SAMUNG 1
1
1Khájani Thiopil:
Jisu bini samung chengmani simi chuknoha-o tisaui tlangjak ya sak bo aswk samung khlai langmarok bai aswk phrwng langmarokno ang ani swkangni bijabo swi bai kha. 2Bo chuknoha-o tisaui tlangjak ya sini bo chonghor hwnwi chongmarokno Phola Kwtharni phan bai phrwngwi klang kha.#Luk 1.1-4. 3Bórok bwkha dudru mudru wngwi man ya tẃi khe thwimani ulo nokha sal brwichi jora bo sakno kwthang hwnwi kwbángmano phunuk lang kha; bo bórok bai nukjak lang kha, hakhe bórok bai Kaitorni hani kók sa lai lang kha. 4Bo bórok bai malai phuru hai hwnwi dagi kha, “Norok Jerusalemni ta kutul di, tamo khe Apha rwna hwnwi kók rwmano naisingwi tong di, a kókno ang norokno sa kha bla.#Luk 24.49. 5Johon twi bai se baptisma rw-o, norok khe nokha salnwi salthamni ulo Phola Kwthar bai se baptisma rwjak anw.”#Mat 3.11; Mar 1.8; Luk 3.16; Joh 1.33.
Jisu chuknoha-o tisaui tlangjakmani
6Jisu bai malai phuru chonghorrok bono hai hwnwi sẃng kha, “Subrai, tabuk da nwng Israilrokni yago ha kiphilwi rwnai?”
7Jisu bórokno hai hwnwi sa kha, “Bu phuru tamo wngno wng ya abo ani Aphani yago simi se, hakhe abo norok saui mannani kók ya. 8Phiya ba Phola Kwthar norokno kobol phai phuru norok phan man anw, hakhe Jerusalem, Judia bai Samaria gwnangwi, phiya haktor páithak jora norok ani bagwi kók sa anw.”#Mat 28.19; Mar 16.15; Luk 24.47-48. 9O kók sa bai kheno bórokni mokol bwskango bo chuknoha-o tisaui tlangjak kha, hakhe chumui dolasa bono kotonwi rw phaima bai bórok bono nuk li ya.#Mar 16.19; Luk 24.50-51.
10Bórok Jisu thángmano lok lok khe nokhasa bwkhak naisa lai se tong kho, aphuru achomsa rí kuphur kanjak borok khoroknwi bórokni aro bacha phai kha. 11Bórok hai hwnwi sa kha, “O Galilisong, norok thóng-thóng khe nokhasa bwkhak tamo wngwi naisa laiwi tong? Norokni aroni chuknoha-o tisaui tlangjaknai o Jisu kiphilwi phai anw, bo chuknoha-o thángmano norok nukma hai khe’-no bo kiphilwi phai anw.”
Judasni yagulo Mathiano chongmani
12Aphuru chonghorrok Tháistwi Hatháini Jerusalemo kiphilwi tháng lai kha, abo taun bai mail khaksa wng anw. 13Bórok Jerusalemo habwi tongma khotolo kasaui tháng lai kha. Bórok wng kha: Pitor, Johon, Jakob, Andria, Philip tei Thoma, Bartholomai tei Mathai, Alphaini bwsla Jakob, Kanansa Simon tei Jakobni bwsla Juda.#Mat 10.2-4; Mar 3.16-19; Luk 6.14-16. 14Bórok bwrwirok bai, Jisuni buma Mariam tei bini takhukrok bai thupsa khe suri sanna hwnwi kuthum kuthum lai-o.
15Nokha salnwi salthamni ulo poito khlainairok kuthum lai kha, bórok bebagwi khorok sara nwichi wng anw. Aphuru Pitor bachaui hai hwnwi sa kha, 16“Ani takhukrok, Jisuno romnairokno lama phunugui tubunai Judasni kók elembago Daudni khúk tẃi Phola Kwthar sa rwmani abo nang phai thai ba ma nang kha. 17Judas chini bisingni borok se, chwng bai baksa samung khlaina hwnwi bo’-bo chongjakmani. 18(A samung hamya khlaiwi Judas rang manmani abo bai bo chara dolasa pai kha, bo aro’-no klaiwi thwi kha; bini bohok pekhagwi bubuksarok ongkhorwi phai kha. 19Jerusalemo tongnai bebak bororok abono khna kha, hakhe bórokni kók bai a charano Akeldama hwno, abo Thẃini Chara hwnmani se.)#Mat 27.3-8.
20Tamni hwn ba Lobmungo hai hwnwi swijak tongo,
‘Bini nok bukcha wng thung;
khoroksa phano aro ta tong thung.’
Omo haibo swijak tongo,
‘Bini samungno khoroksa swk khlai thung.’#Lob 69.25; 109.8.
21-22Hakhe tabuk, Subrai Jisu thangwi bachamani abono sakki wngna bagwi chwng bai baksa khoroksa swk ma’-se ma tongnai. Johon baptisma rw phuruni simi Jisu chini aroni chuknoha-o tisaui tlangjakma jora Subrai Jisu chwng bai phai-o thángo wngwi tong phuru o borok chini bisingo tongjak wngna nangnai.”#Mat 3.16; Mar 1.9; 16.19; Luk 3.21; 24.51.
23Hakhe bórok khoroknwino bacha rw kha, khoroksa khe Josep, bono Barsaba hwno (bono Justobo hwno), tei khoroksa khe Mathai. 24-25Aphuru bórok hai hwnwi suri san kha, “Subrai, nwng joto borokni bwkhano saui mano. Hakhe Judas bini tongthai-o thángma yagulo chonghor wngwi samung khlaina bagwi o khoroknwini bere nwng sabono chong, o Subrai abono chwngno phunugui rw di.” 26Hakhe bórok a bumung kwnwino pat ka rwui nai lai kha. Mathiani bumung kasa kha, hakhe a chonghor chisarokni bisingo bo sitokjak kha.
Attualmente Selezionati:
SAMUNG 1: KOKBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
SAMUNG 1
1
1Khájani Thiopil:
Jisu bini samung chengmani simi chuknoha-o tisaui tlangjak ya sak bo aswk samung khlai langmarok bai aswk phrwng langmarokno ang ani swkangni bijabo swi bai kha. 2Bo chuknoha-o tisaui tlangjak ya sini bo chonghor hwnwi chongmarokno Phola Kwtharni phan bai phrwngwi klang kha.#Luk 1.1-4. 3Bórok bwkha dudru mudru wngwi man ya tẃi khe thwimani ulo nokha sal brwichi jora bo sakno kwthang hwnwi kwbángmano phunuk lang kha; bo bórok bai nukjak lang kha, hakhe bórok bai Kaitorni hani kók sa lai lang kha. 4Bo bórok bai malai phuru hai hwnwi dagi kha, “Norok Jerusalemni ta kutul di, tamo khe Apha rwna hwnwi kók rwmano naisingwi tong di, a kókno ang norokno sa kha bla.#Luk 24.49. 5Johon twi bai se baptisma rw-o, norok khe nokha salnwi salthamni ulo Phola Kwthar bai se baptisma rwjak anw.”#Mat 3.11; Mar 1.8; Luk 3.16; Joh 1.33.
Jisu chuknoha-o tisaui tlangjakmani
6Jisu bai malai phuru chonghorrok bono hai hwnwi sẃng kha, “Subrai, tabuk da nwng Israilrokni yago ha kiphilwi rwnai?”
7Jisu bórokno hai hwnwi sa kha, “Bu phuru tamo wngno wng ya abo ani Aphani yago simi se, hakhe abo norok saui mannani kók ya. 8Phiya ba Phola Kwthar norokno kobol phai phuru norok phan man anw, hakhe Jerusalem, Judia bai Samaria gwnangwi, phiya haktor páithak jora norok ani bagwi kók sa anw.”#Mat 28.19; Mar 16.15; Luk 24.47-48. 9O kók sa bai kheno bórokni mokol bwskango bo chuknoha-o tisaui tlangjak kha, hakhe chumui dolasa bono kotonwi rw phaima bai bórok bono nuk li ya.#Mar 16.19; Luk 24.50-51.
10Bórok Jisu thángmano lok lok khe nokhasa bwkhak naisa lai se tong kho, aphuru achomsa rí kuphur kanjak borok khoroknwi bórokni aro bacha phai kha. 11Bórok hai hwnwi sa kha, “O Galilisong, norok thóng-thóng khe nokhasa bwkhak tamo wngwi naisa laiwi tong? Norokni aroni chuknoha-o tisaui tlangjaknai o Jisu kiphilwi phai anw, bo chuknoha-o thángmano norok nukma hai khe’-no bo kiphilwi phai anw.”
Judasni yagulo Mathiano chongmani
12Aphuru chonghorrok Tháistwi Hatháini Jerusalemo kiphilwi tháng lai kha, abo taun bai mail khaksa wng anw. 13Bórok Jerusalemo habwi tongma khotolo kasaui tháng lai kha. Bórok wng kha: Pitor, Johon, Jakob, Andria, Philip tei Thoma, Bartholomai tei Mathai, Alphaini bwsla Jakob, Kanansa Simon tei Jakobni bwsla Juda.#Mat 10.2-4; Mar 3.16-19; Luk 6.14-16. 14Bórok bwrwirok bai, Jisuni buma Mariam tei bini takhukrok bai thupsa khe suri sanna hwnwi kuthum kuthum lai-o.
15Nokha salnwi salthamni ulo poito khlainairok kuthum lai kha, bórok bebagwi khorok sara nwichi wng anw. Aphuru Pitor bachaui hai hwnwi sa kha, 16“Ani takhukrok, Jisuno romnairokno lama phunugui tubunai Judasni kók elembago Daudni khúk tẃi Phola Kwthar sa rwmani abo nang phai thai ba ma nang kha. 17Judas chini bisingni borok se, chwng bai baksa samung khlaina hwnwi bo’-bo chongjakmani. 18(A samung hamya khlaiwi Judas rang manmani abo bai bo chara dolasa pai kha, bo aro’-no klaiwi thwi kha; bini bohok pekhagwi bubuksarok ongkhorwi phai kha. 19Jerusalemo tongnai bebak bororok abono khna kha, hakhe bórokni kók bai a charano Akeldama hwno, abo Thẃini Chara hwnmani se.)#Mat 27.3-8.
20Tamni hwn ba Lobmungo hai hwnwi swijak tongo,
‘Bini nok bukcha wng thung;
khoroksa phano aro ta tong thung.’
Omo haibo swijak tongo,
‘Bini samungno khoroksa swk khlai thung.’#Lob 69.25; 109.8.
21-22Hakhe tabuk, Subrai Jisu thangwi bachamani abono sakki wngna bagwi chwng bai baksa khoroksa swk ma’-se ma tongnai. Johon baptisma rw phuruni simi Jisu chini aroni chuknoha-o tisaui tlangjakma jora Subrai Jisu chwng bai phai-o thángo wngwi tong phuru o borok chini bisingo tongjak wngna nangnai.”#Mat 3.16; Mar 1.9; 16.19; Luk 3.21; 24.51.
23Hakhe bórok khoroknwino bacha rw kha, khoroksa khe Josep, bono Barsaba hwno (bono Justobo hwno), tei khoroksa khe Mathai. 24-25Aphuru bórok hai hwnwi suri san kha, “Subrai, nwng joto borokni bwkhano saui mano. Hakhe Judas bini tongthai-o thángma yagulo chonghor wngwi samung khlaina bagwi o khoroknwini bere nwng sabono chong, o Subrai abono chwngno phunugui rw di.” 26Hakhe bórok a bumung kwnwino pat ka rwui nai lai kha. Mathiani bumung kasa kha, hakhe a chonghor chisarokni bisingo bo sitokjak kha.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.