Luk 14
14
1Ka pə re yi ka asabath alɔm ma ɔ wɔŋ ka ȧŋseth ŋa ukin ka aŋkərbomp ka aŋFarisi tə kədi-e, aŋ pɛmplɛ kɔ. 2Ɔwa kəla, wuni lɔm ɔ yi rodi kɔŋ ɔwe ba ayefu. 3Ka Yisɔs ɔ yif aŋtara aŋthɔ yi aŋFarisi, Pə yi ɔlompi tə kəyeŋkəs wuni ka ȧŋsabath-i? 4Kɛrɛ aŋ taŋk thəm. Kɔ gbasi kɔ, ɔ yenkəs kɔ, ɔ ter kɔ ɔ kɔnɛ. 5kɔ pa ro ŋaŋ, Wuni reke ka nu bepi ɔ ba asofali thalɔm una ɔ fumpɔ rə kələmp-e, mɔ te wurɔ kɔ ɔlɛmp wati ka asabath-i? 6Ɔwa aŋ gbəli hɛ sɔ gbaki ka mȧtȧy ame.
7Ɔwa ma ɔ nənk kəpa aŋa a po muti aŋ thithəs tawaŋ tətɔtɔkɔ-e, ɔ fɔfȧnɛ ŋa rə alomɔ, kɔ pa, 8Bepi wuni ɔ muti mu tə kəkɔ rə met ma kənantə, te yirȧ ka kawaŋ kətɔtɔkɔ, pəkasifɛ sɔthlɔm ɔwe muti mu ɔ po muti wuni lɔm ɔwe thas mu, 9ɔwa kɔn ɔwe muti na ŋarəŋȧŋ ɔ tə re pa ro mu, Sɔŋ ɔwuni ɔwe dɛr. Ɔwa munɔ mə tə təp rə məlap kəgbasi ɔdɛr ɔləpsɔ. 10Kɛrɛ ma a muti mu-e, kɔ yirȧ ka ɔdɛr ɔləpsɔ, kȧmȧ ma kɔn ɔwe po muti mu ɔ der-e, ɔ tə pa ro mu, Yathki, sək rodi; ɔwa mə tə sɔthɔ yiki ka kabəpər ka ŋa bɛ aŋa yirȧ tə kədi yi munɔŋ. 11kotȧy-e, wuni o wuni ɔwe mə ŋatanɛ a tə thora kɔ, ɔwa kɔnɔ ɔwe mə thoranɛ a tə ŋata kɔ. 12kɔ pa sɔ ka kɔn ɔwe muti kɔ, Bepi mə yɔ met-e, te muti aŋyathki a mu, thalɔm aŋwɔnt mu, thalɔm aŋfatanɛ a mu ayola; pəkasifɛ sɔthlɔm ninaŋ aŋ tə muti mu sɔ, ɔwa a kala mu ti. 13Kɛrɛ ma mə yɔ met-e, muti ȧŋmɔnɛ, ŋa məbəth, aŋtətkɛ yi aŋfith. 14Ɔwa munɔ mə tə yi uruba pəkasifɛ aŋ ba hɛ koko tə kəkala mu; kɛrɛ aŋ tə kala mu ti ka kȧyokanɛ ka aŋlompi.
15Ɔwa ma ukin ka ŋaŋ aŋa yirȧ ka kədi yi kɔnɔ ɔ təl mȧtȧy ame-e, ɔ pa ro ŋɔŋ, Uruba wɔŋ ɔwe mə di kəbo ka rȧbȧy ra Kuru. 16Kɛrɛ kɔnɔ ɔ pa ro ŋɔŋ, Ulaŋgba ulɔm ɔ bɛnɛnɛ afantha abana, kɔ muti afəm agbȧthi. 17Ɔwa ma ȧŋlɔkɔ aŋ bek-e, ɔ som ɛbɔy yɔŋ tə kəpa ka ŋaŋ aŋa a muti, Der nu ȧtesoma-e a po thɔŋ bɛnɛnɛ ɛyɛt bɛ. 18Ka ŋa bɛ yi rim rin aŋ təp tə kəkat kɛrɛ. Ɔtɔtɔkɔ ɔ pa, I po wai kɔr, i ba kəkɔ kəli ki. Ɔmari mu ta ɔ kabari mi. 19Ulɔm ɔ pa, I po wai təna tɔfɔt, i ba kəkɔ mɛm ŋa. Ɔmari mu ta ɔ kabari mi. 20Ulɔm ɔ pa, I po nȧntȧ ubɛra, tiyȧŋ i gbəli hɛ der. 21Ka ȧŋbɔy ɔ der, ɔ kanɛ ɔmarki kɔŋ mȧtȧy ame. Ka ɔthem ɔwe ba ȧŋseth ɔ bansȧ, ɔ pa ka ȧŋbɔy ŋɔŋ, Kɔnɛ lɛmp ka asoŋ təbana yi təlɔl ta kȧpet, mə kȧrȧ nɔ ȧŋmɔnɛ, ŋa məbəth, aŋfith yi aŋtətkɛ. 22Ka ȧŋbɔy ɔ pa, Pa a po yɔ ȧte mə yamari, kɛrɛ halisa dɛr ɔ yi ri ras. 23Ɔwa ɔmarki ɔ pa ka ȧŋbɔy, Kɔnɛ ka asoŋ təbana yi ka ɛkunk, ɔwa yɔ kȧmȧ aŋ der kȧmȧ ȧŋseth a mi aŋ la. 24kotȧy-e i kanɛ nu, wuni kin ka aŋfəm aŋa a mɔtha muti ɔ ba hɛ kətham aŋfantha a mi.
25Ɔwa suniya təbana tə paya kɔ, kɔ fəlɛ ɔ pa ro ŋaŋ, 26Bepi wuni o wuni ɔ der ro mi, ɔ gbɛŋa hɛ ɔkas kɔŋ-o, ɔkara kɔŋ-o, ɔrani kɔŋ-o, aŋwuth ŋɔŋ-o, aŋwɔnt ŋɔŋ aruni-o, aŋwɔnt ŋɔŋ abɛra-o yi aŋesəm ŋɔŋ sɔ-e, ɔ gbəli hɛ yi ukarande kȧmi. 27Ɔwa wuni o wuni ɔwe te gbanɛ akənt kɔŋ kəpəŋkinɛ, ɔ tȧŋ mi, ɔ gbəli hɛ yi ukarande kȧmi. 28kotȧy-e, kanɛ ka nu ɔwe yema təmȧ aseth, ɔ mɔtha hɛ yirȧ, ɔ yirka amɔlɔ mati, kȧmȧ ɔ tȧrȧ bepi ɔ ba ɔbeki tə kəpoŋ ŋi-e? 29Ta thani ma ɔ po rafəth-e, ɔ gbəli hɛ ləpəs ŋi, ɔwa aŋfəm bɛ aŋa nənk ti aŋ sel kɔ, 30aŋ tə pa, Ɔwuni ɔwe ɔ təp kəseth, kɛrɛ ɔ gbəli hɛ pons ŋi. 31Thalɔm ubȧy ureke, mɔ mɔ po tim ubȧy ulɔm rə rəfa-e, mɔ te mɔtha yirȧ tə kəkəli bepi kɔnɔ yi ɛwul tɔfɔt ɔ gbəli gbanɛ kɔnɔ ɔwe mə der yi ɛwul kəgba. 32Thalɔm ma ɔlɔm ɔ yi ras ɔbɔli, ɔ tə som akapər kȧmȧ ɔ nɛmthɛnɛ ta məthɔfəl. 33Tiyȧŋ ukin o kin ka nu ɔwe te tey bɛ ara ɔ ba, ɔ gbəli hɛ yi ukarande kȧmi. 34Amɛr mə yi məfinɔ, kɛrɛ bepi mə dim mabɔthi mati-e, ko mə gbəli bɔthəs ma sɔ-e? 35Mə thesa hɛ ta ȧŋthɔf, mə thesa hɛ ta amuruŋ, tha a tə fitha ma. Ɔwe ba ɛləns ta ɔ təl.
Attualmente Selezionati:
Luk 14: TMNNT
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Themne New Testament © The Bible Society of Sierra Leone, 2009.
Luk 14
14
1Ka pə re yi ka asabath alɔm ma ɔ wɔŋ ka ȧŋseth ŋa ukin ka aŋkərbomp ka aŋFarisi tə kədi-e, aŋ pɛmplɛ kɔ. 2Ɔwa kəla, wuni lɔm ɔ yi rodi kɔŋ ɔwe ba ayefu. 3Ka Yisɔs ɔ yif aŋtara aŋthɔ yi aŋFarisi, Pə yi ɔlompi tə kəyeŋkəs wuni ka ȧŋsabath-i? 4Kɛrɛ aŋ taŋk thəm. Kɔ gbasi kɔ, ɔ yenkəs kɔ, ɔ ter kɔ ɔ kɔnɛ. 5kɔ pa ro ŋaŋ, Wuni reke ka nu bepi ɔ ba asofali thalɔm una ɔ fumpɔ rə kələmp-e, mɔ te wurɔ kɔ ɔlɛmp wati ka asabath-i? 6Ɔwa aŋ gbəli hɛ sɔ gbaki ka mȧtȧy ame.
7Ɔwa ma ɔ nənk kəpa aŋa a po muti aŋ thithəs tawaŋ tətɔtɔkɔ-e, ɔ fɔfȧnɛ ŋa rə alomɔ, kɔ pa, 8Bepi wuni ɔ muti mu tə kəkɔ rə met ma kənantə, te yirȧ ka kawaŋ kətɔtɔkɔ, pəkasifɛ sɔthlɔm ɔwe muti mu ɔ po muti wuni lɔm ɔwe thas mu, 9ɔwa kɔn ɔwe muti na ŋarəŋȧŋ ɔ tə re pa ro mu, Sɔŋ ɔwuni ɔwe dɛr. Ɔwa munɔ mə tə təp rə məlap kəgbasi ɔdɛr ɔləpsɔ. 10Kɛrɛ ma a muti mu-e, kɔ yirȧ ka ɔdɛr ɔləpsɔ, kȧmȧ ma kɔn ɔwe po muti mu ɔ der-e, ɔ tə pa ro mu, Yathki, sək rodi; ɔwa mə tə sɔthɔ yiki ka kabəpər ka ŋa bɛ aŋa yirȧ tə kədi yi munɔŋ. 11kotȧy-e, wuni o wuni ɔwe mə ŋatanɛ a tə thora kɔ, ɔwa kɔnɔ ɔwe mə thoranɛ a tə ŋata kɔ. 12kɔ pa sɔ ka kɔn ɔwe muti kɔ, Bepi mə yɔ met-e, te muti aŋyathki a mu, thalɔm aŋwɔnt mu, thalɔm aŋfatanɛ a mu ayola; pəkasifɛ sɔthlɔm ninaŋ aŋ tə muti mu sɔ, ɔwa a kala mu ti. 13Kɛrɛ ma mə yɔ met-e, muti ȧŋmɔnɛ, ŋa məbəth, aŋtətkɛ yi aŋfith. 14Ɔwa munɔ mə tə yi uruba pəkasifɛ aŋ ba hɛ koko tə kəkala mu; kɛrɛ aŋ tə kala mu ti ka kȧyokanɛ ka aŋlompi.
15Ɔwa ma ukin ka ŋaŋ aŋa yirȧ ka kədi yi kɔnɔ ɔ təl mȧtȧy ame-e, ɔ pa ro ŋɔŋ, Uruba wɔŋ ɔwe mə di kəbo ka rȧbȧy ra Kuru. 16Kɛrɛ kɔnɔ ɔ pa ro ŋɔŋ, Ulaŋgba ulɔm ɔ bɛnɛnɛ afantha abana, kɔ muti afəm agbȧthi. 17Ɔwa ma ȧŋlɔkɔ aŋ bek-e, ɔ som ɛbɔy yɔŋ tə kəpa ka ŋaŋ aŋa a muti, Der nu ȧtesoma-e a po thɔŋ bɛnɛnɛ ɛyɛt bɛ. 18Ka ŋa bɛ yi rim rin aŋ təp tə kəkat kɛrɛ. Ɔtɔtɔkɔ ɔ pa, I po wai kɔr, i ba kəkɔ kəli ki. Ɔmari mu ta ɔ kabari mi. 19Ulɔm ɔ pa, I po wai təna tɔfɔt, i ba kəkɔ mɛm ŋa. Ɔmari mu ta ɔ kabari mi. 20Ulɔm ɔ pa, I po nȧntȧ ubɛra, tiyȧŋ i gbəli hɛ der. 21Ka ȧŋbɔy ɔ der, ɔ kanɛ ɔmarki kɔŋ mȧtȧy ame. Ka ɔthem ɔwe ba ȧŋseth ɔ bansȧ, ɔ pa ka ȧŋbɔy ŋɔŋ, Kɔnɛ lɛmp ka asoŋ təbana yi təlɔl ta kȧpet, mə kȧrȧ nɔ ȧŋmɔnɛ, ŋa məbəth, aŋfith yi aŋtətkɛ. 22Ka ȧŋbɔy ɔ pa, Pa a po yɔ ȧte mə yamari, kɛrɛ halisa dɛr ɔ yi ri ras. 23Ɔwa ɔmarki ɔ pa ka ȧŋbɔy, Kɔnɛ ka asoŋ təbana yi ka ɛkunk, ɔwa yɔ kȧmȧ aŋ der kȧmȧ ȧŋseth a mi aŋ la. 24kotȧy-e i kanɛ nu, wuni kin ka aŋfəm aŋa a mɔtha muti ɔ ba hɛ kətham aŋfantha a mi.
25Ɔwa suniya təbana tə paya kɔ, kɔ fəlɛ ɔ pa ro ŋaŋ, 26Bepi wuni o wuni ɔ der ro mi, ɔ gbɛŋa hɛ ɔkas kɔŋ-o, ɔkara kɔŋ-o, ɔrani kɔŋ-o, aŋwuth ŋɔŋ-o, aŋwɔnt ŋɔŋ aruni-o, aŋwɔnt ŋɔŋ abɛra-o yi aŋesəm ŋɔŋ sɔ-e, ɔ gbəli hɛ yi ukarande kȧmi. 27Ɔwa wuni o wuni ɔwe te gbanɛ akənt kɔŋ kəpəŋkinɛ, ɔ tȧŋ mi, ɔ gbəli hɛ yi ukarande kȧmi. 28kotȧy-e, kanɛ ka nu ɔwe yema təmȧ aseth, ɔ mɔtha hɛ yirȧ, ɔ yirka amɔlɔ mati, kȧmȧ ɔ tȧrȧ bepi ɔ ba ɔbeki tə kəpoŋ ŋi-e? 29Ta thani ma ɔ po rafəth-e, ɔ gbəli hɛ ləpəs ŋi, ɔwa aŋfəm bɛ aŋa nənk ti aŋ sel kɔ, 30aŋ tə pa, Ɔwuni ɔwe ɔ təp kəseth, kɛrɛ ɔ gbəli hɛ pons ŋi. 31Thalɔm ubȧy ureke, mɔ mɔ po tim ubȧy ulɔm rə rəfa-e, mɔ te mɔtha yirȧ tə kəkəli bepi kɔnɔ yi ɛwul tɔfɔt ɔ gbəli gbanɛ kɔnɔ ɔwe mə der yi ɛwul kəgba. 32Thalɔm ma ɔlɔm ɔ yi ras ɔbɔli, ɔ tə som akapər kȧmȧ ɔ nɛmthɛnɛ ta məthɔfəl. 33Tiyȧŋ ukin o kin ka nu ɔwe te tey bɛ ara ɔ ba, ɔ gbəli hɛ yi ukarande kȧmi. 34Amɛr mə yi məfinɔ, kɛrɛ bepi mə dim mabɔthi mati-e, ko mə gbəli bɔthəs ma sɔ-e? 35Mə thesa hɛ ta ȧŋthɔf, mə thesa hɛ ta amuruŋ, tha a tə fitha ma. Ɔwe ba ɛləns ta ɔ təl.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Themne New Testament © The Bible Society of Sierra Leone, 2009.