I Versetti Biblici più popolari da Luk 4

Condividi

Kere te yegl dugwa, Yagl Kade Murubuglomo we, na moglmara mogl narumiwa. I siragl pre yoba ka wakai di tenatnedi God na kere i pere edidre, goduglme yoba meglkwa i ka wakai di to dumiwa. Te, yoba kane paigwa i, ene i meda ede, yoba gumuglno kin yeigwa i, kanaiglmiwe di to. Te, yoba tau yubun kane kane teigo, atne meglkwa i, na ye i eglke edibo, wakai moraiglme didre, te God yoba ere inabuka egemo i, ama u kodumiwe di, na ka yegl di to! dumiwe di, Jisas yegl kere togwa.

Yegl dugo, Jisas di ikne ede, yegl dugwa, God kamo mina yoba ta yegl boglkwa, God, ene Yaglnen Kade moglkwa i, ye swara goglkon bodugl tedre, kagie kade tenatniwe di, yegl boglme dugwa.

Yegl dugo, Jisas di ikne edidre, yegl dugwa, God kamo mina yoba ta yegl boglkwa, Yoba bret keme idre, kor moglkrabiwe di, yegl boglme dugwa.

Ana Mudu Murubuglo ye Jisas moglmara si kau si togo, Jisas ye nigl Jordan omara kide kodidre, ede ikne ogwa. Ogo, Mudu Murubuglo ere mogl, ye auro i pi dumo wau yomara suna edugo

Satan yegl dugo, Jisas di ikne ede, yegl dugwa, God kamo bage ta ama yegl dugwa, God, ene Yaglnen Kade moglkwa i, ene ye eran kanagledi erekro! dumiwe dugwa.

Ana Satan ye yegl mere Jisas kina si kodidre, ye ege ta ikne unagledi Jisas kide kodo, ede ogwa.

Ana Jisas ka yegl di kodugo, Satan ye agre i pi dumo mitna kaima ibo ta edidre, king dumo uglo koglo koglo sugl meglkwa i, Jisas kanabedi tabre kaima yu magigl edugwa. Yu magigl ede tedre, yegl dugwa, Dumo uglo koglo koglo wakai kaima yogwa kanga i, na ogona mina yogo, yoba ira ta sugl moraiglmedi prika i, nana teiga. Yegl pre ene goglkon bodugl narsre, kagna kade natn, taragl kanga i, mudu ene tebo, ene kagn wanabiwe di, yegl dugwa. Yegl dugo, Jisas di ikne ede, yegl dugwa, God kamo mina yoba ta yegl boglkwa, God, ene Yaglnen Kade moglkwa i, ye swara goglkon bodugl tedre, kagie kade tenatniwe di, yegl boglme dugwa.

Ana Jisas yegl di kodugo, Satan ye auro i pi Jerusalem suna pidre, tawa teigwa yugu yomara tebe kaima ibo edidre, ye yegl di togwa, Ene God Wam kaima motn, ene puglo di, yage atne suo. I siragl pre God kamo yegl dugwa, God angeloma dedenan, ene sugln moraiglmiwa. Te, ene kagln kobuglo bogl dinatga pre ye angeloma ene ake i mitna edinaiglmiwe di, yegl beglkwa pame dugwa. Satan yegl dugo, Jisas di ikne ede, yegl dugwa, God kamo bage ta ama yegl dugwa, God, ene Yaglnen Kade moglkwa i, ene ye eran kanagledi erekro! dumiwe dugwa.