I Versetti Biblici più popolari da Walumi 5

Condividi

Mbali Mulungu kachilagusila kua kana wende na cheye, haja vichikalile ching'hali na malozo, Kilisito kadanganika kwambuli yetu.

Najo tamanilo hadichitenda chihombe, manake Mulungu kamala kuching'ha wende wake umemile mmoyo kwanzila ya Muhe wa Mulungu yaching'ile.

Enaa, si gago tu mbali chodeng'helela ivija mmadununzo kuno chivimanya kua madununzo gogala kufunyamoyo, nako kufunyamoyo kogala kugangamala, nao kugangamala kogala tamanilo.

Baho, kwavija chitogoligwa na Mulungu kwanzila ya kutogola, ivo china utindiwala nayo Mulungu kwanzila ya Yesu Kilisito Mndewa wetu. Kwa kubitila kutogola Yesu, Mulungu kaching'ha ganogile gake. Mbaka sambi chogendelela kukala muunovu uo. Baho chodeng'helela ng'hani kwavija chotumanila kwingila muukulu wa Mulungu!

Vichikalile chabule wakuchitaza kuchilohola, Kilisito, saa viivikile, kadanganika kwambuli yetu cheye chili na ubananzi.

Sambi chitogoligwa na Mulungu kwa damu ya Kilisito, ukweli uiyeka kua kochilohola muuludoko lwa Mulungu!

Kuleka kutegeleza kwa munhu imwe wanhu wengi waoneka na malozo, ivija kutegeleza kwa munhu imwe kuwatenda wanhu wengi watogoligwe na Mulungu.

Sio gago tu, mbali chodeng'helela ivija na Mulungu kwanzila ya Mndewa wetu Yesu Kilisito ija yachilumbile na Mulungu.