I Versetti Biblici più popolari da Najə̄ kə́ Majə yā Jeju ń Luk ndang ní 22

Condividi

Bɔbə́ḿ, ḭ̄ kɔ́ ndigə anī, úń kópə́ ń toō rɔ̄ḿ tə́ kɔ̄ɔ́, banī kadə̄ i gō kem ndigə yāḿ mā n kə yā rāā ní alé, ba kadə̄ i gō kem ndigə yāí ḭ̄ kɔ́ tá.

Ba m̄-ndɔ̄ȳ tām̄ yāí ḭ̄ tə́ kadə̄ ə̄sō loo taā kem yāí tə́ alé. Ba ḭ̄, dan ń ī-tél ta róbə yāí tə́ ní a, ī-mbūsə̄ ngákó̰ó̰í gə̄.

Gō tə́ anī ni-un mápa, ndadə̄ Nə́ɓā dɔ tə́, tétə̄ naā tə́, adə̄də́, ba ədadə́ na: Nge ń toō i rɔ̄ḿ kə́ m-ādə̄ tām̄ yāsí tə́. Ī-rāāī yá̰á̰ ń toō kadə̄ əgań kemsí dɔḿ tə́.

Gō yá̰a̰ kəsa tə́ anī, ni-rāā tītə̄ ń noō ɓáý to̰ kə kopoó, ba ədadə́ na: Kopə ń toō i kópə yā *madə̄ naā kə́ kijə kə ta kūl̄ mósə́ḿ kə́ ɓōkə́ nang tə́ tām̄ yāsí tə́.

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

Yāsí sḭḭ̄ i tītə̄ ń noō alé, ba kadə̄ deē ń i kə́ bo ngá̰ý dansí tə́ ní a kɔ́ɔ̄ tél to tītə̄ de kə́ dūú ngá̰ý dansí tə́, kadə̄ nge ń ndi ngār dɔ madə̄n gə̄ tə́ ní tél to tītə̄ ngōn̄ nge kəla kə́ karī ō.

Ba Jeju tél ədan na: Ādə̄ m-ə́daī, Piyer, ɓōólaā nəkɔ́ ń toō, kété tá kadə̄ kə́ra kə̄njá a nōō ní, ā ī-nējə̄ nja mətá na ī-gerə̄m̄ alé.