YOANA 5
5
Mũndũ mũwau ndianĩ ya Vethesita
1Na ĩtina wa maũndũ asu kwaĩ mboka ya Ayuti; na Yesũ ambata Yelusaleme. 2Na Yelusaleme, vakuvĩ na mbingĩlo ya malondu, ve ndia, Kĩevelania yĩtawa Vethesita, yĩ na mavalasya atano. 3Na nthĩnĩ wamo yekalaa nguthu nene ya andũ awau, ililinda, na ala mathuaa, na ala au mamutha, makyeteela manzĩ makwaithangw’e. 4Nũndũ kyathĩ kyavika, mũlaĩka atheea ndianĩ ĩsu, na aikwaithangya manzĩ: na manzĩ makwaithangw’a o mũndũ ũla wambie ũvota ndianĩ aivow’a ũwau ũla wawaĩte. 5Na vaĩ mũndũ ũmwe vo, wawaĩte ĩvinda ya myaka mĩongo ĩtatũ na nyanya. 6Na Yesũ amwona amamĩte, nake nĩwesĩ kana ailyũ ũu ĩvinda ĩasa, amũkũlya, Nũkwenda ũvow’e? 7Na ũla mũwau amũsũngĩa, Mwĩaĩi, ndi mũndũ wa ũndikya ndianĩ yĩla manzĩ meũkwaithangw’a: ĩndĩ yĩla ngũtheea nyie, mũndũ ũngĩ eĩthwa anamba ũlika kwĩ nyie. 8#Mt 9.6.Yesũ amwĩa, Ũkĩla, nokyosa ũkomo waku ũthi. 9Na kavinda o kau, ũla mũndũ avow’a vyũ, na oosa ũkomo wake, na athi.
#
Yoa 9.14. Na mũthenya ũsu waĩ wa savato. 10#Yel 17.21; Lk 6.2.Na ĩndĩno Ayuti mamwĩa ũla ũvoiw’e, Mũnthĩ ũũ nĩ wa savato, na ndwosana na ĩla mĩao kũkua ũkomo waku. 11Nake amea, Ũsu wambosya, nĩwe wambĩa, Kua ũkomo waku, ũthi. 12#Lk 5.21.Na mamũkũlya, Mũndũ ũsu nũũ ũla wakwĩa, Kua ũkomo waku, ũthi? 13Na ũla wavoiw’e ndeesĩ ũla ũmũvoisye; nũndũ Yesũ nĩwevetie vau, nũndũ vaĩ nguthu nene. 14#Yoa 8.11.Na ĩtina Yesũ amũwĩla ĩkalũnĩ, na amwĩa, Sisya, nũnavoiw’e: ndũkeke naĩ ĩngĩ, ũndũ ũthũku kwĩ ũũ ndũkaũkwate. 15Na ũla mũndũ athi, na amea ala Ayuti kana nĩ Yesũ ũla ũnamũvoisye. 16Na kwondũ wa ũu Ayuti mamũthĩn’ya Yesũ, nũndũ nũneekie maũndũ asu mũthenya wa savato. 17#Yoa 9.4.Ĩndĩ Yesũ amasũngĩa, Kũvika na yu Asa wakwa nũtethasya wĩa, nakwa nĩngũtethya. 18#Yoa 7.30; 10.33.Kwondũ wa ũu Ayuti mathĩng’ĩĩsya kũmantha ũmũaa, nũndũ ndaananga savato w’oka, ĩndĩ eetie Ngai Ĩthe wake, ethĩwe eyĩanen’ye na Ngai.
Yesũ aionan’ya ũndũ ũmwĩkwatĩtye Ĩthe
19 #
Yoa 3.11,32. Nĩvo ĩndĩ Yesũ wamasũngĩie, amea, Nĩ w’o nĩ w’o, nĩngũmwĩa, Ũla Mwana ndatonya kwĩka ũndũ e we mwene, ate o ũla wonaa Ĩthe akĩka: nũndũ maũndũ o na meva ala wĩkaa we, nĩmo Mwana wĩkaa o ta ũu. 20#Yoa 3.35.Nũndũ Ĩthe nũmwendete ũ Mwana, na amwonasya maũndũ onthe ala wĩkaa: na akamwon’ya mawĩa manene kwĩ aa, nĩ kana mũseng’e. 21Nũndũ o ũndũ Ĩthe nũthayũũkasya akw’ũ akamanenga thayũ, no ta ũu Mwana nake nũmanengae thayũ o ala ũnũkwenda. 22#Nda 7.13,14; Meko 17.31.Nũndũ Ĩthe ndasilĩlaa mũndũ, ĩndĩ anengete Mwana ũsili w’onthe; 23#Avi 2.10,11; 1 Yoa 2.23; Lk 10.16.nĩ kana onthe mamũtaĩae Mwana, o ũndũ mamũtaĩaa Ĩthe. Ũla ũtamũtaĩaa ũla Mwana, ũsu ndataĩaa Ĩthe ũla wamũtũmie. 24#Yoa 3.16,18; 8.51; 1 Yoa 3.14.Nĩ w’o, nĩ w’o, nĩngũmwĩa, Ũla wĩw’aa ndeto yakwa, na ũmwĩtĩkĩlaa ũla wandũmie, e na thayũ ũtathela, na ndakalika ũsilĩlonĩ; ĩndĩ nũvĩtĩte kuma kĩkw’ũnĩ na kũlika thayũnĩ. 25#Mt 8.22; Aev 2.5,6.Nĩ w’o, nĩ w’o, nĩngũmwĩa, Saa nĩwũkĩte, o na yu nĩ mũviku, yĩla akw’ũ makew’a wasya wa Mwana wa Ngai; na ala mekwĩw’a makeethĩwa na thayũ. 26#Yoa 1.1–4.O ũndũ Ĩthe wĩ na thayũ nthĩnĩ wake mwene, nĩw’o ũnengete ũla Mwana ethĩwe na thayũ nthĩnĩ wake mwene: 27#Nda 7.10,14; Yoa 5.22.na amũnengete ũkũmũ wa ũsilĩla, nũndũ nĩwe Mwana wa mũndũ. 28Mũikaseng’e kwondũ wa ũu: nũndũ saa nĩwũkĩte, yĩla onthe ala me mbũanĩ makew’a wasya wake, 29#Yoa 6.40; Nda 12.2; Mt 16.27.namo makauma; ala meekie moseo, kwa ũthayũũkyo wa thayũ; na ala meekie mothũku, kwa ũthayũũkyo wa ũsilĩlo.
Ũkũsĩ ũla ũkũsĩĩĩte Yesũ
30 #
Yoa 5.19; 6.38. Nyie nĩ nyioka nditonya kwĩka ũndũ: ũndũ ũla nĩw’aa, nĩw’o ngũsila: na kũtw’a kwakwa nĩ kwa katĩ; nũndũ ndimanthaa kwenda kwakwa, no kwenda kwa ũla wandũmie. 31#Yoa 8.14.Ethĩwa nĩngwĩkũsĩĩa mwene, ũkũsĩ wakwa ti wa w’o. 32#Yoa 5.36,37; 1 Yoa 5.9.Nĩ ũngĩ ũla ũngũsĩĩaa; na nĩnĩsĩ kana ũkũsĩ ũla ũngũsĩĩaa nĩ wa w’o. 33#Yoa 1.19–34.Nĩmwatũmanie kwa Yoana, nake akũsĩĩa ũla w’o. 34Ĩndĩ ũkũsĩ ũla nosaa ti kuma kwa mũndũ: ĩndĩ nĩngũneena maũndũ aa, nĩ kana mũtangĩĩwe. 35#Lk 1.17.Nĩwe waĩ taa mwakanu ũla wakenaa; na inyw’ĩ mweetĩkĩla kũtanĩa nthĩnĩ wa kyeni kyake kavinda kanini. 36#1 Yoa 5.9; Yoa 1.33; 3.2.Ĩndĩ ũkũsĩ ũla nĩ naw’o nĩ mũnene kũvĩta ũla wa Yoana; nũndũ mawĩa ala Asa ũnengete nimamine, mawĩa o asu ala ngwĩka, nĩmo mangũsĩĩaa, kana Asa nũndũmĩte. 37#Mt 3.17; Kũt 4.12.Na Asa ũla wandũmie, nĩwangũsĩĩe. Inyw’ĩ mũtyaawĩw’a wasya wake o na ĩndĩĩ kana kwona mũvw’ano wake. 38Na mũi na ndeto yake ĩtwĩe nthĩnĩ wenyu: nũndũ ũla ũtũmĩtwe nĩwe, mũtiũmwĩtĩkĩla. 39#Lk 24.27,44; 2 Tim 3.15–17; 1 Vet 1.11.Mwĩmantha maandĩkonĩ, nũndũ mwĩasya mwĩ na thayũ ũtathela nthĩnĩ wamo; na nĩmo mangũsĩĩaa; 40na mũtyĩtĩkĩla kũka vala nĩĩ, mũnengwe thayũ. 41Ndyosaa ndaĩa kwa andũ. 42Ĩndĩ nĩnĩmwĩsĩ inyw’ĩ kana mũi na wendo wa Ngai nthĩnĩ wenyu. 43#Mt 24.5.Nũkĩte syĩtwanĩ ya Asa, na mũĩũmbosa: ethĩwa ũngĩ akooka syĩtwanĩ yake mwene, mũkamwosa. 44#Yoa 12.43; Mt 23.5–7.Mũtonya kwĩtĩkĩla ata, inyw’ĩ ala mwosaniaa ndaĩa ene kwa ene, na ndaĩa ĩla yumaa kwa Ngai ũla ũmwe mũtiũmĩmantha? 45#Kũt 31.26.Mũikasye atĩ ngamũvinganĩsya kwa Asa: ve ũla ũmũvinganĩasya inyw’ĩ, nake nĩ Mose, ũla mwĩkwatasya. 46#Mwa 3.15; 49.10; Kũt 18.15.Nũndũ kethĩwa nĩmwamwĩtĩkĩlile Mose, mwĩthĩwa mũmbĩtĩkĩlĩte nyie; nũndũ nĩwaandĩkie ũvoo wakwa. 47#Yoa 7.19; Lk 16.31.Ĩndĩ ethĩwa mũtyĩtĩkĩla maandĩko make, mũkeetĩkĩla ndeto syakwa ata?
Attualmente Selezionati:
YOANA 5: Mbivlia
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956