I Versetti Biblici più popolari da Juáán 14

Condividi

»Na̱ni̱ꞌñúulo̱ꞌ rí tsímáá ga̱jma̱á nindxa̱ꞌlaꞌ. Ra̱ꞌkhá xómá tsímáá rí nuxna xa̱bo̱ numbaa, rí tsímáá drígo̱ꞌ ikhúúnꞌ na̱xna̱ꞌlaꞌ. Ma̱xáguaꞌdáálaꞌ gaꞌkho̱, ni máꞌ ma̱xámíñalaꞌ.

Jamí Jesús niꞌthúun Tomás: ―Ikhúúnꞌ ñajunꞌ jamba̱a̱, ikhúúnꞌ ñajunꞌ rí gakon jamí ikhúúnꞌ na̱ne̱ rí ma̱ju̱wá jámuu xa̱bo̱. Nimbáa ma̱xáxóo ma̱ꞌkha̱ ná inuu Ana̱ꞌlóꞌ xí ra̱ꞌkhá ga̱jma̱á numuꞌ ikhúúnꞌ.

»Ma̱xáguaꞌdáálaꞌ gaꞌkho̱. Ga̱nimba̱ꞌlaꞌ ju̱ya̱á Ana̱ꞌlóꞌ, jamí ga̱nimba̱ꞌlaꞌ ju̱yo̱ꞌ mangúúnꞌ.

Xómáꞌ tsí ma̱ꞌkha̱ maꞌthán-mbáá numalaꞌ ñajuun Xu̱u̱ꞌ Ana̱ꞌlóꞌ, tsí maxúngua̱a̱ꞌ Tátéꞌ ga̱jma̱á numuꞌ ikhúúnꞌ. Ikhaa̱ maꞌsngálaꞌ mbá xúgíí, jamí ma̱ꞌnii̱ rí ma̱rmáꞌáan a̱kia̱nꞌlaꞌ mbá xúgíí rí ni̱tha̱nꞌlaꞌ.

Tsí na̱ma̱ñuu jamí naꞌne-mbánuu rí na̱xna̱-ñájun ikhúúnꞌ, tsúꞌkhue̱n nasngájma rí nandoo jaꞌyeꞌ. Jamí tsí nandoo jaꞌyeꞌ ikhúúnꞌ, Tátéꞌ ma̱goo jaꞌyoo tsúꞌkhue̱n. Xúꞌkhue̱n máꞌ mangúúnꞌ ma̱goꞌ ja̱yo̱o̱ jamí ma̱snga̱jmá-mina̱ꞌ inuu̱.

Jamí ikhúúnꞌ ma̱tha̱n-jáñuu Tátéꞌ rí maxuꞌmaa̱ i̱mba̱a̱ꞌ tsí maꞌthán-mbáá numalaꞌ, jamí ma̱xtáa̱ mbá jayu ga̱jma̱á nindxa̱ꞌlaꞌ. Ikhaa tsúꞌkhue̱n ñajuun Xe̱ꞌ tsí nasngájma rí gakon, tsí tsíyoo mu̱dri̱guíi xa̱bo̱ numbaa, numuu rí na̱nguá iyáa̱ ni máꞌ tsíne̱-nuwii̱n. Xómáꞌ ikháanꞌlaꞌ nu̱ne̱-nuwii̱nlaꞌ numuu rí xtáa̱ ga̱jma̱á nindxa̱ꞌlaꞌ, jamí ma̱xtáa̱ ná awúun a̱kia̱nꞌlaꞌ.

Jamí ikhúúnꞌ ma̱ne̱ asndo náá máꞌ rí mu̱nda̱ꞌa̱álaꞌ Ana̱ꞌlóꞌ ga̱jma̱á numuꞌ ikhúúnꞌ. Xkuaꞌnii kajngó ma̱gu̱ma-mba̱a̱ Ana̱ꞌlóꞌ ga̱jma̱á majñu̱u̱ A̱dée̱. Ikhúúnꞌ ma̱ne̱lo̱ꞌ mbá xúgíí rí mu̱nda̱ꞌa̱laꞌ ga̱jma̱á numuꞌ ikhúúnꞌ.

»Xí ikháanꞌlaꞌ nandalaꞌ ju̱yo̱ꞌ, mu̱ne̱-mbáníílaꞌ rí na̱xna̱-ñájwanlaꞌ.

Ná guꞌwóo Tátéꞌ phú gaꞌchú ná ma̱juwalóꞌ. Xí ra̱ꞌkhá xkuaꞌnii jaꞌnii, ni ma̱xátha̱nꞌlaꞌ rí ma̱ꞌgá gáne̱-mújúnꞌ ná ma̱juwalaꞌ xúꞌkhue̱n rá.

Jamí ído̱ wámbo̱ꞌ ne̱ne̱-mújúnꞌ ná ma̱juwalaꞌ rá, a̱ꞌkhue̱n ma̱ꞌkha gáguáanꞌlaꞌ kajngó mu̱ꞌgualaꞌ ga̱jma̱á nindxu̱ꞌ. Xkuaꞌnii jngó ma̱juwalaꞌ ná xtáá ikhúúnꞌlo̱ꞌ.

A̱ꞌkhue̱n niꞌthán Tomás: ―Táta̱, tsíya̱áxo̱ꞌ náá idxo̱ꞌ. Xáne lá gágoo mu̱ne̱-nuwiinxo̱ꞌ jamba̱a̱ rí xkuaꞌnii rá.