Yoane 14
14
Yes awek baronki bante inyitis
1Mitem mia binu upak bo, yes ana Ntsampe, bunkan- tshyes ake minyi.
2Marak ma buiki mungwar u mpur a Tata ; mpe mey mene uwar nkos bo, keka rumabisuengs, minyi ruwe kuwe isina kuwabipongos irak.
3Nter yeiwe minyi, nter yeibipongos minyi irak, minyi rupakawiy, minyi yerupabirab nto ami, isina irak ye- ruwar minyi, binu ake buwar.
4Binu bumayeb irak ruwe minyi, binu bumayeb mpok.
5Tomas kunor yampe : Kumu ! bitu reke tshuayeb irak ruwe wene ; a bitu tshuyeb mpok mpuenyi ake ?
6Yes kunor yampe : Minyi ru mpok, ru barabara, nto a mony ; muot rek uwiy ngwa Tata, mpe ya rek utowiy ngwa minyi bo.
7Mpe bumantshyeb minyi, binu bumayeb Tata ake ; kekanko binu bumanyeb, binu bumantar.
8Firipo kunor yampe : Kumu ! tshusuintshi Tata, keka rayerm a bitu.
9Yes kunsaks yampe : Minyi rumabik nto a binu, wene kewatotshuyeb Firipo? Ntshu imatar minyi, amatar ake Tata. Mpuenyi ake inora wene ampe : Tshusuintsh Tata ?
10Wene rek wayes ampe minyi rungwar kat a Tata, nto ake Tata angwar u kat ami ? Mey mumak biror minyi kerumak maror ma minyi amet bo ; Tata angwak u kat ami ya nkerk mayemp.
11Ntshyes ana minyi, minyi rungwa kat a Tata, nto ake Tata u kat ami, bayes ana isina mayemp mene.
12Barabara, barabara, minyi rik birori : Ntshu ntshyes minyi, apaker mayemp ake nko inkerk minyi, yante ipaker mareka, isina minyi ruwe ngwa Tata.
13Ruey rukim ruromp binu Tata i rukompua rami, minyi ruparuker, isina keka Tata iton kat a Muan.
14Mpe baromp iket i rukompua rami, minyi raparuker.
15Mpe bumapont minyi, yere ana bikin biami.
16Minyi ruparomp Tata, yante ipabiwek Nkers yuekra, isina yante iwar nto a binu sera sera.
17Puinki a Ntsampe a barabara, bat ba man uyeb unab bo, isina banta untar bo, unyeb akebo, di binu bunyeb yante isina iwa yante nto a binu, yeiwar kat a binu.
18Minyi rak sabibompr bitiki bo, minyi rapawiy kat a binu.
19Itankua kakek bat ba man bak katar minyi bo ; di binu bapatar minyi ; isina ingwa minyi a mony, binu ake bukak war a mony.
20Rusu risu binu bupayeb minyi rungwak kat a Tata, binu ake u kat ami, minyi ake u kat a binu.
21Ntshu ngwar i bikin biami mak biront, ya yos mapont ; ntshu upont minyi, Tata apakangont yante, minyi rupangont, minyi rupanyeb.
22Yuda ka Iskariot bo, kunor yampe : Kumu ! mpuenyi ake itshuyeb wene bitu, di ngwa bat ba man bo ?
23Yes kunsaks yampe : Mpe muot apont minyi, yante aparont mey mami, Tata apangonta; bitu tshupawiy ngwa yante, tshuker irak ruwar u kat ante.
24Ntshu wa rek upont minyi, yak ront ake mey mami bo. Ruey rik oki binu rek rawar rami bo, di ra bora Tata ntshu amatom minyi.
25Minyi rik birori mey mene isina ingwa minyi nto a binu.
26Di Nkers ntshu ngwaka Ntem mua Puinki a Ntsampe ntshu yetom Tata i rukompua rami, ipabisuengs mey makima, nto ake yante ipabikanans mey makima mumabisuengs minyi.
27Minyi rusabibombs inyitis, minyi ribiwek inyitis rami, minyi rak biwek nko ingwekeke bat. Mitem mia binu umon ntshoro bo, upak bo.
28Binu bamaok minyi rumabiror ampe : Minyi ruwe kuwe, minyi rapakawiy ngwa binu. Mpe binu bamapont, keka binu bumaniang isina iwe minyi ngwa Tata ; isina Tata amantek minyi.
29Minyi rik birori mey mene kekanko buso ingwa manta rek ututor, isin nter yeitor manta, keka binu buyes.
30Minyi rak ka biror mey ma buik bo, isina kumu a bat ba man mene amawiy, ya rek a ruey u kat ami bo.
31Di isina keka bat ba man bayeb ampe minyi ramawont Tata, minyi runker bikin biamapek Tata. Katu ana, tshuawe.
Attualmente Selezionati:
Yoane 14: EJK2012
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Copyright © 2012, ASAREB, Suisse MiDi BIBLE
Yoane 14
14
Yes awek baronki bante inyitis
1Mitem mia binu upak bo, yes ana Ntsampe, bunkan- tshyes ake minyi.
2Marak ma buiki mungwar u mpur a Tata ; mpe mey mene uwar nkos bo, keka rumabisuengs, minyi ruwe kuwe isina kuwabipongos irak.
3Nter yeiwe minyi, nter yeibipongos minyi irak, minyi rupakawiy, minyi yerupabirab nto ami, isina irak ye- ruwar minyi, binu ake buwar.
4Binu bumayeb irak ruwe minyi, binu bumayeb mpok.
5Tomas kunor yampe : Kumu ! bitu reke tshuayeb irak ruwe wene ; a bitu tshuyeb mpok mpuenyi ake ?
6Yes kunor yampe : Minyi ru mpok, ru barabara, nto a mony ; muot rek uwiy ngwa Tata, mpe ya rek utowiy ngwa minyi bo.
7Mpe bumantshyeb minyi, binu bumayeb Tata ake ; kekanko binu bumanyeb, binu bumantar.
8Firipo kunor yampe : Kumu ! tshusuintshi Tata, keka rayerm a bitu.
9Yes kunsaks yampe : Minyi rumabik nto a binu, wene kewatotshuyeb Firipo? Ntshu imatar minyi, amatar ake Tata. Mpuenyi ake inora wene ampe : Tshusuintsh Tata ?
10Wene rek wayes ampe minyi rungwar kat a Tata, nto ake Tata angwar u kat ami ? Mey mumak biror minyi kerumak maror ma minyi amet bo ; Tata angwak u kat ami ya nkerk mayemp.
11Ntshyes ana minyi, minyi rungwa kat a Tata, nto ake Tata u kat ami, bayes ana isina mayemp mene.
12Barabara, barabara, minyi rik birori : Ntshu ntshyes minyi, apaker mayemp ake nko inkerk minyi, yante ipaker mareka, isina minyi ruwe ngwa Tata.
13Ruey rukim ruromp binu Tata i rukompua rami, minyi ruparuker, isina keka Tata iton kat a Muan.
14Mpe baromp iket i rukompua rami, minyi raparuker.
15Mpe bumapont minyi, yere ana bikin biami.
16Minyi ruparomp Tata, yante ipabiwek Nkers yuekra, isina yante iwar nto a binu sera sera.
17Puinki a Ntsampe a barabara, bat ba man uyeb unab bo, isina banta untar bo, unyeb akebo, di binu bunyeb yante isina iwa yante nto a binu, yeiwar kat a binu.
18Minyi rak sabibompr bitiki bo, minyi rapawiy kat a binu.
19Itankua kakek bat ba man bak katar minyi bo ; di binu bapatar minyi ; isina ingwa minyi a mony, binu ake bukak war a mony.
20Rusu risu binu bupayeb minyi rungwak kat a Tata, binu ake u kat ami, minyi ake u kat a binu.
21Ntshu ngwar i bikin biami mak biront, ya yos mapont ; ntshu upont minyi, Tata apakangont yante, minyi rupangont, minyi rupanyeb.
22Yuda ka Iskariot bo, kunor yampe : Kumu ! mpuenyi ake itshuyeb wene bitu, di ngwa bat ba man bo ?
23Yes kunsaks yampe : Mpe muot apont minyi, yante aparont mey mami, Tata apangonta; bitu tshupawiy ngwa yante, tshuker irak ruwar u kat ante.
24Ntshu wa rek upont minyi, yak ront ake mey mami bo. Ruey rik oki binu rek rawar rami bo, di ra bora Tata ntshu amatom minyi.
25Minyi rik birori mey mene isina ingwa minyi nto a binu.
26Di Nkers ntshu ngwaka Ntem mua Puinki a Ntsampe ntshu yetom Tata i rukompua rami, ipabisuengs mey makima, nto ake yante ipabikanans mey makima mumabisuengs minyi.
27Minyi rusabibombs inyitis, minyi ribiwek inyitis rami, minyi rak biwek nko ingwekeke bat. Mitem mia binu umon ntshoro bo, upak bo.
28Binu bamaok minyi rumabiror ampe : Minyi ruwe kuwe, minyi rapakawiy ngwa binu. Mpe binu bamapont, keka binu bumaniang isina iwe minyi ngwa Tata ; isina Tata amantek minyi.
29Minyi rik birori mey mene kekanko buso ingwa manta rek ututor, isin nter yeitor manta, keka binu buyes.
30Minyi rak ka biror mey ma buik bo, isina kumu a bat ba man mene amawiy, ya rek a ruey u kat ami bo.
31Di isina keka bat ba man bayeb ampe minyi ramawont Tata, minyi runker bikin biamapek Tata. Katu ana, tshuawe.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Copyright © 2012, ASAREB, Suisse MiDi BIBLE