kjanihawina, hajinja hauanjegi nishge eja shunkjanihawina.

Thomasga wena: Hirukanara, inke hiapereswinina hajinja horawasherekjanegi, egi jasge hawianaga nagura hiapereskjanihawishe?