I Versetti Biblici più popolari da Juan 14

Condividi

“Atamsekis ihi. Otamsek tä in'oyej häp tä ow'en amhohen wet on'äy amejen, tek häte iwoye tä honhat leles hiw'enpej lhamhomche. Yej lhak'alwethä, wet yej nowayay.

Jesús nichulho wet yok: –Olham ohäpe n'äyij, ohäpe m'ak tä matche, ohäpe n'ow'atshancheyaj. Ihichet'a n'äyij elh chik ichätyene wichi häp Ojcha, tajlhamat olham.

Wet Jesús tahuyej lechufwenkay wet yok: –Yej lhak'alwethä, mat chayaye Dios wet chayay n'oye.

Mat chik paj Ojcha ichenla amehen Hach'otfwa tä häpe Espíritu tä T'amajchet tä olham olhämetej, yämthilek ichufwen amejen nilhokej m'ayhay wet aitichunyenhichela nilhokej m'ak tä pajche ofwel amhohen.

“Elh tä tachumlä olhämtes wet iwoye, häp täja elh tä ihuminn'o. Wet elh tä ihuminn'o Ojcha ihumnhila, wet häte olham ohumnhila wet olhain'älthiyeja.”

Wet olham ot'alhiyela Ojcha wet ichenla amehen elh Hach'otfwa, häpkhilek i'amejen yämthilek tiyäj'attsiy. Lham häpe t'at Espíritu tä hin'älit m'ak tä matche. Häp honhat leles ihanhiyejt'a chik tachumlä, tsi lhamel hiw'enhit'a wet äp tek nitäfwelej. Mat amel letäfwelayej t'at, tsi lham i'amejen wet ihla amhiche.

Wet m'ak at chik häpe chik let'alhaych'oye häp tä isej olhey, owohiyela, häpkhilek n'äl n'oyej Ojcha lewujyaj. Oyachajo tä oyok, owohiyela m'ak at chik häpe chik let'alhayej n'oye häp tä isej olhey.

“Chik amel lehuminayn'o, lewohiyela olhämtes.

Wujpe n'ow'etes tä ihi Ojcha lew'et. Chik nimälhhiyejtso, ohanhiyejt'a chik ofwel amhohen wet oyok, oyik wet owaklhathihena amel haw'etes.

Wet chik oyik tä owaklhathen haw'etes, otpinlat amehen wet oaichäjla, häpkhilek lheyay at n'oyej chik oihi lhip tä oihihila.

Tomás yok: –Iwuk, olhamel ohanhiyejt'a ihi lhip tä lehoye. ¿Chip iwoyek ontäfwelej n'äyij tä tataye?