I Versetti Biblici più popolari da Rí nene̱ 5

Condividi

A̱ꞌkhue̱n niriꞌña Pédro̱ gajmíí i̱ꞌwíin tsí nixúngui̱inꞌ Jesús: ―I̱tha̱án máꞌ gíꞌmáaꞌxo̱ꞌ rí mu̱ne̱-mbáníí rí naꞌthán Ana̱ꞌlóꞌ, xó rí mu̱ne̱-mbánííxo̱ꞌ rí nuthan xa̱bo̱ numbaa.

Jamí mbá xúgíí mbiꞌi tsíni̱ñáa̱ rusngáa̱ jamí rí nuthan-raꞌee̱ ajngáa máján ga̱jma̱á numuu Jesukrísto̱ ná guꞌwá dxákuun xúꞌkhue̱n máꞌ ná guꞌwúu̱n.

A̱ꞌkhue̱n Pédro̱ niꞌthúu̱n: «Ananía̱s, náá numuu kajngó nitatsíñá-mina̱ꞌ rí Satanás maꞌthán-ñájuun a̱kia̱anꞌ rí ma̱tha̱ne̱-nduwaa Xu̱u̱ꞌ Ana̱ꞌlóꞌ, jamí nitrígú tháan inuu mbúkho̱o̱ mbayaaꞌ róꞌ. Nákhí rí xóó tsíta̱ngu̱jwa̱ ne̱, ñawáanꞌ máꞌ ikháánꞌ ríga̱ ne̱. Jamí ído̱ ni̱ta̱ngu̱jwa̱ ne̱, mbúkha̱a̱ꞌ máꞌ ikháánꞌ ñajuun ne̱. Náá numuu kajngó nithaꞌgí-mina̱ꞌ rí ma̱tha̱ne̱ rúꞌkhue̱n róꞌ. Ra̱ꞌkhá xa̱bo̱ numbaa nithane̱-nduwiin, rí Ana̱ꞌlóꞌ nithane̱-nduwaa». Ído̱ nidxawuun Ananía̱s ajngáa rúꞌkhue̱n, a̱ꞌkhue̱n ningáxi̱i̱ jamí nijáñuu̱. Jamí mbá xúgíin tsí ni̱dxawíín rí niríga̱, maphú nimíñúu̱.

»Ikhaa jngó na̱tha̱nꞌlaꞌ xúge̱ꞌ, gu̱ne̱-janíí-mijnálaꞌ ná inúú xa̱bo̱ tsíge̱ꞌ, jamí gu̱ni̱ꞌñúu̱laꞌ. Xí ju̱ma̱ rí juye̱e̱ o ñajun rí nuni̱i̱, drígu̱ún xa̱bo̱ numbaa ñajuun ne̱, ma̱mbá-ri̱ga̱a máꞌ ne̱. Jamí xí drígo̱o̱ Ana̱ꞌlóꞌ ñajuun ne̱ rá, ma̱xáꞌnga̱ꞌlaꞌ gúne̱-gámba̱a ne̱. Ra̱ꞌkhá ma̱ꞌne rí juwa na̱tsa̱ña̱ꞌ gajmiálaꞌ Ana̱ꞌlóꞌ».