I Versetti Biblici più popolari da Luka 9

Condividi

Nababoolela bosi ari Omundu yesi naba niyeenya okhuba omulondi wanje, yeekaanie omwene, yeetuushe omusalabakwe buli nyanga, yanondenjekhwo.

Okhuba owenya okhuhonia obulamubwe, alabukosia; ne oubukosia obulamubwe khulwanje, omwenoyo alabuhonia.

Nebutswa Yesu namusunjila mbu Omundu yesi ouba natiilile amakhono khumbako yetsing'ombe mana nakhupa amashemo inyuma, shiakwanile obwami bwaNyasaye tawe.

Shichila kamukaasila shiina omundu, naba niyeenyooleia eshialo eshilamba, ne obulamubwe nibukora kata okhumubukulwakhwo?

Shichila omundu yesi oufwimbilwa isie nende amakhuwa kanje omurwe, neniye owa Omwana wOmundu alamufwimbilwa omurwe olwa yeetsa muluyali lulwe omwene nende oluyali lwaSamwana, nende olwabamalaika abatakatifu.

Yesu namukalusia mbu Amabwe kali nende ameena kako, amanyonyi akokhwikulu nako kali nebitsu biako; ne Omwana wOmundu shialikhwo nende ewa akonia omurwekwe ta.

nabasunjila ari Omundu yesi owinjisia omwana omutuutu uno khulwa eliira lianje, yanzinjisia isie; ne ounzinjisia isie amwinjisia oyo owanduma; okhuba ouli omutuutu mwinywe mwesi, omwenoyo nomukhongo.