I Versetti Biblici più popolari da SAN JUAN 1

Condividi

Shina mana chasquicpipish, maijanlla paita crishpa chasquiccunataca, Diospac huahuacuna tucuchunmi chasquin.

Taita Dios cai pachata manarac ruhuacpimi, Rimashca Shimica ña tiyarca. Chai Rimashca Shimica Dioshuanmi carca. Shinallatac chai Rimashca Shimica Diosllatacmi carca.

Chai Achicyachicmi amsapi achicyachicun. Amsaca chai achictaca mana atinchu.

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

Paillahuantacmi Taita Diosca tucuita ruhuarca. Mana paihuanca imatapish mana ruhuarcachu. Paillapitacmi causaica tiyarca. Chai causaimi gentecunapac Achicyachic carca.

Cayandic punzha Jesús paipacman chayamucucta ricushpami, Juanca cashna nirca: —Riquichic. Caimi cai pachapi causaccunamantaca, juchacunata anchuchichun Taita Dios cachashca Pactalla Ovejaca.*f**

Chai Rimashca Shimimi cai pachapi carca. Taita Diosca chai Rimashca Shimihuanmi cai pachataca ruhuarca. Chashna cacpipish, cai pachapi causaccunaca paitaca mana ricsircacunachu. Paipac gentecunapacmanmi shamurca. Shina shamucpipish, paipac gentecunaca mana chasquircachu.

Chai Achicyachicmi tucui gentecunata achicyachingapactac cai pachaman shamurca.

Taita Diosca Moisesmanca mandashcacunatami curca. Ashtahuanpish Dios ima shina cashcata shinallatac c'uyac cashcataca, Apunchic Jesucristomantami ricuchirca.