Banɔkpɛkpɛ Axɔ̃ɛ Otugba Ibuiɛ

Otugba Ibuiɛ

Banɔkpɛkpɛ axɔ̃ɛ wɔawɔa enu Luka eplukpa nabha tɛvɛvɛ. Kɛgɛ kɛlɛ shu so pɛ bafɔnɔ keplukpa alɛ kɛlɛinu ɔsɛ tɛ baɖɔ kana gɛ Ɔfɔfuĩa Gbangbã ɔgbana bagɛ eputɔ azã Yesu edeɛ, pɛ bazaɖɔ yɛishu Ebui Gbangbã akana nɛ Yerusalem, Yudea nɛ̀ Samaria petee ɔvɛnɔ kesiakpa ɔtɔ̃kɔ (1.8). Kinu kibui gɛ bɔɖɔ nɛ ɔhaa gɛ oputɔ shu, kɛnyɔ gɛ Kristoanɛ anyɔ afala gɛ kɛkpɛ esi odenɔ Yudanɛ ishi pɛ kɛvɛ kɛlɛ abha didzì tɛyɛyɛkɛŋã ibui ɔkɔ kanɔ nɔ̀ mɛ petee. Agɛ yɛafɔnɔ keplukpa alɛ apɛ asɛ tɛ̀ adalɛ ɛlɛ mɛ tɛ̀ bagɛ abà kalà yɛeplukpa etì asɛ Kristoanɛ egidzì banɔ gɛaba sɛ tɛ̀ ebezĩ bɔdɔ̃ nɛ Romanɛ Kɛmadiɛ shu, pɔ tɛ̀ bàlɛ tɛyɛyɛkɛŋã kɔ ɔsɛ kɛgɛ bafɔnɔ elú nɛ Yudanɛ ɛkɔɔ shuɔ ba ɛlɛ mɛ.

Bafɔnɔnɔ Baxɔ̃ɛwɔa eplukpa alɛ akpɛ bɔwɔ̃pɛ tɔta mɛ, bebu bɔlɛ akpɛ kɛbhɛtɛ gɛ babhɛtɛ pɛ baɖɔ Yesu shu Ibui Gbangbã akanà flogo pɛ bebèdzu ɔhaa. (1) Kana gɛ Kristoanɛ katsɛɖɛ bubu akpɛ esi nɛ Yerusalem gɛ Yesu avɛ kitití niede (2) Kana gɛ ɔhaa ɔnɛ̀ ɔvɛ Samaria, nɛ̀ ɛmaa gɛlɛ kibé ɛlɛ mɛ, (3) Kana gɛ ɔhaa owlui ɔzɔnɛ̀ ɔtɔɖɔ, ɔvɛnɔ busiakpa gɛlɛ Mediterenia ɔdɔ̃ mɛ, ɔvɛnɔ Roma ibé fãa.

Kibui tinikpo gɛlɛ ɔsɛ baɖɔ nɛ Baxɔ̃ɛwɔa keplukpa shu kɛlɛinu Ɔfɔfuĩa Gbangbã axɔ̃ɛ wɔawɔa, gɛ lɔba bayɛyɛkɛŋã nabha nɛ̀ ohumi nɛ Yerusalem nɛ Pentekoste kiwui nabha pɛ lɔvɛ ɛlɛ abha pɛ lɔzɔ gbanà alɛ pɛ lɔkpɛ ɔhaa nɛ̀ alɛ beshesheɛ kemi nɛ kibeɛ gɛ bakɔ ebui alɛ tititì nɛ keplukpa mɛ. Bafɔnɔ Kristoanɛ gɛetiputɔ balɛ ebuiɛ gulũi nɛ Owusoso Akaa ebuiɛ tɛɖɔɖɔ mɛ, kɛlɛ ebui gɛ laba alɛ mɛ pɛ bafɔnɔ nɛ Baxɔ̃ɛwɔa keplukpa mɛ akasɛ kibuiɛ kɛlɛ ohumi nɛ bayɛyɛkɛŋã ɛkpãa nɛ̀ ɔhaa mɛ tɛzazã shu.

Keplukpa Mɛ Ebuiɛ

Tɛbabalɛ ɔkɔ bagɛ bazã amɔ ebuiɛ 1.1-26

a. Yesu ɔsha gɔgɔɔ nɛ kɛgɛ atɔɖɔ elúɔ 1.1-14

b. Agɛ yɛabazã Yuda yɛinyeɛ mɛ 1.15-26

Kibui mɛ dadalɛ nɛ Yerusalem 2.1—8.3

Kibui mɛ dadalɛ nɛ Yudea nɛ̀ Samaria 8.4—12.25

Paulo yɛaxɔ̃ɛ wɔawɔa 13.1—28.31

a. Paulo yɛidzo gagã gɛiputɔ̀ 13.1—14.28

b. Kɛtakpu tɔtɔ̃ nɛ Yerusalem 15.1-35

d. Bagɛ balɔkɔ kibuiɛ bɔbhalà balɛ kidzogagã 15.36—18.22

ɖ. Paulo yɛidzo gagã ɔtramɛ 18.23—21.16

e. Paulo anɔ gɛ azã ɔɖavũmɛ nɛ Yerusalem, Kaisarea nɛ̀ Roma 21.17—28.31

Attualmente Selezionati:

Banɔkpɛkpɛ Axɔ̃ɛ Otugba Ibuiɛ: nyb

Evidenziazioni

Copia

Vuoi avere le tue evidenziazioni salvate su tutti i tuoi dispositivi?Iscriviti o accedi

Ulteriori informazioni su Nyangbo New Testament

Banɔkpɛkpɛ Axɔ̃ɛ Otugba Ibuiɛ

I Versetti Biblici più popolari da
Banɔkpɛkpɛ Axɔ̃ɛ Otugba Ibuiɛ

Bibbia:

Tutrugbu

Versione: Nyangbo New Testament - nyb