Yoane 3
3
Yes aror Nikodem isina ibots ra roronto
1Muot mwetsh awak u nteng bafarisa rukompua rante Nikodem, yante awak kumu basi Yuda.
2Yante kuwiy ngwa Yes i butu kunor yampe : Kumu ? Bitu tshumayeb wene atoa bor a Ntsampe, isina rek a muot uyeb uker bisana nko inker wene mpe Ntsampe rek uwar nto ante.
3Yes kunsaks yampe : Barabara, barabara, minyi rik irori, mpe muot awar reke botos mpots ntshi mpe, yante yak uyeb utar bukumu bua Ntsampe bo.
4Nikodem kunsaks yampe : Mpueny ake muot iyeb ukabots mpe yante ama nun? Apakayeb unyingin u kat ikuntu rinyante ikabots mpots yekra ?
5Yes kusaks yampe : Barabara, barabara, minyi rik irori, mpe muot awar rek ubotos nto a mas nto ake Puinki a Ntsampe bo, yante yak yeb unyingin u kat bukumu bua Ntsampe bo.
6Isina rine rabota rutoko, rungwak rutoko, rine rabota Puinki a Ntsampe ake rungwak Puinki a Ntsampe.
7Usisu bo isin imairor minyi ampe : Muot bukamot mpotr yekra.
8Puinki angwek mpok ingank yante uwe, wene uok iweyi rante, di wene uyeb bo mpok ingwik yante, nto ake mpok ingwek yante, mungwak kankos mpe Puinki a Ntsampe abot muot.
9Nikodem kunor yampe : Mey mene muyeb uwiy mpuenye ?
10Yes kunsaks yampe : Wene u mene basi Israer, wene rek wayeb meye mene ?
11Barabara, barabara, minyi rik irori, bitu tshuntotok mey mayeb bitu, bitu tshungwak mikentshi mia mey matar bitu, di binu uyes mey mamabisuengs bitu bo.
12Mpe imerk binu uyes mey mumak bisuengs minyi ma ruk ra man, di binu buyeb uyes mpueny ake, mpe minyi ribisuengs mey ma ruk?
13Rek a muot atowe ra ruk, ya yante atoa u ruk, yante awar Muan a Muot ntshu ngwa u ruk.
14Nko apanya Moise ntshu u nteng busuebe bu ibuings, Muan a Muot itokapanam nkos.
15Isina keka mpe muot inyes, yante yak kawu bo, di yante imon mony usir bo.
16Isin Ntsampe amareb uwont bat, kek awek yante Muan ante mwetsh ntshu nunka, isina keka mpe muot inyes, yante ya kawu bo, di yante imon mony usir bo.
17Isin Ntsampe kuatom Muan ante kat a batu isina kuwiy kuaks bat bo, di isina keka bat bubant u kat ante.
18Muot ntshu nyes yante, yak kakuak bo, di ntshu uber uyes yante yeikuaka, isina aber yante uyes rukompua ra Muan a Ntsampe mwetsh.
19Keka rutents rungwak isin ye : Isin muer muamawiy u kat a batu, bat bareb uwont muimin, muer bo, isin mingun mia banta miawak bube.
20Isin muot ntshu nkerk bube kuangontok muer bo, ya uwiy ngwa muer bo, isina ampakrk mayemp mante mabe yar masoru.
21Di muot ntshu nkerk mey ma barabara iwiy kat a muer, isina mayemp mante musoru, isin manta mungwak ma Ntsampe.
Yoane Batis akaukusuengs bat mey ma Yes
22Ampis muna Yes nto baronki bante, kuwe suesa a Yuda, ya kuwar a ba ona, nto ake yante aukuwek batis.
23Yoane ake kukawek batis u bora Enon, kora kor a bora Sarim, isina mas mawar ma buiki ona, bat kuwe una isina kuwarab batis.
24Isina ba uto sik Yoane u burok bo.
25Baronki ba Yoane nto ake nsi Yuda kuyers isina mey mu batis.
26Ba kuwiy kora kor a Yoane kunor : Kumu ! muot awak awo irak rumwetsh muin mua Yordani, ntshu aker wene bukentshi buante, yante ikuwek batis, bat ba buiki bumawe ngwa yante.
27Yoane kubasaks yampe : Rek a muot uyeb u rab iket bo, mpe rek ngwek a rinta u ruk.
28Bi amet bawar binkongot biami atot mi ampe ; minyi ka ru Kristo bo, di minyi rawiy rutoma buso buante.
29Muot ntshu ntomp ngat angwa nuem ngat, di mpai a mun ngat mpe anyemt aok yante ruto rante, yante iniang buiki isin rutot runtomp ngat ; nkos minyi ake, nianko muami mumareks.
30Busek yante inang, minyi rubonom.
31Ntshu atoa u ruk amarek bikima ; ya ntshuatoa u man angwak man, antotok ake mey ma man ; ya ntshu ato u ruk amarek bikima.
32Yante antotok mey matar yante nto ake mey maok yante, rek a muot uyes mey matot yante.
33Muot ntshu yes mey matot yante inyimis Ntsampe angwa a barabara.
34Isina yante atint Ntsampe, ya antotok mey ma Ntsampe, isina Ntsampe ungwek Puinki a Ntsampe a ruer bo.
35Tata awont Muan, amangwek biket bikima ubiar biante.
36Muot ntshu yes Muan a Ntsampe, ya imon mony usir bo, ntshu bera uyes Muan a Ntsampe, yante yak utar mony bo, na kabo sia Ntsampe singwar ruk rante.
Attualmente Selezionati:
Yoane 3: EJK2012
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Copyright © 2012, ASAREB, Suisse MiDi BIBLE
Yoane 3
3
Yes aror Nikodem isina ibots ra roronto
1Muot mwetsh awak u nteng bafarisa rukompua rante Nikodem, yante awak kumu basi Yuda.
2Yante kuwiy ngwa Yes i butu kunor yampe : Kumu ? Bitu tshumayeb wene atoa bor a Ntsampe, isina rek a muot uyeb uker bisana nko inker wene mpe Ntsampe rek uwar nto ante.
3Yes kunsaks yampe : Barabara, barabara, minyi rik irori, mpe muot awar reke botos mpots ntshi mpe, yante yak uyeb utar bukumu bua Ntsampe bo.
4Nikodem kunsaks yampe : Mpueny ake muot iyeb ukabots mpe yante ama nun? Apakayeb unyingin u kat ikuntu rinyante ikabots mpots yekra ?
5Yes kusaks yampe : Barabara, barabara, minyi rik irori, mpe muot awar rek ubotos nto a mas nto ake Puinki a Ntsampe bo, yante yak yeb unyingin u kat bukumu bua Ntsampe bo.
6Isina rine rabota rutoko, rungwak rutoko, rine rabota Puinki a Ntsampe ake rungwak Puinki a Ntsampe.
7Usisu bo isin imairor minyi ampe : Muot bukamot mpotr yekra.
8Puinki angwek mpok ingank yante uwe, wene uok iweyi rante, di wene uyeb bo mpok ingwik yante, nto ake mpok ingwek yante, mungwak kankos mpe Puinki a Ntsampe abot muot.
9Nikodem kunor yampe : Mey mene muyeb uwiy mpuenye ?
10Yes kunsaks yampe : Wene u mene basi Israer, wene rek wayeb meye mene ?
11Barabara, barabara, minyi rik irori, bitu tshuntotok mey mayeb bitu, bitu tshungwak mikentshi mia mey matar bitu, di binu uyes mey mamabisuengs bitu bo.
12Mpe imerk binu uyes mey mumak bisuengs minyi ma ruk ra man, di binu buyeb uyes mpueny ake, mpe minyi ribisuengs mey ma ruk?
13Rek a muot atowe ra ruk, ya yante atoa u ruk, yante awar Muan a Muot ntshu ngwa u ruk.
14Nko apanya Moise ntshu u nteng busuebe bu ibuings, Muan a Muot itokapanam nkos.
15Isina keka mpe muot inyes, yante yak kawu bo, di yante imon mony usir bo.
16Isin Ntsampe amareb uwont bat, kek awek yante Muan ante mwetsh ntshu nunka, isina keka mpe muot inyes, yante ya kawu bo, di yante imon mony usir bo.
17Isin Ntsampe kuatom Muan ante kat a batu isina kuwiy kuaks bat bo, di isina keka bat bubant u kat ante.
18Muot ntshu nyes yante, yak kakuak bo, di ntshu uber uyes yante yeikuaka, isina aber yante uyes rukompua ra Muan a Ntsampe mwetsh.
19Keka rutents rungwak isin ye : Isin muer muamawiy u kat a batu, bat bareb uwont muimin, muer bo, isin mingun mia banta miawak bube.
20Isin muot ntshu nkerk bube kuangontok muer bo, ya uwiy ngwa muer bo, isina ampakrk mayemp mante mabe yar masoru.
21Di muot ntshu nkerk mey ma barabara iwiy kat a muer, isina mayemp mante musoru, isin manta mungwak ma Ntsampe.
Yoane Batis akaukusuengs bat mey ma Yes
22Ampis muna Yes nto baronki bante, kuwe suesa a Yuda, ya kuwar a ba ona, nto ake yante aukuwek batis.
23Yoane ake kukawek batis u bora Enon, kora kor a bora Sarim, isina mas mawar ma buiki ona, bat kuwe una isina kuwarab batis.
24Isina ba uto sik Yoane u burok bo.
25Baronki ba Yoane nto ake nsi Yuda kuyers isina mey mu batis.
26Ba kuwiy kora kor a Yoane kunor : Kumu ! muot awak awo irak rumwetsh muin mua Yordani, ntshu aker wene bukentshi buante, yante ikuwek batis, bat ba buiki bumawe ngwa yante.
27Yoane kubasaks yampe : Rek a muot uyeb u rab iket bo, mpe rek ngwek a rinta u ruk.
28Bi amet bawar binkongot biami atot mi ampe ; minyi ka ru Kristo bo, di minyi rawiy rutoma buso buante.
29Muot ntshu ntomp ngat angwa nuem ngat, di mpai a mun ngat mpe anyemt aok yante ruto rante, yante iniang buiki isin rutot runtomp ngat ; nkos minyi ake, nianko muami mumareks.
30Busek yante inang, minyi rubonom.
31Ntshu atoa u ruk amarek bikima ; ya ntshuatoa u man angwak man, antotok ake mey ma man ; ya ntshu ato u ruk amarek bikima.
32Yante antotok mey matar yante nto ake mey maok yante, rek a muot uyes mey matot yante.
33Muot ntshu yes mey matot yante inyimis Ntsampe angwa a barabara.
34Isina yante atint Ntsampe, ya antotok mey ma Ntsampe, isina Ntsampe ungwek Puinki a Ntsampe a ruer bo.
35Tata awont Muan, amangwek biket bikima ubiar biante.
36Muot ntshu yes Muan a Ntsampe, ya imon mony usir bo, ntshu bera uyes Muan a Ntsampe, yante yak utar mony bo, na kabo sia Ntsampe singwar ruk rante.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Copyright © 2012, ASAREB, Suisse MiDi BIBLE