I Versetti Biblici più popolari da Salmos 5

Condividi

Vaa maa ni, vi Iya Tátnuni, kua'a ni ja vii ja va'a ja jin ni'i ñayii ka sa'a ja va'a ja ndaa ma, vaa sukan kúnda'vi ini ni i ma, te kasi ndee kasi ndoso ni ja ni‑in ja u'vi ma kenda nuu ka iyo i ma, vi Su'si.

Iya Tátnuni, ndaka xtnee ne'e ma koniniso'o ni ja ká'an sa nuu ni a, vi Su'si. Te ndaka xtnee ne'e ma jinkuiñi jiti sa nuu ni, te ka'an sa nawa jiniñu'u sa ma, te kondetu sa ja ndakone'e ni ja ká'an káchi sa nuu ni ma, vi Su'si.

Kovaa jín koo sii ini xeen ndaka ñayii ka kukanu ini ña'a ja maa ni ko koto i ma, te ndimaa jín kata sii ini xen‑xeen i, vaa maa ni jito va'a i ma. Ndaka ñayii ka kutoo ña'a i maa ni ma, na jin koo sii ini xen‑xeen i, vaa iyo ni ji'in i ma.

Iya Tátnuni, skaka ña'a ni ichi va'a ma, te kaxtnu'u ni nuu sa ja na sa'a sa ja va'a ja ndaa ma, sukan‑va'a ñayii ñatuu ka kunimani nuu sa ma, máko jin kundee i ja jin xnda'vi ña'a i, vi Su'si.

Su'si maa sa, koniniso'o ñukuun ni ja jikan‑ta'vi jikan‑ta'vi sa nuu ni a, vaa nuu maa ni ndáka'an ndákachi sa sukan ndó'o néni sa a, vaa maa ni kúu rey sa.