KARARIADI 16
16
I Hagar l᷊au i Ismael
1I Sarai, kawing i Abram, mborong tangkeng l᷊ai nakahombang ana. Kateho i sie pia singkatau l᷊ang bou Mesir, singkatau mahua arenge i Hagar. 2I Sarai nangul᷊i si Abram, “Mawu seng ta mupakawala ia mahinding u ana. Watu e'e, mapiang i kau katiki dingang u l᷊angku i'i. Pari i sie botonge mupahinding u ana guna ngu ia.” I Abram nanarima ndo i Sarai. 3Kere'e i Sarai nangonggo i Hagar si Abram tadeau pakikoa dokae. Su tempo e'e i Abram seng mapul᷊o su taunge su Kanaan. 4I Abram natiki dingang i Hagar, bou e'e kowawine e'e pia kal᷊uwaenge. Kateho su tempo ngi Hagar natitong himoneu i sie ko pia kal᷊uwaenge, i sie naoboti dang nupakasana i Sarai.
5Bou e'e i Sarai nangul᷊i si Abram, “Ia seng nangonggo i Hagar l᷊angku si kau, dang nanita bou i sie natitong himoneu i sie pia kal᷊uwaenge, i sie seng nupakasana u ia. E'e sal᷊au.#16:5: e'e sal᷊au arako kadongki i kau masingsara, watu'u i kau nukoa pusansal᷊a i'i si sia. Mal᷊umbako Mawu mamutusi hal᷊i i'i su tal᷊oara i kau l᷊au u ia.”
6I Abram nusumimbahi, “Kere'ete, i sie ko l᷊angu dang i kau pia kawasa si sie; pukoae tuhu kaou si sie.” Bou e'e i Sarai nukoa si Hagar matingkai kahingang, hakiu i sie nutumal᷊ang.
7Malaikati u Mawu nakahombang si Hagar masandighi u kal᷊ipupu u ake su tana l᷊inggi, su l᷊al᷊eng makoa sarang tana l᷊inggi Sur. 8Angkung u malaikati e'e, “Hagar, l᷊ang i Sarai, i kau bou apa dang sarang apa?”
I Hagar nusumimbahi, “Ia nutumal᷊ang bo i Sarai, mawuku kowawine.”
9Malaikati e'e nangul᷊i, “Pusul᷊ete si sie dang tal᷊ungete i sie.” 10Bou e'e angkung u malaikati e'e l᷊ai, “Ia sarung mangonggo si kau ana pung kere'e kaul᷊ie, hakiu takoae sarang singkatau ko makarekeng si sire. 11Ta mal᷊iwue l᷊ai i kau sarung mahinding u ana ko ese, sighote si sie i Ismael#16:11: Ismael: Areng i'i su l᷊al᷊ung u wahasa ngu Ibrani mangal᷊enge: “Mawu Ruata nakaringihi”., Ual᷊ingu Mawu seng nundaringihi sangiu. 12Arawe ana u e'e sarung muwiahi kere keledai ko maghila; i sie sarung mundoka apang taumata, dang apang taumata sarung mundoka si sie, i sie sarung muwiahi maghea bou manga ana u simbaue.”
13I Hagar nakina su l᷊al᷊ung u naunge, “Ko tingari ia seng nakawua mahang Mawu Ruata ko nupandung si sia?” Inau i sie nusigho, “Mawu Ruata Ko nupandung.” 14E'e sabapie taumata musigho pahighi su tal᷊oara u Kades l᷊au Bered e'e, “Pahighi ngi Sie ko wiahi ko seng nupandung si sia.”
15 #
Gal. 4:22
Bou e'e i Hagar nahinding u ana ko ese, dang i Abram papange, nusigho ana e'e i Ismael. 16Su tempo e'e i Abram umurie wal᷊umpul᷊onung su taunge.
Attualmente Selezionati:
KARARIADI 16: PLT
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi