I Versetti Biblici più popolari da Rom 4

Condividi

God ka kaima ta Abraham di te paduglkwa i, Abraham kina suo gu dikre, kaima plau dinabedi prukwa. Yegl prukwa pre ye pre meduglkwa i, pi gigle dugo, ye God kaima erabukra we di, kagie kade togwa. Abraham prukwa i, God ka kaima ta di nare paduglkwa i, ye yobuglomo podo paugwa pre ye ka kaima erabuka keme pamiwe di, yegl pre meduglkwa.

Mabuno yegl pre God kamo mina okna ibo yegl beglkwa, God ye Abraham di te, Na ene gawanma mere kide moglsre, yugobuno pere pere moraiglmedi ere edinaluwe di, yegl dumiwe di, yegl beglkwa. Yugobuno pere pere we dugwa i, nono pre medunga yoba mudu pre dugwa. Yegl pre God gumuglo mina Abraham nono mudu kowano awano moglkwa. Te, Abraham ye God pre meduglme dumga i, ye God wakai kaima ta moglkwa pre meduglkwa pre dumga. God we dumga i, ye yoba geglkwa ere i kor edidre, taragl ta paikrukwa igne i, ye ka dumara mina taragl mudu plau dugwa. God yegl mere moglkwa pre dumga.

God ye Jisas gorabedi dedugwa i, nono tadaglmeno pre gorabedi dedugwa. Te, nono topono te kodugwa pre God gumuglo mina nono yoba du moraiglmedi ye Jisas ere i kor edugwa.

Ana God okna ibo ka ta Abraham di te, Ene gawanma kugl kuri mere yegl, mere kide moraiglmiwe dugwa. God ka yegl dugwa ba igne i, Abraham kidagl yei kodugwa pre taragl yegl ye moglmara plau dinabuka kuno erekrukwa. Yegl paikrukwa ba Abraham ere mogl, ka i kaima na moglmara plau dinabiwedi prisre, pre meduglkwa pre ye gawama kaima u mere kide pi moglsre, yugobuno pere pere God moraiglme dumere kuno yegl meglkwa.

Ana God ka kaima ta di te paduglkwa i, yoba ye lomo duglo boglsre keme inaiglkwa panan, God prukwa, yoba swara ta ikrabuka. Yegl pre ye ere mogl, yoba ta ye pre medraiglkwa i, inaiglme dugwa. Ye yegl dugwa i, ye yoba yoko kaima ere wakai ere tenan, Abraham gawama mudu ye ka kaima ta di te paduglkwa i, inaiglkwa pre dugwa. Juda yoba ye God lomo pre kan erimara i pre inaiglkwa pre dikrukwa ba yoba mudu Abraham pre meduglmere yegl ta pre medraiglkwa i, inaiglkwa pre dugwa. I siragl pre nono pre medunga yoba i, Juda yoba mo yugobuno pere ta munga ba Abraham nono mudu kowano awano mere yegl moglkwa.

Yoba ta God lomo si biglke dinabuka ba God ye erukwa i gugl ede tenan, gun podo yenabuka. Ye tadaglme erukwa i si bi di togwa i pre gun podo yenabuka. Yagl Kade ye yoba i tadaglmemo i aimadi pre moglkrabuka i pre ye gun podo yenabiwe di, Devit okna ibo yegl boglkwa.

God kamo okna ibo beglkwa i yegl dugwa, Abraham ye God kamo pre meduglkwa pre God ye Abraham pre meduglkwa i kandre, yagl du moglmedi kanumiwe di, God kamo yegl dugwa.