I Versetti Biblici più popolari da Rom 7

Condividi

Aya! Na yagl kide kaima ta moglka. Na nomana mina God lomo mina atne mogl, dugl boragledi prika ba na dena muduna goglo paugwa i, tadaglme mabuno mina atne moglkwa pre tadaglme keme eratnedi prukwa. Na erme ogona nagna gogl, burabuka i mina atne kane pai, tadaglme ere moglka. Ira na ere inabe? Na God di wakai yei teiga i, nono Yaglno Kade Jisas Krais kogon erumara i mina na ere i kodugwa pre di wakai yei teiga.

I siragl pre na pre kan erika i, na dena muduna goglo paugwa i mina taragl wakai swara kaima ta paikrukwa. Na mabuno wakai keme eragledi prika ba na yobuglna ta paikrukwa pre na ta erekrika.

Na di kodiga, na mabuno wakai eragledi prika i erekre, mabuno kide na ta erekragledi prika i, na erika.

Ba na kaniga, nana mabuno tau erakiurika i erika pre na nana erekrika ba tadaglme na dena muduna mitna atne paugwa i erukwa.

Ana na mabuno yegl mere paugo, kaniga, na mabuno wakai eragledi prika ba mabuno kide ama magigl mogl, na yobuglo ere narukwa mere yegl pamedi kaniga. I siragl pre na nomana mina God lomo wakai kaima yomedi prika.

Na mabuno kide erekragledi prika pre na God lomo wakai yomedi prika i, nogugl paugwa.