I Versetti Biblici più popolari da Walumi 8

Condividi

Chivimanya kua, mzimbuli zose, Mulungu kosang'hana sang'hano na kutenda goya hamwe na waja wose weli na wende na Mulungu, manake ni waja yawakemile kwambuli zake.

Baho, nivimanya kua habule chinhu chochose chidaha kuchigola na wende wake, si ifa hebu ugima, hata watumigwa wa kwa Mulungu hebu weli na udaho, hata golawila sambi hebu gonda kulawila hamwande, hebu weli na udaho, hebu isi ya uchanha, hebu wa hasi. Habule chilumbe chochose chidaha kuchigola na wende wa Mulungu uli na Kilisito Yesu Mndewa wetu.

Cheye chili na uzidilwa mbali Muhe wa Mulumgu kochitaza kwakukosa ludabwa kumwetu, manake hachidaha vichilondeka kupula, mbali Muhe mwenyego kochipulila kwa Mulungu kwa giogio vija haidahika kuilonga.

Kwaivo, chilonge choni mzimbuli zino? Ihawa Mulungu kaubanzi wetu, yelihi kodaha kua chimbidu na cheye?

Kwaivo sambi Mulungu hawenukila waja wailumbile na Kilisito Yesu.

Wanhu wolongozigwa na vuugesa lukuli wogala ifa, mbali viyagesa Muhe wa Mulungu ni kugala ugima na utindiwala.

Mbali mzimbuli zino zose, chihuma uhumi mkulu kwautazi wake Kilisito yaching'ile wende.

Noona kua madununzo gano ga sambi si chinhu mbee, kama nihagalinga na ukulu uja Mulungu yokwiza kuching'ha baho kumwande.

Yelihi kodaha kuchibagula na wende wa Kilisito? Ivo, kugaya hebu udala hebu madununzo hebu nzala ng'hulu hebu chikumbi muyega, hebu bung'hukila hebu kuitoa?

Nayo Mulungu yolola mbaka mgati ya miyoyo ya wanhu, kovimanya viyatonga iyo Muhe, manake iyo Muhe kowapulila wanhu wa Mulungu kuwinza vija Mulungu viyalonda.

Wose wolongozigwa na Muhe wa Mulungu wao iyo wana wa Mulungu.

Manake waja wokala kwa kuwinza lukuli vuulonda, wolongozigwa na vuutonga lukuli. Mbali waja wokala kwakuwinza Muhe wa Mulungu viyalonda, wotonga vija Muhe wa Mulungu viyolonda.

Mulungu hamkimile Mwanage yaiyeka, mbali kamlava kwambuli yetu cheye wose. Ihawa katenda ivo, ivo, haching'ha ivija ganogile gose?

Nayo Muhe mwenyego kochilongela mmuhe mmwetu kua kweli cheye cha wana wa Mulungu. Ivo, kwavija cheye cha wana wa Mulungu, baho chobokela ganogile gose golawa kwa Mulungu gaja gayawekile wanhu wake, na chobokela gago hamwe na Kilisito, enaa, chihadununzigwa hamwe na Kilisito, chokwinuligwa hamwe nayo.

Kwavija vuugesa lukuli ni uhasanyi kwa Mulungu, manake haitegeleza ndagizi ya Mulungu, hebu haidaha kuitegeleza.

Kwavija vilumbe vose vokalizila ng'hani Mulungu yawalagusile wana wake.

Kwavija chivimanya kua mbaka vino sambi, vilumbe vose volila kwa usungu kama uja wa mwanachike kuibasula mwana.