I Versetti Biblici più popolari da SAN MATEO 3

Condividi

Tso'o lacua, culu'u ma̱ ji'i̱ ya si chañi cha' cua ngulochu̱' ma̱ ji'i̱ cha' cuxi nu ntsu'u ji'i̱ ma̱.

Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

Lo'o cua ngua cha' bi', ndu'u Jesús lo hitya, li' cua ndyaala tyucui̱i̱ nde cua̱. Lo'o li' na'a̱ Jesús cha' ngua'ya Xtyi'i ycui' Ndyosi lo; ñi'ya̱ nda'ya sca tyupe' lo yuu, jua'a̱ ngua'ya Xtyi'i ycui' Ni lo Jesús.

Lo'o na' ni, ntyucuatya na' ji'i̱ ma̱ lo'o hitya, si chañi cha' cua ngua tyuju'u ti' ma̱ ji'i̱ qui'ya nu ntsu'u ji'i̱ ma̱; pana cua ca̱a̱ ti sca ñati̱ nu tso'o la que na'. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na', masi caña nu ntsu'u quiya' ñati̱ bi' culo na'. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti; pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu' nu lo'o tyucuatya yu ji'i̱ ngu', lo'o li' subii Ni ji'i̱ ngu' lo'o xee ji'i̱ Ni cha' caca lubii ne' cresiya ji'i̱ ngu'.

Ñi'ya̱ ndu̱ sca ñati̱ lo'o hacha ji'i̱ cha' clyaja lo yaca si'yu ji'i̱ yu, jua'a̱ nti' ycui' Ndyosi; si'yu yu bi' ji'i̱ lcaa yaca nu ná nda si'yu tso'o cha' tyaqui̱ lo quii', lo'o jua'a̱ xcube' Ni ji'i̱ ñati̱ nu ná ntaja'a̱ xtyanu qui'ya nu ntsu'u ji'i̱ ngu'.

Lo'o nu Juan ni, laca yu la cui' ñati̱ nu nchcui' jyo'o cusu' Isaías ji'i̱ sa'ni, cha' jyo'o cusu' bi' ngua tu'ba ji'i̱ ycui' Ndyosi. Ndi'ya̱ nscua lo quityi bi': Cui̱i̱ xi'ya sca ñati̱ ne' quixi̱': “Xaala clya ma̱ sca tyucui̱i̱ su ca̱a̱ ycui' nu Xu'na na; xquiñi tso'o ma̱ tyucui̱i̱ su tyeje tacui ycui'”, ñacui̱ ñati̱ bi'. Jua'a̱ nguscua jyo'o cusu' cuentya ji'i̱ ñati̱ bi', lo'o Juan laca ñati̱ bi'.