I Versetti Biblici più popolari da Xa̱bo̱ Róma̱ 2

Condividi

Tsáánꞌ narathán rí ra̱máján ene̱ xa̱bo̱ jamí ikhaa máꞌ ithane̱ ikháánꞌ, á na̱ju̱ma̱a̱ꞌ rí ma̱jríñáaꞌ ído̱ rí Ana̱ꞌlóꞌ maxúdaa awan ga̱jma̱á numúú xa̱bo̱ rá dxe̱ꞌ. Ikháánꞌ tsítiamakuíí rí phú májáan Ana̱ꞌlóꞌ jaꞌyaaꞌ, rí phú mba̱a̱ a̱kuii̱n jamí rí na̱ꞌngo̱o̱ a̱kuii̱n ithane̱. Jamí tsífraꞌa̱a̱ꞌ rí Ana̱ꞌlóꞌ májáan a̱kuii̱n jaꞌyaa̱ꞌ numuu nandoo̱ rí ma̱thanga̱a a̱kia̱anꞌ ná inuu̱.

Ikhaa jngó, ikháánꞌ tsáánꞌ narathán rí ra̱máján ene̱ xa̱bo̱, nda̱a̱ rí ma̱tha̱ne̱ tsu̱di̱í, asndo tsáa máꞌ najwaanꞌ. Ído̱ narathán rí ra̱máján ene̱ i̱ꞌwíin, naraxná-maꞌán-mina̱ꞌ máꞌ ikháánꞌ, numuu rí nathane̱ ikhaa máꞌ rí nuni̱i̱ ikhii̱n.

Numuu rí Ana̱ꞌlóꞌ tsíraꞌwíi̱n xa̱bo̱ tsí ma̱ꞌne-nga̱júu̱n.

Numuu rí ra̱ꞌkháa xa̱bo̱ tsí i̱ndo̱ó máꞌ nu̱dxawíín xtángawoo Moisés ñajúún tsí nánda̱a̱ aꞌkhúún ná inuu Ana̱ꞌlóꞌ, rí xa̱bo̱ tsí nune̱-mbáníí xtángoo, ikhiin tsúꞌkhue̱n maꞌthán Ana̱ꞌlóꞌ rí nánda̱a̱ aꞌkhúún.

Numuu rí Ana̱ꞌlóꞌ ma̱ꞌne-numa̱a mbámbáa xa̱bo̱ xómá jaꞌyoo rí neꞌne.

Xómáꞌ tsí na̱ju̱mu̱ú rí i̱ndo̱ó máꞌ ikhiin gíꞌdoo numuu rí nuthan, jamí tsíñúú gánimbu̱únꞌ rí gakon, ga̱jma̱á numuu rí nune̱ rí xkawe̱ꞌ rá, Ana̱ꞌlóꞌ ma̱ꞌne rí mu̱míníi̱ ga̱jma̱á mbá xúgíí ski̱yu̱u̱ꞌ rí najiꞌnáa̱.

Xómáꞌ ikháánꞌ phú najñaguíín jamí tsíyoo gáthanga̱a a̱kia̱anꞌ inuu Ana̱ꞌlóꞌ. Ga̱jma̱á numuu rúꞌkhue̱n nathane̱-matíí jamínu̱ꞌ rí ma̱tri̱gú ído̱ gága̱nú mbiꞌi rí mu̱míni̱í xa̱bo̱, ikhaa máꞌ mbiꞌi rí Ana̱ꞌlóꞌ masngájma rí máján naxudaa̱ awan ga̱jma̱á numúú xa̱bo̱.