Luk 11
11
1Ka pə re yi ma ɔ bɔ ramnɛ ka ɔdɛr ulɔm, ma ɔ poŋ-e, ukin ka aŋkarande ŋɔŋ ɔ pa ro ŋɔŋ, Mariki thəksa su tə kəramnɛ mɔ mə Yɔnȧŋ ɔ thəksa aŋkarande ŋɔŋ. 2kɔ pa ro ŋaŋ, Ma nə ramnɛ-e, pa nu, ƆKas kȧsu ɔwe yi ro riyana, ta ȧŋes a mu aŋ yi asəm. Ta rȧbȧy ra mu rə bek. Ta mȧselɔ ma mu mə yɔnɛ nɔru mɔ mȧ mə yɔnɛ ro riyana. 3Yer su thonɔŋ ɛdi ɛbeki su, 4ɔwa tera su maləs ma su kotȧy-e saŋ sɔ sə tera ŋaŋ bɛ aŋa yɔ su ɔləs. Te su wɔŋȧ rə tȧy ta məgbɔns, kɛrɛ wurɔ su ka mȧtȧy mələs.
5kɔ pa ro ŋaŋ, Kanɛ ka nu ɔwe ba uyathki, mɔ kɔ ro rɔŋɔŋ kəren datɔŋ, mɔ yif kɔ, Yathki, bɔ mi təbo təsas, 6kotȧy-e, uyathki kȧmi ɔ yi rə ȧbiyas, kɔ po der ro rɔmi, ɔwa i ba hɛ koko tə kəsɔŋ kɔ tə kədi. 7Ɔwa kɔnɔ ɔwe yi ka ȧŋseth rokor ɔ tə wosa kəpa, Te mi sɔmpa. A po kantha kadare, ɔwa aŋfɛth a mi aŋ yi rɛ yi minɛŋ ro fənt. I gbəli hɛ yokanɛ tə kəsɔŋ mu ti. 8I kanɛ nu, Hali ɔ selɔ hɛ yokanɛ tə kəsɔŋ kɔ pəkasifɛ ɔ yi ɔyathki kɔŋ-e, kɛrɛ salata kakithinɛ kɔŋ, ɔ tə yokanɛ tə kəsɔŋ amɔlɔ mɔ yema. 9Ɔwa i pa ro rɔnu, Yif, ɔwa a ba tə kəsɔŋ nu ti; thɛns, ɔwa nə tə fir; gbȧtgbȧt, ɔwa a tə kanthɛ nu. 10kotȧy-e wuni o wuni ɔwe mə yif, ɔ tə sɔthɔ; ɔwe mə thɛns ɔ tə fir; ɔwa ɔwe mə gbȧtgbȧt, a tə kanthɛ kɔ. 11Ukas ureke kətɔŋ ka nu-i, bepi ɔwan kɔŋ ɔ yif kɔ ta kəbo-e, ɔ tə sɔŋ kɔ asar-e? Thalɔm bepi ɔ yif ta kəlop-e, ɔwa kɔnɔ-e, ta kəlop, ɔ tə sɔŋ kɔ ȧbok-i? 12Thalɔm bepi ɔ yif ta rəmɛs-e, ɔ tə sɔŋ kɔ ukulis-i? 13Bepi naŋ, ma nə yi aləs-e, nə tȧrȧ tə kəsɔŋ ɛboya ɛfinɔ ka aŋwuth a nu-e, thamsinɛ ɔKas ka nu ɔwe yi ro riana-e, ɔ tə sɔŋ ɔYina məsəm ka ŋaŋ aŋa mə yif kɔ-i?
14Ɔwa, ɔ bɔ wurɔ ukərəfi ka kəbobo. Ka pə re yi ma ɔkərəfi ɔ wur-e, kabobo ɔ fɔf, ɔwa aŋfəm bɛ aŋ kabanɛ. 15Kɛrɛ afəm alɔm aŋ pa, Ɔ wurɔ akərəfi ka aŋfɔsɔ ŋa Biyɛlsibɔb, ɔbȧy ka aŋkərəfi. 16Ɔwa alɔm-e, maŋ yema mɛm kɔ-e, aŋ yif kɔ ta amisali kəwur ro riyana. 17Kɛrɛ kɔnɔ, ma ɔ tȧrȧ ɛnanɛ yaŋ-e, ɔ pa ro ŋaŋ, Rəbȧy o rəbȧy bepi məputhanɛ mə wɔŋ di-e, rə tə sakthɛ; bepi məputhanɛ mə wɔŋ rə aseth-e, ȧŋseth ŋati aŋ tə fumpɔ. 18Bepi Sethani sɔ ɔ timnɛ-e, to rȧbȧy rɔŋ mə rə gbəli təma-e? kotȧy-e nə pa i wurɔ akərəfi ka aŋfɔsɔ ŋa Biyɛlsibɔb. 19Ɔwa bepi i wurɔ akərəfi ka aŋfɔsɔ ŋa Biyɛlsibɔb-e, ka aŋfɔsɔ ŋa kanɛ aŋwuth a nu aruni mə aŋ wurɔ ŋa-e? Tiyȧŋ ŋaŋ gbeŋ aŋ tə gbəka nu ȧŋpa.
20Kɛrɛ bepi minɛ i wurɔ akərəfi yi aŋsəl ŋa Kuru-e, pə yi kəpa rȧbȧy ra Kuru rə po der ro rɔnu. 21Bepi wuni bȧk mədɛr ɔ wɔŋ ɛyɛt ɛtima-e, ɔ bumər ȧŋseth ŋɔŋ-e, ɛyɛt yɔŋ ɛ tə tiyȧ yi məthɔfəl; 22kɛrɛ bepi ulɔm ɔ der ɔwe ba afɔsɔ athasi kɔ-e, ɔ tham kɔ, ɔ tə nɔy kɔ ɛyɛt yɔŋ ɛtima bɛ ɛyɛ ɔ sɛlinɛ, ɔ tə yerəs ɛyɛt ɛluk yɔŋ. 23Kɔn ɔwe te yi ta ȧtȧ mi ɔ yi utheranɛ kȧmi; ɔwa kɔnɔ ɔwe te mar mi tə kəthonkla-e, ɔ sakthi. 24Bepi ukərəfi uləs ɔ po wur rə wuni-e, ɔ tə kɔth ro dɛr rə mȧnt mə te yi kȧmȧ ɔ thɛns kəfothanɛ; ma ɔ te fir ki-e, ɔ pa, I ti kȧlanɛ ka ȧŋseth a mi ro i wur-e, 25Ɔwa ma ɔ bek-e, ɔ bəp ŋi agbal yi ayesi. 26Ɔwa ɔ kɔnɛ, ɔ gbasi akərəfi tȧmthədɛrəŋ alɔm aləs athasi kɔ, kaŋ wɔŋ aŋ yirȧ ri; ka mayi mələpsɔ ma ɔlaŋgba kati mə yi mələs məthasi matɔtɔkɔ.
27Ma Yisɔsȧŋ ɔ fɔf mȧtȧy ame-e, wuni bom ulɔm ka ȧruniya ɔ ŋata ȧrim rɔŋ, ɔ pa ro ŋɔŋ, Kor ka aruba kaŋ ȧke kom mu, yi aŋmȧsȧ ȧme mə mȧsȧ-e. 28Kɛrɛ kɔnɔ ɔ pa, Ŋa tha ba aruba aŋa təl ȧrim ra Kuru-e ɔwa aŋ wop ri.
29Ma ȧsuniya tə gbanɛ ro ŋɔŋ-e, ɔ təp kəpa, Rakomra are rə yi rələs, rə thɛns amisali, kɛrɛ aŋ ba hɛ tə kəsɔthɔ amisali thambe ȧŋmisali ŋa Yona. 30kotȧy-e mɔ mə Yona ɔ səkɛ amisali ka aŋNinifɛ-e, yaŋ sɔ ɔWan ka wuni ɔ tə yi amisali ka rȧkomra are. 31Ɔbȧy ubɛra ka aŋdiɔ ɔ tə yokanɛ ka ȧŋlɔkɔ ŋa karɔk ɛpa yi aŋfəm ŋa rȧkomra are, ɔ tə sɔŋ ŋa mətheri, kotȧy-e kɔnɔ ɔ der kəwur ka ɔthalnɛ wa ȧdȧru tə kətəl kȧtemp ka Sɔlɔmɔn; ɔwa kəla, ubana uthasi Sɔlɔmɔn ɔ yi anɔ. 32Aŋfəm ŋa ro Ninibɛ aŋ tə təmȧ ka ȧŋlɔkɔ ŋa karɔk ɛpa yi rȧkomra are ɔwa aŋ tə sɔŋ di mətheri, kotȧy-e aŋ thupi ka ȧkɛra ka Yona; ɔwa kəla, ubana uthasi Yona ɔ yi anɔ.
33Wuni o wuni bepi ɔ moth amotha-e, ɔ bot hɛ ŋi dɛr ɔmaŋknɛ thalɔm rə ȧthunthȧ rata, kɛrɛ ɔ tə bot ŋi rȧ ɔtəmər, kȧmȧ ŋaŋ aŋa mə wɔŋ ri aŋ nənk kawalɛ. 34ȧŋmothȧ ŋa aŋdɛr a mu aŋ yi rafɔr ra mu. Tiyȧŋ bepi rafɔr ra mu rə yi rəfinɔ, aŋdɛr a mu bɛ aŋ la ɔwaŋ; kɛrɛ bepi rə yi rələs-e, aŋdɛr a mu aŋ la asum. 35Tiyȧŋ kəli bepi ȧŋmothȧ aŋa yi mu rokor aŋyi hɛ asum. 36Bepi aŋdɛr a mu aŋla ɔwaŋ-e mə ba hɛ asum hali, mə tə la ɔwaŋ bɛ, mɔ mə amotha aŋ gbɛntha aŋ sɔŋ mu ɔwaŋ.
37Ma ɔ bɔ fɔf-e, uFarisi ɔ muti kɔ tə kədi yi kɔnɔŋȧŋ, kɔ wɔŋ, ɔ yirȧ tə kədi. 38Ma ɔFaresi ɔ nənk ti, ɔ kabanɛ ta ma ɔ te mɔtha yanɛ. 39Ka ɔMarki ɔ pa ro ŋɔŋ, Naŋ naŋ aFaresi nə fethər ampɔthi yi ȧŋbɔl romuth, kɛrɛ rokor ka nu nə la kansoŋ yi mələs. 40Naŋ apənk, kɔnɔ ɔwe bɛmpa romuth ɔ bɛmpa hɛ sɔ rokor-i? 41Sɔŋ ta ɛboya ɛyɛt ɛyɛ yi rokor, ɔwa kəla, yɛt bɛ ɛ tə yi ɛgbəraŋ ro rɔnu. 42Mɔnɛ ro nu, nia aFaresi! kotȧy-e nə sɔŋ ɛyaka ya ɛnana yi ɛru yi ɛbuma o buma, kɛrɛ nə painɛ kagbək ɛpa ɔlompi yi mabɔthər ma Kuru. Mȧtȧy ame nə yi tə kəyɔ, ɔwa te nu tey tə kəyɔ malɔm sɔ. 43Mɔnɛ ro rɔnu, naŋ aFaresi! kotȧy-e, nə bɔthər tawaŋ tətɔtɔkɔ ka ɛseth ɛgbanɛ yi ɛkori ka ɔdɛr ɔthila. 44Mɔnɛ ro rɔnu naŋ akarmɔkɔ yi aFaresi, amunafaki! Ȧtesoma-e nə yi mɔ taboma təmaŋknɛ, ɔwa aŋfəm aŋa kɔth rokɔm kati aŋ tɛ hɛ ti.
45Ukin ka aŋtara ɛthɔ ɔ lasi ɔ pa, Karmɔkɔ, ma mə fɔf ȧte-e, mə sambos su sɔ. 46Ka Yisɔs ɔ pa, Naŋ aŋtȧrȧ aŋthɔ, mɔnɛ ro rɔnu sɔ! Ȧtesoma-e nə sɔŋ aŋfəm tothe təlel, kɛrɛ naŋ nə gboŋ hɛ atothe tati, hali rə ȧsəl a nu ŋin. 47Mɔnɛ ro rɔnu! kotȧy-e naŋ nə bɛmpa taboma ta aŋnabi, ɔwa aŋkas a nu aŋ dif ŋa. 48Tɛntɛnɛ nə seri kəpa nə selɔ ta mȧyɔs ma aŋkas a nu; pəkasifɛ ŋa po dif ŋa, ɔwa naŋ nə bɛmpa taboma taŋ. 49Tiyȧŋ kȧtemp ka Kuru kə pa, I ti somra ŋa anȧbi yi asom; aŋ tə dif alɔm, aŋ tə sɔmpa alɔm, 50kȧmȧ a kɔpra ka rȧkomra are mȧtir ma aŋnabi bɛ ama a loŋ kȧbi ka kabot ɔtəmər wa ȧdȧru, 51kətəp ka mȧtir ma Ebɛl haŋ ka mȧtir ma Sakaraya ɔwe a dif kətɔŋ ka ȧŋbɛsɛ yi ȧŋseth ŋa Kuru. Tɛntɛnɛ i kanɛ nu, a tə kɔpra ma ka rȧkomra are. 52Mɔnɛ ro rɔnu na aŋtȧrȧ aŋthɔ, ma nə po nɔy aŋsapɔ ŋa kətara tȧy! Nan nə wɔŋ hɛ, ɔwa nə bɛnt ŋaŋ aŋa yema wɔŋ.
53Ma Yisɔs ɔ wur-e, aŋkarmɔkɔ yi aŋFarisi aŋ gbɛtənɛ kɔ kȧmȧ ɔ fɔf ta mȧtȧy məgbathi; 54aŋ səth kɔ kȧmȧ aŋ gbəli wop ȧtȧ ɔ pa tə kəgbanthir kɔ.
Attualmente Selezionati:
Luk 11: TMNNT
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Themne New Testament © The Bible Society of Sierra Leone, 2009.
Luk 11
11
1Ka pə re yi ma ɔ bɔ ramnɛ ka ɔdɛr ulɔm, ma ɔ poŋ-e, ukin ka aŋkarande ŋɔŋ ɔ pa ro ŋɔŋ, Mariki thəksa su tə kəramnɛ mɔ mə Yɔnȧŋ ɔ thəksa aŋkarande ŋɔŋ. 2kɔ pa ro ŋaŋ, Ma nə ramnɛ-e, pa nu, ƆKas kȧsu ɔwe yi ro riyana, ta ȧŋes a mu aŋ yi asəm. Ta rȧbȧy ra mu rə bek. Ta mȧselɔ ma mu mə yɔnɛ nɔru mɔ mȧ mə yɔnɛ ro riyana. 3Yer su thonɔŋ ɛdi ɛbeki su, 4ɔwa tera su maləs ma su kotȧy-e saŋ sɔ sə tera ŋaŋ bɛ aŋa yɔ su ɔləs. Te su wɔŋȧ rə tȧy ta məgbɔns, kɛrɛ wurɔ su ka mȧtȧy mələs.
5kɔ pa ro ŋaŋ, Kanɛ ka nu ɔwe ba uyathki, mɔ kɔ ro rɔŋɔŋ kəren datɔŋ, mɔ yif kɔ, Yathki, bɔ mi təbo təsas, 6kotȧy-e, uyathki kȧmi ɔ yi rə ȧbiyas, kɔ po der ro rɔmi, ɔwa i ba hɛ koko tə kəsɔŋ kɔ tə kədi. 7Ɔwa kɔnɔ ɔwe yi ka ȧŋseth rokor ɔ tə wosa kəpa, Te mi sɔmpa. A po kantha kadare, ɔwa aŋfɛth a mi aŋ yi rɛ yi minɛŋ ro fənt. I gbəli hɛ yokanɛ tə kəsɔŋ mu ti. 8I kanɛ nu, Hali ɔ selɔ hɛ yokanɛ tə kəsɔŋ kɔ pəkasifɛ ɔ yi ɔyathki kɔŋ-e, kɛrɛ salata kakithinɛ kɔŋ, ɔ tə yokanɛ tə kəsɔŋ amɔlɔ mɔ yema. 9Ɔwa i pa ro rɔnu, Yif, ɔwa a ba tə kəsɔŋ nu ti; thɛns, ɔwa nə tə fir; gbȧtgbȧt, ɔwa a tə kanthɛ nu. 10kotȧy-e wuni o wuni ɔwe mə yif, ɔ tə sɔthɔ; ɔwe mə thɛns ɔ tə fir; ɔwa ɔwe mə gbȧtgbȧt, a tə kanthɛ kɔ. 11Ukas ureke kətɔŋ ka nu-i, bepi ɔwan kɔŋ ɔ yif kɔ ta kəbo-e, ɔ tə sɔŋ kɔ asar-e? Thalɔm bepi ɔ yif ta kəlop-e, ɔwa kɔnɔ-e, ta kəlop, ɔ tə sɔŋ kɔ ȧbok-i? 12Thalɔm bepi ɔ yif ta rəmɛs-e, ɔ tə sɔŋ kɔ ukulis-i? 13Bepi naŋ, ma nə yi aləs-e, nə tȧrȧ tə kəsɔŋ ɛboya ɛfinɔ ka aŋwuth a nu-e, thamsinɛ ɔKas ka nu ɔwe yi ro riana-e, ɔ tə sɔŋ ɔYina məsəm ka ŋaŋ aŋa mə yif kɔ-i?
14Ɔwa, ɔ bɔ wurɔ ukərəfi ka kəbobo. Ka pə re yi ma ɔkərəfi ɔ wur-e, kabobo ɔ fɔf, ɔwa aŋfəm bɛ aŋ kabanɛ. 15Kɛrɛ afəm alɔm aŋ pa, Ɔ wurɔ akərəfi ka aŋfɔsɔ ŋa Biyɛlsibɔb, ɔbȧy ka aŋkərəfi. 16Ɔwa alɔm-e, maŋ yema mɛm kɔ-e, aŋ yif kɔ ta amisali kəwur ro riyana. 17Kɛrɛ kɔnɔ, ma ɔ tȧrȧ ɛnanɛ yaŋ-e, ɔ pa ro ŋaŋ, Rəbȧy o rəbȧy bepi məputhanɛ mə wɔŋ di-e, rə tə sakthɛ; bepi məputhanɛ mə wɔŋ rə aseth-e, ȧŋseth ŋati aŋ tə fumpɔ. 18Bepi Sethani sɔ ɔ timnɛ-e, to rȧbȧy rɔŋ mə rə gbəli təma-e? kotȧy-e nə pa i wurɔ akərəfi ka aŋfɔsɔ ŋa Biyɛlsibɔb. 19Ɔwa bepi i wurɔ akərəfi ka aŋfɔsɔ ŋa Biyɛlsibɔb-e, ka aŋfɔsɔ ŋa kanɛ aŋwuth a nu aruni mə aŋ wurɔ ŋa-e? Tiyȧŋ ŋaŋ gbeŋ aŋ tə gbəka nu ȧŋpa.
20Kɛrɛ bepi minɛ i wurɔ akərəfi yi aŋsəl ŋa Kuru-e, pə yi kəpa rȧbȧy ra Kuru rə po der ro rɔnu. 21Bepi wuni bȧk mədɛr ɔ wɔŋ ɛyɛt ɛtima-e, ɔ bumər ȧŋseth ŋɔŋ-e, ɛyɛt yɔŋ ɛ tə tiyȧ yi məthɔfəl; 22kɛrɛ bepi ulɔm ɔ der ɔwe ba afɔsɔ athasi kɔ-e, ɔ tham kɔ, ɔ tə nɔy kɔ ɛyɛt yɔŋ ɛtima bɛ ɛyɛ ɔ sɛlinɛ, ɔ tə yerəs ɛyɛt ɛluk yɔŋ. 23Kɔn ɔwe te yi ta ȧtȧ mi ɔ yi utheranɛ kȧmi; ɔwa kɔnɔ ɔwe te mar mi tə kəthonkla-e, ɔ sakthi. 24Bepi ukərəfi uləs ɔ po wur rə wuni-e, ɔ tə kɔth ro dɛr rə mȧnt mə te yi kȧmȧ ɔ thɛns kəfothanɛ; ma ɔ te fir ki-e, ɔ pa, I ti kȧlanɛ ka ȧŋseth a mi ro i wur-e, 25Ɔwa ma ɔ bek-e, ɔ bəp ŋi agbal yi ayesi. 26Ɔwa ɔ kɔnɛ, ɔ gbasi akərəfi tȧmthədɛrəŋ alɔm aləs athasi kɔ, kaŋ wɔŋ aŋ yirȧ ri; ka mayi mələpsɔ ma ɔlaŋgba kati mə yi mələs məthasi matɔtɔkɔ.
27Ma Yisɔsȧŋ ɔ fɔf mȧtȧy ame-e, wuni bom ulɔm ka ȧruniya ɔ ŋata ȧrim rɔŋ, ɔ pa ro ŋɔŋ, Kor ka aruba kaŋ ȧke kom mu, yi aŋmȧsȧ ȧme mə mȧsȧ-e. 28Kɛrɛ kɔnɔ ɔ pa, Ŋa tha ba aruba aŋa təl ȧrim ra Kuru-e ɔwa aŋ wop ri.
29Ma ȧsuniya tə gbanɛ ro ŋɔŋ-e, ɔ təp kəpa, Rakomra are rə yi rələs, rə thɛns amisali, kɛrɛ aŋ ba hɛ tə kəsɔthɔ amisali thambe ȧŋmisali ŋa Yona. 30kotȧy-e mɔ mə Yona ɔ səkɛ amisali ka aŋNinifɛ-e, yaŋ sɔ ɔWan ka wuni ɔ tə yi amisali ka rȧkomra are. 31Ɔbȧy ubɛra ka aŋdiɔ ɔ tə yokanɛ ka ȧŋlɔkɔ ŋa karɔk ɛpa yi aŋfəm ŋa rȧkomra are, ɔ tə sɔŋ ŋa mətheri, kotȧy-e kɔnɔ ɔ der kəwur ka ɔthalnɛ wa ȧdȧru tə kətəl kȧtemp ka Sɔlɔmɔn; ɔwa kəla, ubana uthasi Sɔlɔmɔn ɔ yi anɔ. 32Aŋfəm ŋa ro Ninibɛ aŋ tə təmȧ ka ȧŋlɔkɔ ŋa karɔk ɛpa yi rȧkomra are ɔwa aŋ tə sɔŋ di mətheri, kotȧy-e aŋ thupi ka ȧkɛra ka Yona; ɔwa kəla, ubana uthasi Yona ɔ yi anɔ.
33Wuni o wuni bepi ɔ moth amotha-e, ɔ bot hɛ ŋi dɛr ɔmaŋknɛ thalɔm rə ȧthunthȧ rata, kɛrɛ ɔ tə bot ŋi rȧ ɔtəmər, kȧmȧ ŋaŋ aŋa mə wɔŋ ri aŋ nənk kawalɛ. 34ȧŋmothȧ ŋa aŋdɛr a mu aŋ yi rafɔr ra mu. Tiyȧŋ bepi rafɔr ra mu rə yi rəfinɔ, aŋdɛr a mu bɛ aŋ la ɔwaŋ; kɛrɛ bepi rə yi rələs-e, aŋdɛr a mu aŋ la asum. 35Tiyȧŋ kəli bepi ȧŋmothȧ aŋa yi mu rokor aŋyi hɛ asum. 36Bepi aŋdɛr a mu aŋla ɔwaŋ-e mə ba hɛ asum hali, mə tə la ɔwaŋ bɛ, mɔ mə amotha aŋ gbɛntha aŋ sɔŋ mu ɔwaŋ.
37Ma ɔ bɔ fɔf-e, uFarisi ɔ muti kɔ tə kədi yi kɔnɔŋȧŋ, kɔ wɔŋ, ɔ yirȧ tə kədi. 38Ma ɔFaresi ɔ nənk ti, ɔ kabanɛ ta ma ɔ te mɔtha yanɛ. 39Ka ɔMarki ɔ pa ro ŋɔŋ, Naŋ naŋ aFaresi nə fethər ampɔthi yi ȧŋbɔl romuth, kɛrɛ rokor ka nu nə la kansoŋ yi mələs. 40Naŋ apənk, kɔnɔ ɔwe bɛmpa romuth ɔ bɛmpa hɛ sɔ rokor-i? 41Sɔŋ ta ɛboya ɛyɛt ɛyɛ yi rokor, ɔwa kəla, yɛt bɛ ɛ tə yi ɛgbəraŋ ro rɔnu. 42Mɔnɛ ro nu, nia aFaresi! kotȧy-e nə sɔŋ ɛyaka ya ɛnana yi ɛru yi ɛbuma o buma, kɛrɛ nə painɛ kagbək ɛpa ɔlompi yi mabɔthər ma Kuru. Mȧtȧy ame nə yi tə kəyɔ, ɔwa te nu tey tə kəyɔ malɔm sɔ. 43Mɔnɛ ro rɔnu, naŋ aFaresi! kotȧy-e, nə bɔthər tawaŋ tətɔtɔkɔ ka ɛseth ɛgbanɛ yi ɛkori ka ɔdɛr ɔthila. 44Mɔnɛ ro rɔnu naŋ akarmɔkɔ yi aFaresi, amunafaki! Ȧtesoma-e nə yi mɔ taboma təmaŋknɛ, ɔwa aŋfəm aŋa kɔth rokɔm kati aŋ tɛ hɛ ti.
45Ukin ka aŋtara ɛthɔ ɔ lasi ɔ pa, Karmɔkɔ, ma mə fɔf ȧte-e, mə sambos su sɔ. 46Ka Yisɔs ɔ pa, Naŋ aŋtȧrȧ aŋthɔ, mɔnɛ ro rɔnu sɔ! Ȧtesoma-e nə sɔŋ aŋfəm tothe təlel, kɛrɛ naŋ nə gboŋ hɛ atothe tati, hali rə ȧsəl a nu ŋin. 47Mɔnɛ ro rɔnu! kotȧy-e naŋ nə bɛmpa taboma ta aŋnabi, ɔwa aŋkas a nu aŋ dif ŋa. 48Tɛntɛnɛ nə seri kəpa nə selɔ ta mȧyɔs ma aŋkas a nu; pəkasifɛ ŋa po dif ŋa, ɔwa naŋ nə bɛmpa taboma taŋ. 49Tiyȧŋ kȧtemp ka Kuru kə pa, I ti somra ŋa anȧbi yi asom; aŋ tə dif alɔm, aŋ tə sɔmpa alɔm, 50kȧmȧ a kɔpra ka rȧkomra are mȧtir ma aŋnabi bɛ ama a loŋ kȧbi ka kabot ɔtəmər wa ȧdȧru, 51kətəp ka mȧtir ma Ebɛl haŋ ka mȧtir ma Sakaraya ɔwe a dif kətɔŋ ka ȧŋbɛsɛ yi ȧŋseth ŋa Kuru. Tɛntɛnɛ i kanɛ nu, a tə kɔpra ma ka rȧkomra are. 52Mɔnɛ ro rɔnu na aŋtȧrȧ aŋthɔ, ma nə po nɔy aŋsapɔ ŋa kətara tȧy! Nan nə wɔŋ hɛ, ɔwa nə bɛnt ŋaŋ aŋa yema wɔŋ.
53Ma Yisɔs ɔ wur-e, aŋkarmɔkɔ yi aŋFarisi aŋ gbɛtənɛ kɔ kȧmȧ ɔ fɔf ta mȧtȧy məgbathi; 54aŋ səth kɔ kȧmȧ aŋ gbəli wop ȧtȧ ɔ pa tə kəgbanthir kɔ.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Themne New Testament © The Bible Society of Sierra Leone, 2009.