I Versetti Biblici più popolari da Dolabololo 16

Condividi

Sidoa'a ie 'ani ga'a mo-moini ra Ma JOU, la 'ani rancana gena-ge ḏuanga i'a 'i dadi.

Manusia manga 'akala re sinyingara 'i fikiri mangale manga rancana masiretene, mada'a Ma JOU ga'a 'O sitantukanga ananga 'aḏi tagi toma ngo'omo le'a.

Demo-demo ga'a 'i sisanangi ma tero sa'olo madu ma ngi'i, mami toma 'akala re sinyingara re sisanangi toma obo-obongo.

Ngowa'a 'aḏi madibanga toma 'akala re sinyingara ma dara, mada'a ma sa-sangoro, Ma JOU 'i sitantukanga.

Lebe rousu, ngowa'a ga'a 'akala ḇanyo reo sordado ga'a 'aḏi kuasa lamo'o, re ngowa-ngowa'a ga'a 'aḏi tahana manga dirilebe rousu reo sordado ga'a 'aḏi sita'aloko limau.

Momole ma ḏo-ḏogumu 'i cira, re 'akala re sinyingara gau'u ma ḏo-ḏogumu 'i eta'a.

Manusia manga 'ahu ma ngo'omo kama rapu ua mete'e manga wo-waro masiretene, mada'a Ma JOU 'o tai'i manga 'akala re sinyingara ma maksudu.

Ngowa-ngowa'a ga'a 'aḏi totoho do-doto'o, ananga gena-ge ḏuanga i'a 'aḏi sanga 'ori i'a ma la-la, re bara'utungu ngowa'a ga'a 'aḏi ngaku ra Ma JOU.

Lebe rousu ma hasili pa'i ceka'a ua rema loasa re banari, reo mahasili repe mada'a kama adili ua.

Rema ngo'omo ga'a ngowa'a 'aḏi ta'ajiri enanga gena-ge 'i boloto, mada'a ma ḏo-ḏogumu ngo'omo gena-ge 'i sigasa jau i'a toma sengene.

Ngowa-ngowa'a ga'a foriki 'aḏi sibaolo 'a'a kaco, re ngowa'a tukanga fitana, ananga 'aḏi sito-tola'a ḏagilomu sabi.